Ekitaldia

Jatorkin elkarteak egoera zaurgarrian dauden pertsonei bazkaltzen ematen die egunero Donostiako Aiete auzoan duen jangela solidarioan. Oraingoan, jangela herritar orori irekitako jatetxe bihurtuko da astebetez, eta nork bere ekarpenarekin ordaindu ahal izango du. Parte hartzeko bi aukera eskaintzen ditu egitasmoak: bezero gisa bazkaltzera joatea (13:30etik 15:00etara) edo/eta sukaldari, zerbitzari (12:00-13:30) edo garbiketa lanetan aritzea (14:00etatik 15:30era), Jatorkineko kideekin batera.