Atzealdea

Irurako Ibai-Ondoko geltokia kendu egin da eta astelehenetik aurrera Katategiko industrialdean geldituko dute autobusek

Foto Irurako Ibai-Ondoko geltokia kendu egin da eta astelehenetik aurrera Katategiko industrialdean geldituko dute autobusek

Irurako Ibai-Ondoko geltokia kendu egin da eta astelehenetik aurrera Katategiko industrialdean geldituko dute autobusek

Marisol Garmendiak ostiralean izan zen istripuaren lekua bisitatu du Irurako alkatearekin

Irurako Ibai-Ondoko geltokia kendu egin da eta astelehenetik aurrera Katategiko industrialdean geldituko dute autobusek

Mugikortasun diputatu Marisol Garmendiak, Garraio zuzendari Iñaki Prego, Irurako alkate Ane Leunda eta TSST konpainia emakidaduneko kudeatzaile Santi Sarasolarekin batera, Irurako N-1eko geltokia bisitatu du, non atzo istripu bat izan zen Lurraldebuseko autobus baten eta kamioi baten artean.

Garmendiak lasaitasun-mezu bat bidali nahi izan du eta jakinarazi du atzo gertatutako istripuaren ondorioz ez dagoela zauritu larririk eta, ziur aski, datozen 24 orduetan emango zaiela alta ospitalean jarraitzen duten hiru zaurituei.

Diputatuak iragarri du Iruran, Ibai-Ondon, bai joanean, bai etorrian, gelditzen duten bi lineen autobusek dagoeneko ez dutela hor gelditzen eta astelehenetik aurrera behin-behineko geltoki bat gaituko dela bi norabideetan, geltokien inguruan kokatutako Katategi industrialdearen barruan. Gero, eta Udalarekin, Bide Azpiegituretarako Departamentuarekin eta Ertzaintzarekin batera, aldaketa egokiak egingo dira.

Garmendiak azaldu du Lurraldebusek 111 geltoki dituela eta udalek eskatuta eta Errepide Departamentuarekin lankidetzan ezartzen direla horiek. Kasu honetan, autobia abian jarri zenetik 30 urtetik gora zeramaten zerbitzua eskaintzen. Hala ere, esan du Aldundia enpresa emakidadunarekin aztertzen ari zela zer egin geltoki horrekin eta zein izan litezkeen ordezko aukerak edozein arrisku ekiditeko eta herritarrei zerbitzua eskaintzen jarraitzeko, bidaia-denbora minutu batzuk luzatu arren.

Mugikortasun diputatuak esan du Aldundia Ertzaintzaren atestatuaren zain dagoela istripuaren kausen berri izateko.     

Garmendiak adierazi du legealdi honetan Aldundia segurtasun-protokoloak berraztertzen eta doitzen ari dela, eta horrek aldaketak sortu dituela beste linea batzuen geltoki eta ibilbideetan, Zestoan eta Azpeitian, adibidez.