Ekitaldia

Ideia eta zuzendaritza Igor Anonyme Popular / Hitzak eta ahotsa Igor Elortza / Doinuak eta soinua Rafa Rueda / Ikus-entzunezkoa Kulturaz koop-eko Dapatistak.

Anonyme Popular Igor da, eta, aldi berean, edonor. Bertso arin eta sakonak eskaintzen dizkigu, hitzekin jostari, norbanakoaz eta jendeaz, maitasunaz eta desiraz, gizonez eta feminismoaz, euskaldunon iragan hurbilaz eta orainaldi urrunaz, eguneroko nahi eta ezinez hitz egiteko.

Rafa Ruedarekin landu ditu doinuak eta soinuak: rapa, trapa, popa, funkya, mundurako erritmoak…

Ikus-entzunezko bertso jarriak dakartza, beraz, Anonyme Popular egitasmoak.