Detalle evento

Egitasmoaren izena : Performancea giza askapen gisa

Eragilea : Noemi Cupido

Telefonoa

722337891

Kontaktua

Noemi Cupido

E-posta

cupidoactress@gmail.com

Zein balio sustatzen ditu

Inklusioa, aniztasuna, giza harremanak, irizpide kritikoa eta buru-zalutasuna.

Zein ikas mailari edo adinari zuzentzen zaio:

DBH eta OLH osoa

Zenbat ikaslek parte har dezakete ekitaldi baten:

Gela bat

Ekitaldi bakoitzaren prezioa:

985 € (%21eko BEZa barne)

Jardueraren deskribapena:

Lantegi teoriko-praktiko honen helburua arte performatiboarekiko interesa piztea eta ezagutzea izango da, adierazpen-hizkuntza berriak deskubrituz eta konbentzioak deseginez, bai arlo artistikoan baita pertsonalean ere. Prozesu hau ahalik eta modu dibertigarri eta askeenean bizitzea sustatuko da.

Lantegiak hiru eskola-unitate edo saio izango ditu, bakoitza ordu t´erdikoa, hiru egunetan zehar:

1. UNITATE DIDAKTIKOA: ZER DA PERFORMANCEA?
Aurkezpena. Ondoren, egunero erabiltzen dituzten lengoaiei buruz galdetuko zaiei ikasleei (artistikoak zein ez-artistikoak), apurka-apurka performancearen definizioa eta bilakaera lortzen joateko.

Klase honen dinamika kode performatibo batean egingo da.

2. UNITATE DIDAKTIKOA: ESPERIENTZIA.
Ikasleek performancea osatzen duten 4 elementuekin lan egingo dute, hau da, espazioarekin, denborarekin, gorputzarekin eta ikusleekiko harremanarekin. Azkenik, saioan sortutako ariketarik 0erakutsi eta komentatuko dira.

3. UNITATE DIDAKTIKOA: SORKUNTZA.
Banaka edo taldeka, ikasleei performance bat sortzeko eskatuko zaie. Beste espazio bat erabiltzeko aukera emango zaie, ikastetxearen barruan edo inguruan. Jarraian, haien lanen motibazioa edota esanahia azalduko dute, eta hainbat ondorio atera ahal izango dituzte gainerako ikaskideekin batera.

Azkenik, lantegi osoan zehar bizitakoa eta ikasitakoa partekatuko duen ebaluazio bat egingo dute.

Jarduera gauzatzeko behar diren baldintzak eta baliabideak:

• Espazio gardena (ikastetxearen kontura).
• Musika-erreproduzitzailea, bozgorailuak (ikastetxearen kontura).
• Ikasleak etxetik ekartzen dituen objektuak, musika eta arropa bigarren eta hirugarren saioetarako.
• Kuxinak edo koltxonetak lurrean esertzeko (zentroaren kontura).

Jarduerari buruzko txostena:

Performancea artistak edo beste parte-hartzaile batzuek burututako ekintzen bidez sortutako artelan edo erakusketa artistikoa da, zuzenekoa, dokumentatua, espontaneoa eta tradizionalki diziplinartekoa.

Performancea urteetan zehar zuzenean aurkezten den genero gisa garatu egin da, eta zeregin garrantzitsua eta funtsezkoa izan du arte abangoardistan XX. Mendean zehar.

Oinarrizko lau elementu biltzen ditu: denbora, espazioa, gorputza edo artistaren presentzia alde batetik, eta sortzailearen eta publikoaren arteko harremana bestetik. Edozein agertoki edo espazio motatan eta edozein unetan zehar egin daitezke. Haien helburua erreakzioa sortzea da, batzuetan inprobisazioaren laguntzarekin eta estetikaren zentzua kontutan harturik. Gaia artistaren beraren funtsezko prozesuekin, salaketa edo kritika sozialarekin eta eraldatzeko espirituarekin lotuta egon ohi da.

Performancea ezinbesteko artea bihurtzen duena  esperientzia bisuala eta kontzeptuala izatea da, non artistak askotan jendeari erronka ematen dio modu berri eta ezohikoetan pentsatzeko, arteen konbentzio tradizionalak hausteko, eta artearen ideia tradizional eta akademikoa definitzen duena eraldatzeko.

Arte garaikidea hezkuntza-esperientzia gisa hartuta, ikasleek elkar uler dezakete nork bere buruari eta inguruko munduaren, sorkuntza-prozesuen, ideien, paradigmen eta metaforen balio ezberdinak. Gainera, tailerra esperientzia praktiko gisa erabiltzeko oso interesgarria da ikasleak zeregin aktiboa hartzen duelako, zuzenean arte-ingurunearen bidez adierazi eta bere nortasuna eraikitzen laguntzen diolako.

Arte adierazpen garaikideen artean, performancea norberaren gorputzaren eta emozioen kontzientzia garatzen laguntzen du, eta sentimenduak, bizipenak eta ideiak adierazteko erabili daiteke. Gainera, espiritu kritikoa garatzea, sozializazioa eta taldean lan egiteko gaitasuna hobetzen du ikasleen arteko harremanak sakonduz, eta erabilgarria da ezohiko adierazpena, jakin-min intelektuala eta sormena pizteko. Hala ere, performancea ez da oso ezaguna  hezkuntza ezparruan.

Alde batetik, metodologia eta tresna didaktiko tradizionalak, estimulu errazak eta zuzenak proposatzen ditu, eguneroko ekintzak egin daitezkeelako esperientzia estetikoak sortuz. Bestetik, ikasle guztiek bere burua adierazi eta interes eta kontzentrazio maila altua mantendu dezakete, funtsean gorputza bera erabiliz tresna konplexuak erabili gabe.

Proposamenaren egilearen ibilbide profesionala

Noemi Cupido Donostia eta Cadizen artean hazi den aktore eta sortzailea da. Psikologian eta Antzerki Fisikoan lizentziaduna RESADen, maskararen hizkuntzan sakontzen du Mar Navarroren pedagogiarekin, Helena Ferrarirekin gorputz-adierazpenean eta Sol Garrerekin M. Chekhoven teknikan. Ondoren, Marta Pazos, Alain Vigneau, David Shiner, Virginia Imaz, Esther Carrizo, Raul Massana eta beste irakasle batzuekin ikasten jarraitzen du Jo Kelly eta bere aktore-lana senaren bidez deskubritzen dituen arte, senak maila pertsonalean zein profesionalean garatzen hasteko.

Hamar urte baino gehiago daramatza arte eszenikoen munduan murgilduta. Hainbat produkziotan parte hartu du, hala nola A. Trijuequek zuzendutako eta Madrilgo Baüer Jauregian estreinatutako "Orfeo ed Euridice" operan, Claudia Barralek BBKrako zuzendutako "Bihar" film laburrean, eta "Sormenaren parte izan" Esther Uriak zuzendutako eta Gipuzkoako Foru Aldundiak lagundutako antzerki-hezkuntza proiektuan zuzendari eta aktore gisa izandako parte-hartzeetan.

Gaur egun, Euskadiko Arte Dramatiko eta Dantza Goi Mailako Eskolan (Dantzerti) ari da interpretazioko irakasle gisa lan egiten, bere beste bokazioa, psikologia eta arte eszenikoak uztartzen dituen heinean 11Kultura Eskola programan bideratzaile psiko-artistiko gisa lan eginez.