ekonomia sustapena
eta berrikuntza

Nazioartekotzea

Gipuzkoako Foru Aldundiak, 2015-2019ko Kudeaketa Plan Estrategikoaren barruan bultzatutako Ekonomia Suspertzeko Plana bidez, lortu nahi du Gipuzkoako enpresei laguntzea hobeak eta eraginkorragoak izan daitezen, produktu eta zerbitzu berriak sortzeko, halakoek lagunduko baitiete etorkizuneko erronkei erantzuten. Horretarako, beharrezkotzat jotzen da lurraldeko enpresak nazioartean lehiakorrak izatea, kalitatezko enplegua eta zerbitzu egokiak izatea.

Bultzatuko da Gipuzkoaren esportazio oinarria handitzea; horretarako, enpresa gipuzkoarrei, ETEei lehentasuna emanaz, nazioartekotzen laguntzeko behar duten sostengua, bultzada eta babesa emango zaie; beraien garapenerako eta hazkunderako «lerro nagusia» izanaz. Hau guztia, laguntza emanaz produktu berriak nazioarteko merkatuetara eramateko bai eta beste jarduerei ere, gure ekonomia atzerrira zabaltzen lagunduko dutenak.

Halaber, jakitun izanez nazioarteko merkatuak aukera bat direla Gipuzkoako enpresentzat eta bertan sartzeak ondorio nabarmenak izan diztakeela, hala nola, hazkundea, egonkortzea, nazioartekotzea eta lehiakortasuna, Gipuzkoako ETEak nazioarteko lehiaketa eta lizitazioetan parte hartzea sustatuko duten jarduerak bultzatuko dira.