Ekitaldia

Kontxako badia zoragarrian milaka lagun elkartzen dira urtero, iraileko lehen bi igandeetan, Donostiako estropadak ikusteko. 130 urte baino gehiago dituen ikuskizun hori 1879an egin zen estreinakoz, Donostiako jaien egitarauaren osagarri gisa. Guztiok saihestu ezineko hitzordua izango dugu Donostian: bi igande horietan jai-giroak eta dibertsioak hiriko kale guztiak hartuko dituzte.

Estropadak ikusteko beharrezkoa da sarrerak erostea hauetaz gozatzeko prestatu diren 9 guneetako batean egon ahal izateko. Pilaketak saihesteko, 1.210 sarrera salduko dira online eta Victoria Eugenia Antzokiko leihatiletan.