Zerga kudeaketa eta aholkularitzako profesionalak

Zerga kudeaketan eta aholkularitzan profesional moduan jarduten duten pertsonek izaera horrekin hartu beharko dute alta zerga ordezkarien erroldan. Zerga-kudeaketako profesionalek, ahal den guztietan, modu telematikoan aurkeztu beharko dituzte zerga-eredu guztiak.

Ordezkari profesional moduan alta emateko beharkizunak

1. Sinadura elektronikoz hornitutako ziurtagiria izatea profesionalaren izenean
2. Entitateen kasuan, legezko ordezkaritza (001-L eredu) bat izatea erregistratuta.
3. JEZaren epigrafeetako batean (PDF) alta emanda egotea. Gipuzkoatik kanpoko profesionalek aplikazioaren bitartez igorri behar dute JEZean alta hartu izanaren ziurtagiria.
4. Lana erantzukizunez betetzeko konpromiso idatzia (PDF) Gipuzkoatarian sinatu. Bai profesionalak bai bere langile edo laguntzaileek sinatu behar dute konpromiso idatzia.

Alta emateko prozedura guztiz telematikoa da. Profesionalak beharkizunak betetzen dituenean, alta automatikoa da.

Zerga kudeaketako profesionalentzako aukerak

• Profesionalaren enplegatu edo laguntzaileak izendatzea (PDF). Pertsona horiek profesionalak dituen bezeroen izenean jardun dezakete. Alta guztiz telematikoa da. Enplegatuek edo laguntzaileek sinadura elektronikoz hornitutako ziurtagiria eduki behar dute.
   
• Profesionalentzako berariazko ordezkaritzak
   
  • 001-RP  Datuak eskuratzeko eta Pertsona fisikoen errentaren, Ondarearen edo Fortuna handien gaineko aldi baterako elkartasun zergak aurkezteko. Urte osoan eska daiteke eta sinadura elektronikoaren edo eskuz egindako sinaduraren bidez lor daiteke.  Errenta, Ondarea eta Fortuna andien gaineko aldi baterako elkartasun zergak, 001-RP alta.
  • 001-MP Jarraian zerrendatutako zerga-ereduak eta eskaera puntualak telematikoki aurkezteko aukera ematen du. 001-MP ordezkaritza lortzeko baldintzak 001-P ordezkaritzarako baino txikiagoak dira. 001-P ordezkaritzak zerga-eredu guztiak aurkezteko aukera ematen du. 001-MP eredua (PDF). 
     
    • 670 eredua: ondorengotzak
    • 671 eredua: dohaintzak
    • 672 eredua: bizi-aseguruak
    • 60A eredua: egintza juridiko dokumentatuak
    • 60S eredua: sozietate-eragiketak
    • 60T eredua: ondare-eskualdaketak
    • 620 eredua: garraiobide erabilien salerosketa
    • Lan mutualitateei buruzko errenta aitorpenak zuzentzeko eskaera

Finka administrariak: 

• Gipuzkoako Foru Ogasunak eta Finka Administratzaileen Lurralde Elkargoak izenpetutako lankidetza hitzarmena (PDF)
• Atxikimendu agiria (I. ERANSKINA) (PDF)
• Jabeen batzarrak hartutako erabakiaren ziurtagiri eredua (II. ERANSKINA) (PDF)