2020ko Sagardo Lehiaketa

•  XIX. Sagardo Lehiaketaren txapelduna (2020/06/19)

Sagardo txapelketa

Sagardoa “txotx”-ean kontsumitzeaz gain negu eta udaberriko hilabeteetan, batez ere udaran kontsumitzen da botillan. Txapelketaren helburuak dira:

• Ekoizpen prozesu osoan sagardogileak egindako lana balioan jartzea.
• Botilan dagoen sagardo naturalaren kalitatea saritzea, ikuspuntu organoleptikotik eta analitikotik.

Oinarriak deskargatu

2019ko lehiaketak izan dituen berrikuntzak:

• Aurkeztutako sagardo guztiak puntuazioaren arabera hiru kategoriatan ezarri dira lehen fase batean (Aldundiko Fraisoroko dastagunea):
  • Urrea > 72 puntu
  • Zilarra: 65 -  72 puntu artean
  • Brontzea: 60 – 65 puntu artean
  • 60 puntuko minimoa lortu ez duten sagardotegiak dominarik gabe geratu dira
• Txapelduna bigarren dasta-fasean aukeratu da, urrezko kalifikazioa lortu duten sagardotegien artean. Sagardotegiek beraiek proposatutako hiru pertsonek, Aitor Mendiluze, Andoni Eizmendi eta Mikel Rodriguez, eta Fraisoroko dasta-paneleko hiru profesionalek osatu dute epaimahaia.

Hau horrela, Sagardo Lehiaketako 2019ko edizioan, 13 parte hartzaileetatik 8 izan dira 60 puntutik gora lortu dituzten sagardoetxeak: brontzezko kalifikazioa lortu du Petritegik, zilarrezkoa Alorrenea sagardotegiak, eta urrezkoa Aburutza, Altzuela, Isastegi, Oiharte, Tximista eta Zelaiak. Txapeldunetan txapeldun, ordea, Isastegi sagardoetxea gailendu da, txapela, garaikurra, diploma eta 3.000€ eraman dituelarik. Saritu guztiek euren botiletan, datorren urte osoan, zigilu akreditatibo bat eramateko aukera izango dute, urrezko, zilarrezko eta brontzezko sailkapena erakutsiko duena.

2020ko Sagardo txapelketa

OHARRA! Sagardo txapelketaren epeak eta datak aldatu egin dira (aldaketak): 

— Eskaerak aurkezteko azken eguna: 2020ko maiatzaren 22a.
— Laginak jasotzeko aurreikusten den epea: 2020ko ekainaren 5era arte.
— Lehiaketaren eguna (sari-banaketa): 2020ko ekainaren 19a.

— Ekonomia Sustapeneko, Turismoko eta Landa Inguruneko Departamentuak parte hartzen duen sagardotegi interesatu bakoitzari 48 botila Euskal Sagardo erosiko dizkio, 2,75 €-tan 0,75 botila bakoitza. Horietako 6 lehiaketan dastatzeko erabiliko dira, eta gainerakoak Departamentuak berak parte hartzen duen ekitaldietan erabiliko dira, tokiko produktu hau sustatzeko asmoz.

Aurreko urteko ildo berdina jarraituz eta oinarriak mantenduz, 2020ko sagardo txapelketa (XIX. Sagardo lehiaketa. Gipuzkoako Foru Aldundia Sariak) martxan da. 

Oinarriak deskargatu (2019koak mantentzen dira)

Deialdia

Inskripzio inprimakia

Garrantzitsua: 

• Inskripzio epea: martxoaren 10etik apirilaren 8rarte.
• Parte hartu nahi baduzu, bete inprimakia eta bidali, jatorrizko sinadurarekin, hurrengo helbidera:

Gipuzkoako Foru Aldundia. Ekonomia Sustapeneko, Turismoko eta Landa Inguruneko Departamentua.

Landare Alorreko Unitatea.

Gipuzkoa plaza z.g.

20004 Donostia

• Lehiaketara aurkeztutako sagardoek 2019ko uztakoak izan behar dute.
• Laginak jasotzeko epea: apirilaren 30erarte.
• Sari banaketa: ekainaren 20an.

Sagardo Lehiaketaren historiala

Gipuzkoako Foru Aldundiaren Sariak 2019tik aurrera

Gipuzkoako Foru Aldundiaren Sariak 2002-2018