TicketBAI Foru Ogasunen eta Eusko Jaurlaritzaren baterako proiektu bat da, zergadunen fakturaziorako softwarearen legezko zenbait betebehar eta teknika batzuk txertatzea helburu duena, zerga arloko administrazioak aukera izan dezan aipatu pertsonen ekonomia-jardueren ondoriozko diru-sarrerak kontrolatzeko eta, bereziki, azken kontsumitzaileei ondasunak entregatu edo zerbitzuak ematen dizkieten sektoreen barnean kokatutako jarduerak, neurri handi batean eskudirutan kobratzen baitira.

Euskadiko zerga instituzioek zerga arloan dituzten bi helburu dira zergapekoei laguntza ematea beren zerga-betebeharrak betetzeari dagokionez eta iruzur fiskalaren aurkako borroka egitea, pertsona guztiek, beren ahalmen ekonomikoaren arabera, karga publikoen jasangarritasunerako ekarpena egin dezatela bermatzeko, hori baita gure herrialdean adostasun sozial eta politiko zabala duen bizikidetza-eredu den Ongizate Estatua eraikitzeko oinarrizko elementua.

Ikuspegi bikoitz horretatik, instituzioak beren laneko sistema eta prozedurak etengabe hobetu eta modernizatzeko prozesu batean murgildurik daude une oro, zergadunei beren betebeharrak betetzea ahalik eta gehien errazte aldera eta, aldi berean, iruzur fiskalaren aurkako, beren zerga-betebeharrak beren borondatez betetzen ez dituzten eta modu horretan herritarrekin elkartasunik ez dutela erakusten duten pertsonen aurkako borrokan eraginkortasuna eta efizientzia areagotzeko beren eginahal onenak bideratzen dituzte.

Helburu bikoitz hori gauzatu ahal izateko, Euskadiko Foru Ogasunek informazioaren eta komunikazioaren teknologiaren aurrerapenek beren eskura ipintzen dituzten bitarteko guztiak erabiltzen dituzte, eta ekonomia-jarduerak burutzen dituzten zergadunen laguntza eta kontrolari dagokienez, elementu berritzaileenetako bat TicketBAI proiektua da, ekonomia-jarduerak garatzen dituzten pertsona eta erakunde guztiek egindako salmentako eragiketa guztien aitorpena ziurtatzea duena xede, esparru horretan gure inguruko herrialdeek duten esperientzia kontuan izanik eta Ekonomia Lankidetza eta Garapenerako Erakundearen (aurrerantzean, ELGA) 2103 eta 2017. urteetako txostenetan «Salmenten ezabaketa elektronikoa: diru-sarrera fiskaletarako mehatxu bat» eta «zerga-itzurpena eta iruzur fiskala jorratzeko tresna teknologikoak» izenekoetan, hurrenez hurren, jasotzen diren gomendioekin bat etorriz, zeintzuei 2019ko martxoaren 28an argitaratutako txostena gaineratu behar zaien “Implementing Online Cash Registers: Benefits, Considerations and Guidance” izenekoa. 

Egungo egoera teknologikoak une honetan ezartzeko aukera ematen duelako, zergadunari emateko laguntza eta zerga arloko kontrola hobetzeko. 

TicketBAI Foru Ogasunen baterako proiektu bat da, baina Lurralde Historiko bakoitzak bere berezitasunak ditu hura ezartzeari eta fitxategiak igortzeari dagokionez. Gipuzkoari dagokionez, jarraian adierazten den Gipuzkoa.eus web-orriaren estekan betebehar hori arautzeko arauzko testuak daude argitaratuta, “Araudia” atalean:

https://www.gipuzkoa.eus/eu/web/ogasuna/ticketbai/dokumentazioa-eta-araudia

Ez. TicketBAI betebeharrak ezarritako XML TicketBAI fitxategien igorpenak ez du BEZ edo PFEZaren aitorpenen zirriborroak egiteko aukerarik ematen. Haatik, Foru Ogasun honek zergadunen betebehar formalak eta zeharkako kostuak errazteko lan egiten du. Horrenbestez, epe ertainera zerga horien autolikidaziorako zirriborro edo proposamenak eratzeko aukera da finka daitezkeen helburuetako bat, aldez aurretik beste zenbait datu jaso ostean.

TicketBAI sistemaren betekizunak txertatzen dituzten fakturaziorako softwareek, faktura bat igortzen duten bakoitzean, prozesu hau jarraitu beharko dute:

• TicketBAI formatuko eskemaren diseinua eta edukia betetzen duen XML TicketBAI fitxategi bat sortu beharko da. Fitxategi hori TicketBAI fitxategi izendatuko dugu.
• TicketBAI fitxategia elektronikoki sinatu beharko da.
• Faktuaren irudia sortuko da, formatu fisikoan zein formatu elektronikoan. Fakturaren irudiak TicketBAI sistemak eskatzen dituen bi eduki gaineratzen ditu: TicketBAI identifikatzaile bat eta QR kode bat: Bi eduki horiek sortzeko sinatutako TicketBAI fitxategiaren sinaduraren parte bat erabili behar da ezinbestean.
• TicketBAI fitxategia Euskadiko dagokion zerga arloko administraziora igorriko da, hark ezarritako epe eta formatuak betez. Gipuzkoan, faktura egin eta aldi berean igorriko da. 

TicketBAI sistemak jarduera ekonomikoak egiten dituzten pertsona fisiko eta juridiko guztiei eta nortasun juridikorik gabeko entitateei eragiten die (aurrerantzean, pertsonak eta entitateak), baldin eta Euskadiko foru ogasunen esparruan PFEZaren, SZren eta ez-egoiliarren errenta zergaren (establezimendu iraunkorra duten entitateak) araudipean badaude, maiatzaren 23ko 12/2002 Legearen bidez onetsitako Euskal Autonomia Erkidegoarekiko Ekonomia Itunean aurreikusitakoarekin bat.

TicketBAI sistema indarrean sartzen denetik aurrera, fakturak egiten dituzten pertsona eta erakunde guztiek gailu jakin batzuk erabili beharko dituzte, esate baterako, saltokiko terminalak (ST), ordenagailu pertsonalak, vending makina aurreratuak, balantza aurreratuak, tabletak, telefono mugikorrak eta sistema honen araudi erregulatzailean zehaztutako zehaztapen tekniko eta funtzionalak gaineratu beharko dituzten bestelako gailuak.

Araudi erregulatzaileak zehaztuko du zer zergadun geratzen diren TicketBAI sistemaren betebeharrak betetzetik salbuetsita, guztiz edo partzialki, zehazten diren eragiketei dagokienez.

TicketBAI proiektua ondasunen entregetan eta zerbitzu emateetan aplikatzen da. Ondorio horietarako, ondasun entrega eta zerbitzu ematetzat hartzen dira BEZa arautzen duen legerian halakotzat zehazten direnak.

TicketBAI proiektuaren helburua zergadunek egindako ondasunen entregak eta zerbitzu emateak dokumentatzeko erregistroen osotasun, kontserbazio, trazabilitate eta bortxaezintasuna bermatzea da, hala fakturena nola eragiketak justifikatzeko beste edozein dokumenturena, euskarri elektronikoan edo paper euskarrian.

Horrenbestez, TicketBAI faktura igortzeko betebeharra gaineratzen duten eragiketetan (Fakturazio Erregelamenduko 2. artikulua aplikatuz), zein betebehar horretatik salbuetsitako eragiketetan (Erregelamendu bereko 3. artikulua aplikatuz) aplikatzen da. Bigarren kasu horretan, TicketBAI ondasunen entrega edo zerbitzu emate eragiketen dokumentu edo egiaztagirien gainean aplikatuko da.

Soilik ondasunen entrega edo zerbitzu ematetzat hartzen ez diren eragiketen ondorioz jasotako kopuruak daude TicketBAI sistemaren aplikazio-eremutik at.

Hauek dira nabarmen daitezkeen abantailetako batzuk:

• Lehiakortasuna babestea, beren zerga betebeharrak betetzen ez dituzten zergadunek betetzen dituztenen aldean onurak izan ditzatela ekiditeko.
• Betebehar formalak gutxiagotu eta zerga betebeharraren kostuak murriztea (egoitza elektronikoan zerga ezberdinetan igorritako fakturen liburuak betez, administrazioak igorritako fakturazioari dagokionez eskatutako eskakizunak murriztuz, itzulketarako epeak murriztuz eta igorritako fakturak online egiaztatzekoa aukera emanez).
• Bezeroei negozioak bere zerga betebeharrak betetzen dituela egiaztatzeko aukera eskaintzea, igorritako fakturen osotasuna eta identifikazioa bermatzean.
• Ogasunaren eta enpresari eta profesionalen arteko harremanetan digitalizazioa bultzatzea.

Euskadiko zerga arloko administrazio bakoitzak TicketBAI zein egunetik aurrera izango den eskagarri ezarriko du.

Zehazki, Gipuzkoan, TicketBAI sistema borondatez bete ahalko da 2021ko urtarrilaren 1etik aurrera, eta derrigorrezko epea sektore ekonomikoen arabera hedatuko da 2022ko uztailaren 1etik aurrera.

Beraz, TicketBAI sistema derrigorrez txertatzeko egutegia modu mailakatuan ezarriko da 2022ko uztailaren 1etik aurrera. Data horretan 582/2014 Foru Aginduko 9. artikuluan ezarritako zerga kudeaketarako profesionalek izango dute TicketBAI sistema betetzeko betebeharra. Data horretatik aurrera eta, gutxi gorabehera hiru hiletik behin, sektore berrietara hedatuko da, EJZ zergaren epigrafe ezberdinetan erreparatuz.

TicketBai betebeharra honako epigrafe hauetan bildutako jarduerak egiten dituzten zergadunei eskatuko zaie, honako ezarpen-egutegi honen arabera:

a) 2022ko uztailaren 1ean:

• Zerga arloko kudeaketa zerbitzuak ohikotasunez egiten dituztenak, azaroaren 5eko 582/2014 Foru Aginduaren 9. artikuluan aipatuak.

b) 2022ko irailaren 1ean, epigrafe hauetan jasotako jarduerak:

• 1. sekzioan, 834. eta 849. talde bitartekoak.
• 2. sekzioan, 011. eta 841. talde bitartekoak.

c) 2022ko azaroaren 1ean, epigrafe hauetan jasotako jarduerak:

• 1. sekzioan, 641. eta 665. talde bitartekoak eta 671. eta 687. talde bitartekoak.
• 2. sekzioan, 851. eta 899. talde bitartekoak.

d) 2023ko apirilaren 1ean, epigrafe hauetan jasotako jarduerak:

• 1. sekzioan, 501. eta 508. talde bitartekoak; 691. eta 757. talde bitartekoak; 833. taldea; eta 851. eta 999. talde bitartekoak.

e) 2023ko ekainaren 1ean:

• Mendeko nekazaritza-, abeltzaintza-, baso- eta arrantza-jarduerak, bai eta zergaren tarifetan zehaztu gabeko gainerako enpresa-jarduerak, jarduera profesionalak edo artistikoak eta epigrafe hauetan jasotako jarduerak ere:
  • 1. sekzioan, 011. eta 495. talde bitartekoak; 611. eta 631. talde bitartekoak; eta 761. eta 832. talde bitartekoak.
  • 3. sekzioan, 011. eta 059. talde bitartekoak.

XML fitxategiak igortzen hasi baino ez duzu egin behar. Borondatezko epealdian zehar ez dago loturarik eta XML TicketBAI fitxategiak nahi duzunean igorri eta igortzeari utzi diezaiokezu. Borondatezko epealdian proba egin nahi denean betebeharra osorik betetzen da eta fitxategia sortu, TicketBAI eta QR kodeak fakturan islatu eta berehala XML fitxategia Zerga arloko Administraziora igortzeko prozesu guztia dakar berarekin.

Ez. Borondatezko epealdian zehar, ez dago iraute-epe gutxienekorik, ezta inolako loturarik ere.

Bai, borondatezko epealdian zehar TicketBAI betebeharrean norberaren borondatez aurreratzeko aukera ukatu eta atzera bota daiteke, derrigorrezko epetik aurrera ez bezala.

Igorri beharrekoa faktura edo egiaztagiri bat igortzen den bakoitzean sortzen den XML TicketBAI fitxategia da, zeinaren datuak fakturako datuen oso antzekoak baitira.Fitxategiaren edukia fakturaren edukiaren antzekoa da, baina ez berdina. Adibidez, faktura jaulkitzeko ordua jasotzen du, edo jaulkitzailearen zerga-araubideari buruzko datuak, fakturan agertzen ez direnak, eta, aldiz, ez da agertzen faktura jaulkitzailearen helbidea, fakturan agertzen dena.

Gainera, Gipuzkoan, igorri beharreko fitxategian fakturaren xehetasuna jaso behar da eta, hala badagokio, hartzailearen helbidea.

Ez da modu atzeraeraginean aplikatuko. Ezarpen-egunetik aurrera igorritako faktura guztietan aplikatu beharko da soilik, 2020. urteko faktura zuzentzaile izatea gorabehera, gaur egun egiten den eran. 

Borondatezko aldian, uko egin dakioke TicketBAI betetzeari zergapekoarentzat inolako ondoriorik izan gabe.

Hala ere, % 60ko kenkari gehitua eskuratu nahi bada (ikus 15.16 galdera) ezingo zaio uko egin dagokion nahitaezko ezarpena baino hilabete lehenago gutxienez.

Oro har, XML TicketBAI fitxategiek informazio-bloke hauek dituzte:

1. Subjektuak: igortzailea, hartzaileak, hartzaile ugari, hirugarrenek igorritako fakturak edo hartzailea, etab.
2. Faktura – Fakturaren goialdean: beste eremu batzuen artean, faktura-serie, faktura-zenbakia, igorpen-data, igorpen-ordua, faktura sinplifikatua, faktura sinplifikatuaren ordez igorritako faktura, faktura zuzentzailea, faktura zuzenduak edo ordezkatuak.
3. Faktura – Fakturako datuak: beste eremu batzuen artean, eragiketaren data, fakturaren deskribapena, fakturaren zenbateko osoa, zerga-oinarria kostuan, BEZ zergaren erregimenen gakoak eta zerga ondorioak dituzten eragiketak.
4. Faktura – Fakturaren banakapena/Eragiketa-motaren banakapena: beste eremu batzuen artean, lotua, salbuetsia, salbuespenaren arrazoia, salbuetsitako zerga-oinarria, salbuetsiko gabeko mota, etab.
5. TBAI aztarnak:
   1. Aurreko fakturarekiko kateamendua:
      1. Seriea, faktura-zenbakia eta aurreko fakturaren igorpen-data.
      2. Aurreko fakturari dagokion TicketBAI fitxategiaren sinadura. Laburtu egingo da, aurreko fakturaren TicketBAI fitxategiko “SignatureValue” eremuko lehendabiziko ehun karakteretara murriztuz, tamaina beharrik gabe areagotzea ekiditeko.
   2. TicketBAI lizentzia, TicketBAI erakunde garatzaileen erregistroak emana.
   3. TicketBAI entitate garatzaileen erregistroan izen emandako erakunde garatzailea.
   4. TicketBAI entitate garatzaileen erregistroan izen emandako fakturazioaren softwarea.
   5. Gailua. Fakturak igortzeko erabiltzen den gailuaren identifikazioa. Datu hori ez da derrigorrezkoa

Fakturaren irudia sortzeko TicketBAI betekizunak derrigorrezkoak izango dira faktura baten irudia sortzerakoan, hala paper euskarrian nola formatu elektronikoan (esate baterako, PDF).

Zehaztapen horiek ez dute fakturaziori dagokion araudia aldatzen, eta araudi horri ere ez dizkiote betekizun gehigarririk gaineratzen. TicketBAI sistemaren zehaztapenak faktura igortzen duen zergadunak, PFEZaren eta sozietateen gaineko zergaren barnean, bete beharreko betebeharrak baino ez dira.

Fakturaziorako softwareak TicketBAI identifikatzaile bat eta QR TicketBAI kode bat sortuko ditu, fakturan gaineratu beharko dena.

• TicketBAI identifikatzailea TicketBAI sistemaren barnean faktura identifikatzeko zenbaki, hizki eta beste karaktere batzuekin osatzen den kode bat da. Hizki mota eta tamaina fakturaren gainerako ataletan erabilitakoen antzekoa izan beharko da, fakturaren hartzailearen aldetik irakurgarri izatea ziurtatuz.
• QR TicketBAI kodea QR formatua duen kode bat da, 30x30 milimetrokoa edo handiagoa eta 40x40 milimetrokoa edo txikiagoa.

TicketBAI identifikatzailearen eta QR TicketBAI kodearen zehaztapenak Ogasun eta Finantzetako foru diputatuaren abenduaren 23ko 521/2020 Foru Aginduan zehazten dira. Agindu horren bidez, TicketBAI softwarearen zehaztapen tekniko eta funtzionalak eta TicketBAI softwarearen erregistroan alta emateko aitorpena arautzen dira.

Ekonomia Itunari buruzko 12/2002 Legean agertzen diren lotura-puntuak aplikatzearen ondorioz, sozietateen gaineko zergan aplikatu beharreko araudia lurralde erkidearena bada, eta ikuskatzeko eskumena AEATi badagokio, ez die eragiten eta ez da nahitaezkoa lurralde historikoetako araudi autonomoan arautuko den TicketBAI sistema aplikatzea, eragiketen bolumenaren arabera lurralde historikoetan zergak ordaintzea alde batera utzita.

Bai. TicketBAI sistemak BIHra behartuta dauden pertsonei ere eragingo die.

Ez. TicketBAI proiektuak enpresa handia ere derrigortzen du (BIH egitera behartuta dagoena). Haatik, igorritako fakturen informazio beraren igorketa bikoiztu behar ez izateko neurriak arbitratuko dira.

Aplikazio-eremuari dagokionez, irizpide zedarritzailea edo konexio puntua ez da zehazki egoitza soziala edo zerga helbidea, baizik eta Ekonomia Ituneko legeko konexio puntuen arabera, beren zerga pertsonaletan (PFEZ, sozietateen gaineko zerga edo ez-egoiliarren errentaren gaineko zerga) foru araudira lotuta dauden zergapeko guztiei aplikatzen zaie. Horrenbestez, zergapeko bati, eragiketak foru lurraldean egiten baditu ere, baterako lurraldeko araudia baldin bazaio aplikagarri, ez dago TicketBAI sistemara derrigortuta.

EAEko zerga-administrazio bakoitzaren mende dago.

Gipuzkoaren kasuan, ez da salbuesten BIH betetzetik. Hala ere, ez da informazio bera bi aldiz edo bikoiztuta bidali behar. TicketBAIk igorritako datuak BIHen bat datozen eremu horiek jaulkitako faktura-liburuarekin bakarrik betetzen dituztela ulertuko da. Jaulkitako fakturen gainerako datuak bete ez badira, BIH betetzeko ezarritako epeetan bete beharko dira, horretarako gaitutako web zerbitzuen bitartez. Gainera, gainerako liburuetako informazioa bidaltzen jarraitu beharko dute. 

Zergapekoaren zerga pertsonalaren arabera ezberdindu behar da.

PFEZaren kasuan, burutzen den ekonomia-jarduera bakarra BEZaren ondorioetarako baldin bada esklusiboki, negoziorako lokala alokatze hutsagatik eta jarduera horren ondorioz jasotako errendimenduak PFEZean higiezinen kapitalen errendimendu modura zergapetzen baldin badira, ez daude TicketBAI sistema txertatzera derrigortuta.

Aitzitik, sozietateen gaineko zergaren kasuan, alokairu hori zerbitzu emate bat denez, haren jardueraren esparruan TicketBAI sistemara lotuta dagoela ulertu behar da. 

TicketBAI aurrera txertatzeko betebeharra ondasun entrega eta zerbitzu emateen ondorioz igorritako faktura edo egiaztagiri guztietarako da, hartzailea beste enpresa edo profesional bat (B2B) edo azken kontsumitzaile bat (B2C) izatea gorabehera. Bi kasuetarako da.

TicketBAI betebeharrera lotuta daude vending sektorean jarduten duten zergapekoak, eta makinak araudira egokitu behar dituzte edo egokitu ezin daitezkeenak aldatu egin behar dituzte.

Haatik, hala badagokio, betebehar hori betetzearen salbuespenaren, besterik ez bada iragankorra, baimena eska dezakete betebehar hori betetzeko ematen den arazo zehatza azalduz. 

Vending makina erabiltzen bada tabakoaren salmenta puntu errekargudun gisa baimendutako zergapekoek edo edozein produktu saltzeko makinak dituztenek egindako eragiketa lagungarri eta osagarrietan, 5 urtez egongo da salbuetsita, baina, betiere, Ogasuneko zuzendariak 2022ko azaroaren 21eko Ebazpenean ezarritako betebeharrak bete beharko ditu (ikus 18.8 FAQ-a).

Foru Ogasunak emanda faktura igortzeko salbuetsita egotearen baimenen bat izanez gero, horrek ez du esanahi TicketBAI sistematik kanpo dagoenik.

Epigrafe batean baino gehiagotan alta emanda bazaude, kontuan izan behar duzu horietako edozeinek eragiten diola ezarpenean, eta horietako batek bakarrik TicketBAI bete behar badu, TicketBAI bete behar duela epigrafe guztiengatik. Bete behar duen epigrafe batek TicketBAI betebeharra gainerako epigrafe guztietara eramaten du. 

Ez zaude behartuta TicketBAI betetzera Gipuzkoan jarduten baduzu establezimendu iraunkorrik gabe.

Bai. Gipuzkoako zergapekoen jarduera guztiak daude faktura egiteko betebeharrari lotuta, TicketBAIren beharkizunei jarraituz. Adibidez. Errenta aitorpena Gipuzkoan aurkezten duen zergapeko gipuzkoar batek denda bat dauka Jakan. Jakako dendan fakturak egin beharko ditu TicketBai sistema erabiliz.

TicketBAI fitxategian eragiketa bakoitzari buruz jaso behar den xehetasun mailak jaulkitako fakturan edo frogagirian agertzen den berbera izan behar du. 

Lerroak «IDDetalleFactura» etiketan bidali behar dira. 1.000 lerro onartzen dira gehienez. Eremu horren barruan, informazio hau sartu behar da (dagokion etiketarekin):

• Xehetasunaren deskribapena: fakturako lerroaren kontzeptuaren deskribapena.
• Kantitatea: lerroaren kantitatea.
• Zenbateko unitarioa: lerroari BEZean dagokion zerga oinarriaren zenbatekoa (BEZik gabe).
• Deskontua: fakturako lerroaren deskontuaren zenbatekoa eurotan.
• Zenbateko osoa: lerroaren zenbatekoa, BEZa barne.

Ematen den produktu edo zerbitzua zerga bereziei edo ingurumen tributuei lotuta badago (ontzi ez-berrerabilgarrien gaineko zerga berezia, ECOEMBES, AEVAE edo SIGAUS esate baterako), tributu horien araudi espezifikoari jarraituz informatuko da berezitasun horri buruz. Aurrekoa alde batera utzi gabe, gomendatzen da unitateko prezioari tributuaren zenbatekoa gehitzea xehetasun lerro bakar batean; hau da, gomendatzen da ondasun entrega edo zerbitzu prestazio bakoitza lerro bakar batean informatzea, eta lerro horren barruan sartzea BEZaren zerga oinarria osatzen duten zerga berezien edo ingurumen tributuen zenbatekoa.

Aurrekoa gorabehera, beharrezko gertatzen bada zerga berezien edo ingurumen tributuen kuantifikazioari buruzko informazio espezifikoa gehitzea, posible da tributu horien xehetasuna beste lerro batean erakustea (prezio unitario bezala zero jarrita), edo oharren eremuan ere adieraztea.

Fakturazioa egiteko ekipo edo makina honetarako gai izan behar da:

a) Elektronikoki sinatutako informatika-fitxategi bat sortzeko (beraz, beharrezkoa da ziurtagiri digital bat).

b) Zerga administrazioari aurreko a) hizkian xedatutakoaren arabera sortutako informatika-fitxategi bakoitza berehala bidaltzeko (Interneterako konexioari dagokionez).

c) Faktura edo egiaztagiria identifikatzeko kode bat eta QR kode bat gaineratzeko, fakturan.

Horrenbestez, TicketBAI betebeharra betetzeko fakturazioko software edo programa bat, Interneterako konexioa eta ziurtagiri digital bat behar dira.

TicketBAI irtenbideak ziurtagiri hauetakoren bat erabiltzea eskatzen du:

• Gailuaren ziurtagiria: gailu bakoitzerako identitate bakarra ematen duen kualifikaziorik gabeko ziurtagiria, fakturak igortzeko erabiltzen den gailuan instalatua eta hari lotua.
• Pertsona fisikoaren edo erakundeko ordezkariaren ziurtagiria: ziurtagiri kualifikatuak hurrenez hurren, pertsona fisiko edo juridikoaren identitatea egiaztatzeko aukera ematen du.
• Enpresaren zigilua: laguntzarik gabe aplikagarri batek erabil dezakeen ziurtagiri kualifikatua da, sail edo lantalde bateko kide diren pertsona talde batek ere erabil dezake. Enpresa baten egunerokotasunean kautxuzko zigilu baten ohiko erabilerarekin aldera daitekeen ziurtagiri bat da.
• Autonomo ziurtagiria: kualifikaziorik gabeko ziurtagiria, jarduera ekonomikoak autonomo gisa deklaratzen dituzten eta ziurtagiri horren eskatzailearen IFZ bermatzea helburu duten pertsona fisikoentzat emana.

TicketBAI sistemaren betekizunak betetzen dituen softwarea merkatuan eskuratu ahalko da, fakturaziorako beste edozein programa bezalaxe.

Zerga Administrazioak softwarearen garatzaileek beren bezeroei merkaturatzeko programetan TicketBAI sistemaren eskakizunak gaineratzeko zehaztapen teknikoak argitaratu ditu.

Software batek betekizun horiek betetzen dituela ulertuko da horretarako sortzen den TicketBAI softwarearen pertsona edo erakunde garatzaileen software eta pertsonen Erregistroan izen emanda dagoenean.

Gainera, Gipuzkoako Foru Ogasunak FakturaBAI izeneko doako aplikazio bat ipintzen du pertsona zergadunen eskura. Hura erabiliz TicketBAI betekizun guztiak betetzen dituzten fakturak sortu ahalko dituzte, inolako mugarik gabe, zergadun espektro zabal bati estaldura ematen zaielarik. FakturaBAI aplikazioaren gaineko informazioa https://www.gipuzkoa.eus/eu/web/ogasuna/ticketbai/fakturabai webgunean aurkitu daiteke. 

Ez. Softwarea ez da homologatzen, baina edozein software ere ezin da erabili. 

Erabil daitekeen softwarea software eta erakunde garatzaileen Erregistroan izen emanda egon beharko da. Erregistro horretan TicketBAI sistemaren zehaztapen teknikoak eta funtzionalak betetzen dituztela adierazteko erantzukizunpeko adierazpen bat sinatuta duten garatzaile edo merkaturatzaileen software guztiak agertzen dira, zeintzuei software-lizentzia bat esleitu zaien, TicketBAI identifikazio kodean eta TicketBAI fitxategian agertu behar dena. 

Gaur egun, 1.000tik gora soluzio informatiko edo software daude inskribatuta garatzaile informatikoen erregistroan, garatzaileen arabera, TicketBAIren beharkizunak betetzen dituztenak. Zergapekoek hurrengo estekan ikus dezakete zerrenda horretan zein den beren profilari ondoen egokitzen zaiona:

https://www.gipuzkoa.eus/eu/web/ogasuna/ticketbai/software-zerrenda

Software bat inskribatu ahal izateko, pertsona edo enpresa garatzaileek erantzukizunpeko adierazpen bat sinatu beharko dute, 32/2020 Foru Dekretuak 21. artikuluan eta hurrengoetan eta 53/2021 Foru Aginduaren bidez aldatutako 521/2020 Foru Aginduak xedatzen dutenari jarraituz. Ez da, inolaz ere, softwarea homologatzeko prozesurik egongo Administrazioaren aldetik. Soilik, erantzukizunpeko adierazpenarekin batera eskaera jaso bezain azkar, jarduteko alta-lizentzia ziurtagiri zenbaki bat emango da, XML TicketBAI fitxategian islatuko dena.

Erregistroan inskribatutako pertsona eta softwareen zerrendara https://www.gipuzkoa.eus/eu/web/ogasuna/ticketbai/software-zerrenda webgunearen bidez sartu ahalko da.

Web-orri horretan inskribatuta dauden softwarearen pertsona edo erakunde garatzaileak argitaratuko dira, izena eta haien ezaugarriak zuzenean begiratzeko web-orria adierazita.

Doako web aplikazioa egunero faktura bolumen handia igortzen ez duten zergadunentzat dago pentsatua, nahiz eta haren erabilera ez dagoen mugatua. Aplikazio oinarrizko eta sinplea izango da eta zergapekoek aukera izango dute beren fakturak sortzeko, betekizun guztiak betez, paperean inprimatu ahalko dituzte edo beren bezeroei formatu elektronikoan igorri ahalko dizkiete, baina ez ditu ordezkatuko, inolaz ere, merkatuan egun dauden fakturaziorako sistemak.

Oro har, zergadun edo eragiketa espektro zabal batean aplikagarri bada ere, litekeena da BEZean zergapetze erregimen bereziren bat duten (Entitate taldeko erregimen berezia) zergadun batzuen kasuan edo eragiketa batzuen kasuan ez baliozkoa izatea.

Administrazio publikoei fakturak egiteko ere ez du balio Fakturabaik, ez baititu betetzen faktura elektronikoa sustatzeari eta sektore publikoan fakturen kontularitza-erregistroa sortzeari buruzko abenduaren 27ko 25/2013 Legean ezarritako baldintzak, ez baitu betetzen Facturae formatua.

Bai. Gipuzkoan erregistratutako softwarea gai da Bizkaian eta Araban jarduteko. Era berean, lurralde horietako zerga-administrazioen erregistroetan inskribatutako edozein softwarek Gipuzkoan jarduteko balio du. Hiru erregistroak elkarrekin konektatuta daude, eta horietako batean inskribatzeak gainontzeko guztietan inskribatzea dakar.

Inskribatutako softwarea erosteko edo harpidetzeko betebeharra ezarrita ez dagoen arren, eta Erregistroan inskribatuta ez dagoen software bat erosteagatik zehapen espezifikorik ezarrita ez dagoen arren, beharrezkoa da inskribatuta egotea, XML eskema betetzeko alta-lizentzia ziurtagiriaren zenbaki bat eskatzen baita, eta zenbaki hori erregistroan inskribatzean ematen da soilik.

Inskribatutako software ororen kasuan, jarduteko behar duen lizentzia edo kodea erreala eta egiazkoa dela uste da. Berme horiek gabeko softwarea ezartzeak TicketBAIek ezarritako betebeharrak ez betetzea ekar dezake.

Era berean, TicketBAIk ezarritako betebeharrak Foru Ogasunak eskuragarri jarri duen doako aplikazioaren bidez bete daitezke; Gipuzkoaren kasuan, ez du mugarik urtero jaulkitako fakturen zenbatekoari dagokionez. 

Guztiz bateragarria da fakturazio-software ugari erabiltzea, horien artean Ef@ktur eta FakturaBAIren fakturazio-softwarea egonik. Kasu honetan garrantzitsuena fakturazio-software guztiek TicketBAI betebeharra betetzeko Gipuzkoan eskatzen diren baldintzak betetzea izango da, XML TicketBAI fitxategiak online bidaltzea barne.

Hori bai, fakturek serie bereizi bat izan beharko dute erabiltzen den software bakoitzeko.

Gainera, gogoratu behar da Ef4ktur bakarrik dela baliagarria fakturak Administrazio Publikoei bidaltzeko, abenduaren 27ko 25/2013 Legeak, faktura elektronikoa sustatzeari eta sektore publikoan fakturen kontularitza-erregistroa sortzeari buruzkoak, ezarritako baldintzak betetzen baititu. Fakturabai ez da baliozkoa fakturak betetzeko eta administrazioaren faktura elektronikoen sarrera-puntu orokorrera bidaltzeko, ez baitu Facturae formatua betetzen.

Efaktur Software eta Garatzaileen Erregistroan inskribatu da. Hortaz, Efakturrekin fakturatuta TicketBaiek ezarritako betebeharrak bete daitezke. Gainera, Ef4ktur baliagarria da administrazio publikoei fakturak egiteko, abenduaren 27ko 25/2013 Legeak, faktura elektronikoa sustatzeari eta sektore publikoan fakturen kontularitza-erregistroa sortzeari buruzkoak, ezarritako baldintzak betetzen baititu.

Ez, ez zaio TicketBAI zerbitzuaren erantzunari itxoin behar.

Bai TicketBAI identifikatzailea bai QR kodea, TicketBAIren REST zerbitzuaren esku hartzerik gabe faktura sortzen duen softwareak sortu behar ditu. TicketBAI software bermatzaileak informazio guztia du, TBAI identifikagarria eta, beraz, QR kodea sortzeko. XML fitxategia bidali aurretik sortu ditzakezu haiek.

Horrela, komunikazio arazorik izanez gero edo TicketBAI zerbitzuak berak arazorik izanez gero, softwareak fakturak modu independentean sortu eta bezeroari eman ahal izango lizkioke, azken horri adieraziz, hala badagokio, QRak ez duela funtzionatuko bidalketa egin arte eta komunikazioa edo zerbitzua berrezarri bezain laster hura bidali beharko dela.

2022ko uztailaren 1ean TicketBAI ezarri beharko dute azaroaren 5eko 582/2014 Foru Aginduaren 9. artikuluan aipatzen diren zerga-kudeaketako profesionalek, euren esperientziarekin gainontzeko sektoreak lagundu ahal izateko.

582/2014 Foru Aginduaren 9. artikuluan ondorioztatzen denez, profesionaltzat hartzen da zerga-arloko kudeaketa-zerbitzuak ohikotasunez eskaintzen dituen pertsona edo entitate oro, baldin eta alta emanda badago Jarduera Ekonomikoen gaineko Zergaren testu bateratua onartzen duen apirilaren 20ko 1/1993 Foru Dekretu Arauemailearen Eranskinaren lehen sekzioko 811, 812, 834, 841, 842, 847 taldeetan edo 849.7 epigrafean edo bigarren sekzioko 721, 722, 723, 726 edo 798 taldeetan edo 73 eta 74 taldeetan.

Ohikotasunari dagokionez, hau gertatzen da bi pertsona juridiko edo gehiago ordezkatzen dituztenean, haiekin lan-harremanik izan gabe, edo bost pertsona fisiko edo gehiago ordezkatzen dituztenean, haiekin 4. mailako odol-ahaidetasun edo 2. mailako ezkontza-ahaidetasunik izan gabe, Foru Ogasunaren aurrean.

Beraz, 2022ko uztailaren 1ean aipatutako bi baldintzak betetzen dituzten subjektuentzat jarriko da indarrean. (Foru Ogasunean bi pertsona juridiko edo gehiagoren ordezkaritza eta epigrafea, haiekin lan-harremanik ez badute, edo bost pertsona fisiko edo gehiagorena, horiekin 4. mailako odol-ahaidetasun edo 2. mailako ezkontza-ahaidetasunik ez badute).

Bi baldintza horiek betetzen ez badira, hau da, Foru Ogasunean ordezkari-kopuru hori ez duten profesionalen kasuan, TicketBAIren betebeharraren ezarpen-data epigrafearen arabera egingo da.

Zerga-kudeaketako profesionalek 2022/07/01ean TicketBAI ezartzeko izango duten betebeharra euren jarduera ekonomikoaren esparruan beren izenean egiten dituzten ondasun-emateei eta zerbitzu-prestazioei eragiten die soilik.

Beraz, betebehar hori ez da zabalduko beren ordezkatuen eginkizun hori beren gain hartzeagatik egiten dituzten fakturak edo frogagiriak jaulkitzerakoan. Ordezkatuek euren fakturak igorri beharko dituzte (nahiz eta materialki betebehar hori beren ordezkariak bete), TicketBAIren eskakizunak betez, argitaratutako epigrafeen eta egutegiaren arabera dagozkien datetan.

TicketBAI betebeharra betez ordezkatuen fakturak edo egiaztagiriak egiten badituzte, ulertuko da ordezkatuek derrigorrezko ezarpenaren data aurreratu dutela aholkulariak haien izenean faktura bat obligazio hori betetze aldera egiten duen datara.

TicketBai betebeharra honako epigrafe hauetan bildutako jarduerak egiten dituzten zergadunei eskatuko zaie, honako ezarpen-egutegi honen arabera:

a) 2022ko uztailaren 1ean:

• Zerga arloko kudeaketa zerbitzuak ohikotasunez egiten dituztenak, azaroaren 5eko 582/2014 Foru Aginduaren 9. artikuluan aipatuak.

b) 2022ko irailaren 1ean, epigrafe hauetan jasotako jarduerak:

• 1. sekzioan, 834. eta 849. talde bitartekoak.
• 2. sekzioan, 011. eta 841. talde bitartekoak.

c) 2022ko azaroaren 1ean, epigrafe hauetan jasotako jarduerak:

• 1. sekzioan, 641. eta 665. talde bitartekoak eta 671. eta 687. talde bitartekoak.
• 2. sekzioan, 851. eta 899. talde bitartekoak.

d) 2023ko apirilaren 1ean, epigrafe hauetan jasotako jarduerak:

• 1. sekzioan, 501. eta 508. talde bitartekoak; 691. eta 757. talde bitartekoak; 833. taldea; eta 851. eta 999. talde bitartekoak.

e) 2023ko ekainaren 1ean:

• Mendeko nekazaritza-, abeltzaintza-, baso- eta arrantza-jarduerak, bai eta zergaren tarifetan zehaztu gabeko gainerako enpresa-jarduerak, jarduera profesionalak edo artistikoak eta epigrafe hauetan jasotako jarduerak ere:
  • 1. sekzioan, 011. eta 495. talde bitartekoak; 611. eta 631. talde bitartekoak; eta 761. eta 832. talde bitartekoak.
  • 3. sekzioan, 011. eta 059. talde bitartekoak.

Hirugarrena da fakturatzeko edota TicketBAI betebeharra betetzeko eginbeharra esleitzen zaion edozein pertsona fisiko edo juridiko. Zergapekoaren eta hirugarrenaren artean sinatutako kontratu edo baimen baten bidez gauzatuko da hori, betiere aipatutako eginbehar horretara mugatuta. Hirugarrenak betearazi eta beteko ditu betebehar horiek. Egindako kontratua edo akordioa ez da hirugarrenen aurrean aurkezten. Fakturak egin eta TicketBAI fitxategiak sina ditzake, baina fitxategiak Zerga Administraziora bidaltzeko gizarte kolaboratzailea, legezko ordezkaria edo Zerga Administrazioaren aurrean borondatezko ordezkaria izan beharko da.

Halaber, TicketBAI betebeharretarako hirugarrena da fitxategiak sinatzen dituena, nahiz eta materialki zergapekoak egin faktura.

Borondatezko ordezkaria da ahalorde bidez zergadunaren izenean jarduten duen pertsona fisiko edo juridikoa. Ahalmen horiek dakartzaten eginbeharrak betetzeaz gain, jakinarazpenak jaso ahal izatea eta hirugarrenen aurrean zergapekoaren ordezkari izatea ahalbideratuko du. Ordezkaritza-ahalmen hori Administrazioari aurkeztu behar zaio, eta haren aurrean izan behar ditu ondorioak, eta hark balioesten du jarduteko boterea nahikoa den.

Hirugarrena eta borondatezko ordezkaria dauden kasuetan, ordezkari-izaera nagusitzen da.

Normalean, ordezkariak aholkulari izaera izaten du, eta zergadunari, oro har, zerga aholkularitza eman ohi dio, TicketBAI fakturatzeko eta betetzeko eginbeharretara mugatuta.

Gizarte kolaboratzailea zergadunaren izenean fitxategi batzuk bidaltzeko ahalmena duela adierazten duen pertsona da, hark emandako agindu baten bidez. Horretarako, fitxategi horiek bidaltzeko ahalmena ematen dion dokumentua – edo eredua – bere esku eduki beharko du.

Nolanahi ere, gizarte kolaboratzaileak aipatutakoan atxiki eta altan eman beharko da, eta, hala badagokio, bajan eman. Horretarako, abenduaren 23ko 523/2020 Foru Aginduaren bidez onartutako lankidetza-hitzarmenaren esparruan ezartzen den eredua eta formularioa bete behar du. 

Hirugarren edo hartzaile gisa jarduteko, ez da beharrezkoa Zerga Administrazioan alta ematea. Hortaz, zergadunaren XML fitxategiak sinatu ahal izango ditu, baina horiek bidaltzeko, ordezkari edo gizarte kolaboratzaile izan beharko da.

Ordezkari gisa alta emateko eta Zerga Administrazioaren aurrean zergadunaren izenean jardun ahal izateko (fakturak sortu eta emateko, artxiboak bidaltzeko eta haren izenean egindako jakinarazpenak eta komunikazioak jasotzeko), 001 edo 001-P eredua bete behar da, eta zein ahalmen jaso diren bertan adierazi. 614/2021 Foru Aginduaren 3. artikuluko 1.a. eta 1.b. edo 2. eta 4. edukiak eduki behar ditu esleituta. Ordezkariak XML TicketBAI fitxategiak sinatu eta Foru Ogasunera bidali ditzake, zergaduna balitz bezala.

Ordezkaritza motaren arabera, ahalmen hauek ematen dira:

1. edukia. TicketBAIra mugatutako ordezkaritza:

• 1a) edukia: ahalmena ematen du TicketBAI betebeharra betetzeko eta haren konplimenduari begira zergadunen esku jartzen diren tresnak erabiltzeko. Adibidez: fakturak egin litezke FakturaBAI erabilita.
• 1b) edukia: TicketBAI betebeharrarekin bakarrik lotuta dauden jakinarazpen elektronikoetarako sarbidea ematen du.
  Fakturazioaz arduratzen diren langile laboralentzat edo garatzaile informatikoentzat pentsatutako ordezkaritza da. Erroreak aztertzeko aldi baterako baimena.

2. edukia. Ordezkariak aitorpenak aurkeztu eta likidatu ditzake, baita zerga informazioa lortu ere. Gaikuntza honek 1a) edukiaren gaikuntzak hartzen ditu barne.

• Kolaboratzaile soziala baino gehiago da. Bidaltzeko, ez du zertan eduki izaera hori.

4. edukia. Zerga arloko jakinarazpen elektroniko guztietara sartzeko aukera ematen du, TicketBAI betebeharretik eratorritakoak barne (1b).

• Gizarte kolaboratzaileak alta eman behar du, eta, hala badagokio, baja eman. Horretarako, sinatutako lankidetza-hitzarmenaren esparruan horretarako ezartzen den eredua eta/edo formularioa bete behar du, TicketBAI betebeharra betetzearen ondorioz sortutako TicketBAI fitxategiak bidaltzeko gizarte-lankidetzaren baldintzak onartzen dituen abenduaren 23ko 523/2020 Foru Aginduan ezartzen den moduan. Formularioa Ogasun eta Finantza Sailera bidali behar da erregistro elektronikoaren bidez.

Bai. Fakturazioa materialki egiten duenak sinatu behar ditu fakturak, nortasuna egiaztatzen duen ziurtagiria edo dispositiboko ziurtagiri bat erabiliz.

Hirugarrenek egindako fakturazioaren kasuan, hau da, zergapekoak zeregin hori kontratatu nahi duenean, kontuan hartu behar du horrek ez diola betebehar horretatik salbuesten, eta ez diola obligazioaren data edo egutegia aldatzen; beraz, bermatu behar du bere izenean egiten diren fakturetan TicketBAI sistema erabiltzeko betebeharra betetzen dela. Hortaz, Foru Ogasunera faktura edo egiaztagiri bakoitzaren XML TicketBAI artxiboa bidali beharko du.

Halaber, TicketBAI betebeharraren ondorioetarako, hirugarrena da fitxategiak sinatzen dituena, nahiz eta materialki ez izan fakturak egiten dituena.

Nolanahi ere, bidaltzeko, hirugarrenak gizarte kolaboratzaile izaera izan beharko du, abenduaren 23ko 523/2020 Foru Aginduaren arabera.

XML TicketBAI fitxategiak sortzeko eta FakturaBAI aplikazioaren bidez bidaltzeko, beharrezkoa da ordezkari izaera izatea.

Bai. Fakturak edo frogagiriak eta horien XML fitxategiak fakturazioa egitean sinatu behar dira.

Jasotzailea fakturak edo frogagiriak TicketBAI sistemaren bidez jaulkitzeko betebeharraren edo betebehar horren mende ez egotearen arabera bereizi beharko da: 

• Hartzaileak TicketBAI sistema erabiliz jaulki eta bidali behar badu fakturazioa,  Gipuzkoako foru araudiaren mende dagoen zergapekoak modu hauetako batean bidali ahal izango ditu fitxategiak:
  
  Eragiketaren hartzaile den pertsona edo entitatearen bidez, faktura bidaltzearekin batera. Beharrezkoa izango da bezeroak/hartzaileak aldez aurretik alta emanda egotea gizarte laguntzaile gisa Gipuzkoako Foru Aldundiko Ogasun eta Finantza Departamentuan. Hartzaileak behin bakarrik egingo du izapide hori, bere izenean fakturak jaulkitzen dizkien hornitzaile guztientzat.
  
  Bestalde, bi aldeek, hornitzaileak eta bezeroak, akordio bat sinatu behar dute bertan adierazita lehenengoak bigarrenari baimena ematen diola TicketBAI fitxategiak bere izenean bidaltzeko.
  
  Bi dokumentuak esteka honetan deskarga daitezke:
  https://www.gipuzkoa.eus/eu/web/ogasuna/ticketbai/dokumentazioa-eta-araudia
  
  Pertsona edo entitate beraren bidez, zergapeko jaulkitzaile gisa, faktura onartu bezain laster, bezeroak/hartzaileak TicketBai Atarian sartuta aurrez jaso eta onartu duen XML fitxategia inportatuz.

• Hartzailea EZ badago behartuta fakturak edo frogagiriak TicketBAI sistema erabiliz jaulkitzera, eragiketa horiek TicketBAI obligaziotik salbuetsita daudela esan nahi du.
  
  Era berean, gerta daiteke zergadun batek TicketBAI sistema aplikatzera behartuta ez dagoen hartzaile bat izendatzea ordezkari, azken horrek artxiboa sortu eta faktura edo frogagiria FakturaBAI aplikazioaren bidez jaulki dezan.

Ez, zergadunak Zerga Administrazioaren aurrean duen ordezkaria ez bada behintzat.

Foru Ogasunaren aplikazioan, zergadunak edo haren ordezkariak soilik jaulki ahal izango dituzte fakturak.

TicketBAI betebeharraren konplimendua kanpora ateratzen bada, kontuan hartu behar da horrek inola ere ez duela aldatzen haren derrigortasunaren data edo egutegia.

Nolanahi ere, fitxategia bidaltzeko, hirugarrenak abenduaren 23ko 523/2020 Foru Aginduari jarraituz atxikitako gizarte kolaboratzailearen izaera izan behar du.

Ez, gizarte kolaboratzaileak sortutako XML TicketBAI fitxategiak bakarrik bidal ditzake.

FakturaBAI aplikazioan XML TicketBAI fitxategia eta faktura sortzen dituena zergapekoa edo haren ordezkaria izan behar da.

Softwarearen arkitekturaren arabera, zergadunak pertsona bati lotuta ez dagoen gailu ziurtagiria edo entitatearen ordezkariaren ziurtagiria erabili ahal izango du. Kasu horretan, ondasun - erkidegoaren legezko ordezkaritza duenak sinatuko du. Sinadura elektronikoaren ziurtagiria ematen duenak behar den dokumentazioa eskatuko du, baina zerga-ondorioetarako horri buruzko erregulazioa Zergen Foru Arau Orokorraren 45.3 artikuluan jasota dago. 

Faktura egiten duena edozein dela ere, hau da, zergapekoak berak, haren ordezkariak, hirugarren batek edo eragiketaren hartzaileak honako ziurtagiri-motak erabil ditzake fitxategia sinatzeko eta faktura egiteko:

• Gailuen ziurtagiria
• Pertsona fisikoen ziurtagiria
• Erakundeko ordezkariaren ziurtagiria
• Enpresa-zigilua
• Autonomoen ziurtagiria

Bai. Gailuaren ziurtagiria eta kualifikaziorik gabeko autonomoaren ziurtagiria TicketBAIn bakarrik erabiltzeko pentsatuta daude.

Doakoak dira.

Ez. NAN bakoitzeko ziurtagiri bakarra emango da, baina gailu edo zerbitzari askotan erabil daiteke.

Ez, gailuaren ziurtagiriak tiketa Foru Ogasunera bidaltzeko erabiltzen den makina identifikatzen du, eta, era berean, pertsona fisiko edo juridiko baten jabetza gisa erregistratuta dagoela.

Erabiliko duzun gailu bakoitzarentzat bat eskatu behar duzu (kutxa erregistratzailea, saltokiko terminalak, balantza...).

Bai, gailu ziurtagiriak zergapekoa ez den hirugarren batek ere eskuratu ditzake. Hala ere, hura erabili behar duen zergapekoari dagokio gailua berarekin lotzea eta fitxategiak bere izenean bidaltzeko onartzea, gailuak zergadunaren izenean fitxategiak bidaltzen hasi eta hilabeteko epean. Horretarako, gailu ziurtagiri horrekin lehen faktura bat TicketBAI bidez bidali ondoren, Foru Ogasunaren Egoitza Elektronikoan sartu beharko du eta gailu hori onartu.

Dispositiboaren ziurtagiria kualifikatu gabeko ziurtagiria da, dispositibo bakarra identifikatzen duena; entitateko ordezkariaren ziurtagiria, berriz, ziurtagiri pertsonal kualifikatu bat da, edozein administrazioren aurrean entitatea ordezkatzeko ahalmena duen pertsona bat ordezkatzen duena, oro har ahalmen zabalen artean. Dispositiboaren ziurtagiria, euskal administrazioen eremuan, TicketBAI fitxategiak sinatzeko eta bidaltzeko soilik erabil daiteke, eta erakundearen ordezkariaren ziurtagiria, berriz, izapide askotan erabil daiteke.

Gailuaren ziurtagiria sinadurari lotutako PIN-ik gabe instalatu ohi da, eta erakundearen ordezkariaren ziurtagiria, aldiz, software bertsioan PIN-ik gabe instala badaiteke ere, ez da gomendatzen.

Dispositiboaren ziurtagiriak 10 urte irauten du, eta entitatearen ordezkariaren ziurtagiriak 4 urte.

Bestalde, gailu-ziurtagiri bat kualifikaziorik gabeko ziurtagiri bat da, gailu bakarra identifikatzen duena; erakunde-zigilu bat, berriz, dokumentuak eta fakturak arin zigilatzeko aukera ematen duen zigilu bat da, langilerik gabe zigilatzeko aukera ematen duena, eta dokumentuak eta fakturak zer erakundetarako jaulki ziren, erakunde hori dela jatorria bermatzen duena. Dispositiboaren ziurtagiria, euskal administrazioen eremuan, TicketBAI fitxategiak sinatzeko eta bidaltzeko soilik erabil daiteke; erakundearen zigilua, berriz, hainbat izapidetarako erabil daiteke, baina ezin du borondate-adierazpenik egin, identitate hutsa baizik. Gailu-ziurtagiriak 10 urte irauten du, eta erakunde-zigiluak, berriz, 3 urte.

Bai, gailuaren ziurtagiriak etorkizunean berritu daitezke, iraungi baino 60 egun lehenagotik.

Eskaeraren aplikazioan identifikatutako bezero berarekin eta IFK berarekin behar beste ziurtagiri atera ditzakezu. Esaterako, supermerkatu bat baldin badut, ziurtagiri bat atera dezaket kutxa bakoitzarentzat.

Gailuaren ziurtagiriak online bakarrik izapidetu daitezke, aplikazioaren bitartez. Prozesua hasteko, ezinbestekoa da eskatzaileak ziurtagiri elektroniko bat izatea (BakQ, herritarrak, erakundearen ordezkaria...), zergadun bakoitzak Foru Ogasunari jakinarazi behar dio ziurtagiriaren serie-zenbakia, dagokion formulario elektronikoa betez.

Ez.

Gailuaren ziurtagiriak online bakarrik izapidetu daitezke, Izenperen bitartez. Prozesua hasteko, ezinbestekoa da eskatzaileak ziurtagiri elektroniko bat izatea (BakQ, herritarrak, erakundearen ordezkaria...).

Edonork. Ez da beharrezkoa eskaria/eskaera zergapeko erakundeak egitea, bere informatika-hornitzaileak egin dezake. Bigarren urratsa gailuaren ziurtagiri hori erabiltzen duen zergapekoarekin lotzea da, Gipuzkoako Foru Ogasunean.

Bai, BakQ ziurtagiria TicketBAIen onartzen den ziurtagiri bat da, baina gogoan izan sinatzeko erabiltzen duzun aldiro, pasahitza eta OTPa edo itsasontzi-jokoa sartu beharko duzula, eta kasuaren arabera, baliteke aukerarik egokiena ez izatea.

Zergapekoak posible du gailu ziurtagiri bati baja ematea, data batetik aurrera TicketBAI fitxategiak bidaltzeko bere izenean alta emanda daukan gailuari baimena baliogabetuz. Izapide hori Zergabidearen bitartez egin behar da, idazki bat bidalita.
Idazkian zein gailuri eman nahi zaion baja identifikatzeko, erabiltzaileak gailuaren zenbakia edo ziurtagiriaren zenbakia kopiatu dezake gailuen kontsultatik. Orobat, gailu mota, fabrikatzailea eta modeloa ere adieraz ditzake, hala nahi badu

Zergapekoak, gailu batetik ustez berak jaulkitako fakturen fitxategiak bidaltzen ari direla jakiten badu, uko egin diezaioke gailuaren ziurtagiri horrekiko edozein lotura motari, eta, beraz, Dispositiboaren Ziurtagiri horrek igorritako edozein fitxategiri, ustez bere izenean jaulkitako faktura guztiak baztertuz. Izapide hori Zergabidearen bidez idazki bat aurkeztuz egiten da, eta horrek gailuak bere izenean aurretik bidalitako fitxategi guztiak ezabatzea ekarriko du, data batera arte lotura izan duen gailu bati baja ematea ez bezala, eta hortik aurrera lotura hori izateari uzten dio.
Idazkian zein gailu errefusatu nahi den identifikatzeko, erabiltzaileak gailuaren zenbakia edo ziurtagiriaren zenbakia kopiatu dezake gailuen kontsultatik. Orobat, gailu mota, fabrikatzailea eta modeloa ere adieraz ditzake, hala nahi badu.

Zergapekoek PFEZaren, Sozietateen gaineko Zergaren edo, hala badagokio, Ez-egoiliarren Errentaren gaineko Zergaren araugintza-eskumena duen foru administrazioari igorri beharko dizkiote TicketBAI fitxategiak.

Euskadiko zerga-administrazio bakoitzak bere araudian ezarriko du TicketBAI fitxategiak bidaltzeko epea. Epe hori ezberdina izan daiteke TicketBAI fitxategiak berehala bidaltzeko eskatzen denetik, sortu eta eragiketari dagokion faktura egin bezain laster, harik eta aldian behin igortzen diren arte, hiru hilean behin gehienez ere.

Gipuzkoaren kasuan, TicketBAI fitxategiak faktura edo frogagiriaren jaulkipenarekin batera bidali behar dira, online. 

Kasu horietan, edo beste arrazoi batzuengatik zergadunak ezin badu TicketBAI fitxategirik sortu edo ezin badu faktura edo frogagiria igorri TicketBAI softwarea erabiliz, horren berri eman beharko dio Zerga Administrazioari, ticketbai@gipuzkoa.eus helbidera mezu elektroniko bat bidaliz. Zergadunak faktura edo frogagiria paperean emango dio pertsona edo entitate hartzaileari, eta horren kopia bat gordeko du. Mezu elektroniko horretan, zergadunak honako hau adierazi beharko du:

• Identifikazioa: pertsona fisiko edo juridikoaren izena eta IFZ/ IFK.
• Gorabehera zerk eragin duen.
• Posta elektronikoaren gaian, adierazi beharko da 17. artikuluan zerrendatutako gorabehera bat dela.

Gorabeherak 24 ordutik gora irauten badu, Zerga Administrazioari horren berri eman behar zaio, Zergabidean idazki bat aurkeztuta.
Faktura edo frogagiria serie espezifiko batean jasoko da, eta gorabehera horren adierazpen bat jasoko du, erregelamenduaren 17. artikuluaren arabera.
TicketBAI softwarea erabiliz TicketBAI fitxategiak sortzea eta faktura edo frogagiria bidaltzea eragozten duen arrazoia desagertu bezain laster, TicketBAI softwarean faktura guztien datuak sartu beharko dira, TicketBAI fitxategiak sortuz eta Zerga Administraziora bidaliz.
TicketBAI softwareak emandako faktura edo frogagiria bikoiztutzat joko da.
Gorabeheraren arrazoia zuzentzen eta desagertzen denean, ez da informaziorik, komunikaziorik edo jakinarazpenik bidali behar.

Interneterako konexioa ez da beharrezkoa fakturak sortu eta jaulki ahal izateko, baina beharrezkoa da faktura igorri ondoren XML TicketBAI fitxategia Administrazioari berehala eta atzerapenik gabe igortzeko betebeharra betetzeko. Beraz, Gipuzkoan Interneterako konexioa ezinbestekoa da TicketBAI betebeharra betetzeko.

Hala ere, konexioa galtzen bada edo sarea erortzen bada, horrek ez du esan nahi fakturak egiten jarraitu ezin direnik, hau da, ez du eragozten fakturatzen jarraitzea; hala ere, konexioa berrezarri bezain laster, sistemak aldi horretan sortu diren fitxategi guztiak bidaliko ditu. 

Bai. Estaldura falta eta sarerako sarbidea ,banda zabaleko edo sare mugikorreko operadoreen bidez, ezin dela egikaritu egiaztatu ondoren, Estrategia Teknologikoko Zuzendariordetza Nagusiak bidalketa geroratua baimendu ahal izango du, zergadunak aldez aurretik hala eskatuta. 

Zergadunak, ekainaren 14ko 330/2022 Foru Aginduaren 1. artikuluan jasotakoari jarraituz, baimena jaso badu TicketBAI fitxategiak GFAri modu geroratuan bidaltzeko, dagokion XML fitxategia inportatu beharko du, Gipuzkoatariaren bitartez, Ogasuna eta Finantzak apartatuko «TicketBAI – Fakturen kontsulta» azpieremuan klikatuz eta «Inportazioa» eremuan sakatuz edo zuzenean TicketBAI Atariatik," TickeBAI fitxategien inportazioa " eremuan sakatuz.

TicketBAI fitxategiak bidaltzailea autentifikatuz bidal daitezke. Horretarako, honako hauen identitatea egiaztatzen duen ziurtagiria erabili behar da:

a) Zergaduna bera edo haren legezko ordezkaria edo baimendutako boluntarioa.

b) Abenduaren 23ko 523/2020 Foru Aginduan ezarritako baldintzetan atxikitako gizarte kolaboratzaile bat.

Era berean, zergapekoak igorpen hori egiteko berezkotzat eta baliozkotzat jotzen duen dispositibo ziurtagiri baten bidez egin dezake bidalketa. 

Bidalketa REST zerbitzu baten bidez egiten da. Espezifikazioak TicketBAIren espezifikazio teknikoak arautzen dituen Foru Aginduaren IV. Eranskinean daude argitaratuta baita ondorengo webgunean:

https://www.gipuzkoa.eus/eu/web/ogasuna/ticketbai

Fakturazioa hartzaileak egiten duen kasuetan, XML fitxategiak pertsona edo entitate jaulkitzaileak bidaltzen baditu Zerga Administraziora, gomendatzen da hartzaileak faktura jaulki aurretik igorleari zirriborro bat bidaltzea, akatsik ez dagoela egiazta dezan. 

Zuzena dela adostu ondoren, faktura jaulki behar da, hartzaileak XML fitxategia erabilita faktura jaulki dezan, eta igorleari biak bidal diezazkion. Onartu ondoren, igorleak Zerga Administraziora bidaliko du TicketBAI fitxategia.

Helburua da jaulkitzaileak geroago errefusa dezakeen fakturarik ez sortzea, kontuan hartuta haien fitxategiak beti bidali behar direla TicketBAI sistemara, kateamenduan etenik egon ez dadin.

Ez. TicketBAI sistemaren bidez, fakturari buruzko informazio jakin bat bidaltzen da, beste datu batzuez gain. Informazio hori, neurri handi batean, bat dator jaulkitako fakturen erregistro-liburuan jasotako informazioarekin. TicketBAI betebeharra betez igorritako informazio hori ez da berriz bidali beharko.

Fakturazioa hartzaileak egiten duen kasuetan, XML fitxategiak pertsona edo entitate jaulkitzaileak bidaltzen baditu Zerga Administraziora, gomendatzen da hartzaileak faktura jaulki aurretik igorleari zirriborro bat bidaltzea, akatsik ez dagoela egiazta dezan. 

Zuzena dela adostu ondoren, faktura jaulki behar da, hartzaileak XML fitxategia erabilita faktura jaulki dezan, eta igorleari biak bidal diezazkion. Onartu ondoren, igorleak Zerga Administraziora bidaliko du TicketBAI fitxategia.

Helburua da jaulkitzaileak geroago errefusa dezakeen fakturarik ez sortzea, kontuan hartuta haien fitxategiak beti bidali behar direla TicketBAI sistemara, kateamenduan etenik egon ez dadin.

Ez da beharrezkoa, baina egin daiteke. TicketBAI fitxategia baliogabetzen den kasuetan, sinatutako XML fitxategi bat sortu eta dagokion Foru Ogasunera bidali behar da.

Faktura sinplifikatu batean (edo "tiketa"), faktura oso batean ez bezala, emandako ondasun eta zerbitzuen BEZaren araberako tratamendua berdina den heinean, ez da beharrezkoa entregatutako ondasun edo emandako zerbitzu bakoitza bereizita identifikatzea, baizik eta nahikoa da horiei buruzko aipamen orokor bat egitea (adibidez, "Jatetxe-zerbitzuak").

Hala ere, bereizita identifikatu behar dira BEZaren ondorioetarako tratamendu desberdina duten ondasun eta zerbitzu motak (mota desberdinak, salbuetsiak eta ez salbuetsiak, etab.).

Eragiketaren hartzaileak jaulkitako fakturak TicketBAI sistemaren mende egongo dira baldin eta bi operadoreak (igorlea eta hartzailea) forudunak badira eta biak behartuta badaude TicketBAI sistema betetzera.

Igorlea ez badago sistemaren mende eta hartzailea bai, faktura horiek ez daude TicketBAI sistemaren mende.

Igorlea TicketBAI sistemaren pean badago eta hartzaileak ez badu (hartzaileari, forala izan arren, oraindik sistemaren nahitaezkotasuna ez aplikatzea gerta daiteke), faktura horrek ere ez ditu TicketBAI baldintzak bete behar.

Beraz, eragiketaren hartzaileak jaulkitako fakturetan, bi operadoreak sistemara behartuta dauden unetik aurrera bakarrik bete beharko da TicketBAI sistema.

Hartzailearen fakturazioan TicketBAI fitxategia faktura jaulkitzen duenak bidaltzen badu, eta faktura jaulkita egonda ere jaulkitzaileak gero ez badu onartzen, Zerga Administraziora bidali beharko da, geroago dagokion baliogabetze fitxategia bidaltzea eragotzi gabe.
Izan ere, numerazio eta kateamendu arrazoiengatik, faktura hartzaileak jaulki badu eta jaulkitzaileak ez badio onarpenik ematen, kateamendu errore bat gertatuko da, Administrazioak ez baitu izango errefusatutako fakturari dagokion fitxategia, ezta haren baliogabetzearena ere. Hori dela eta, errefusatutako faktura bat izan arren, kateamenduan errorerik izan ez dadin, beharrezkoa da igortzea bai errefusatutako fakturari dagokion fitxategia bai hura baliogabetu izanarena.

TicketBAI obligazioa betetzeak ez die eragiten fakturazio araudian ezarritako aukerei.

Beraz, TicketBAIk ez du fakturazio araudian ezarritako aukera hori aldatzen, eta faktura laburtzaileak egiteko aukera ematen du.

Fitxategi elektroniko bat sortu behar denez fakturaren datu guztiekin, faktura edo egiaztagiria formatu elektronikoan egin eta igorri edo emango da, ahal dela, salbu hartzaileak egiaztagiria edo faktura paperean eskatzen duenean.

Ezin da faktura aldatu aurretik XML TicketBAI fitxategi berri bat sortu gabe.

Nolanahi ere, aurreko fakturaren errore bat zuzentzeko faktura berri bat jaulki behar bada, XML TicketBAI fitxategi bat sortu behar da aldez aurretik.

Kasuaren arabera, faktura berria faktura zuzentzailea izan daiteke edo faktura berria izan daiteke aurreko faktura deuseztatu ondoren; kasu horretan, aldez aurretik ezeztapeneko XML TicketBAI fitxategi bat sortu beharko da.

Begiratu behar da nolako aldaketa egin den. Hau da, TicketBAIren XML fitxategian sartuta ez dagoen informazioren bat aldatzen bada, eta aldatzen den datua ez bada faktura zuzentzaile bat egitera behartzen dutenetako bat (fakturazio erregelamenduko 15. artikuluaren arabera), ez da beharrezkoa ez faktura zuzentzailerik egitea ezta, beraz, hari dagokion XML fitxategirik bidaltzea. Horrelako kasuetan (ordaintzeko kontu korrontea aldatzean, esate baterako) posible da faktura berriro inprimatzea.

Bai. Horretarako, baliogabetzeko TicketBAI fitxategia sortu behar da.

Zenbait egoeratan, indarrean dagoen araudiari jarraituz faktura zuzentzaileak egin behar ez direnetatik kanpo (horixe da ohiko mekanismoa), egindako fakturari baja eman behar zaio edo, hala badagokio, beste bat egin behar da egindako eragiketa behar bezala jasotzeko: adibidez, inoiz egin ez den eragiketa batengatik faktura oker bat egiten denean eta baliogabetzea bidezkoa denean (DGT V0611/2011-3-11).

Kasu horretan, egin gabeko eragiketagatik faktura ezeztatzearren, baliogabetzeko XML TicketBAI fitxategia erabili beharko da. Hori dela eta, ezeztapeneko XML TicketBAI fitxategian egilea eta seriea, zenbakia eta baliogabetutako fakturaren jaulkipen data bakarrik identifikatu beharko dira.

Faktura baliogabetzeko kasuak, gainera, honako hauek izan daitezke, besteak beste:

a) Faktura akats baten ondorioz egin denean edo egin bai baina oraindik ez denean entregatu edo bidali.

b) Hartzaileak hornitzailearen kontura eta izenean egindako faktura hornitzaileak onartu ez duenean (kasu horretan, fitxategia baliogabetu egin behar da, berez fakturarik egon gabe).

Hornitzaileak errefusatu eta onartzen ez badu hartzaileak hornitzailearen kontura eta izenean egindako faktura-proposamena, bidalitako XML fitxategia baliogabetzeko fitxategi bat igorri beharko da, hornitzaileak errefusatu edo onartu ez duen faktura horri dagokiona.

Ez. Ezin da berriro erabili baliogabetutako fakturaren zenbaki eta serie bera; izan ere, faktura baliogabetu arren, baliogabetu nahi den fakturari dagokion XML TicketBAI fitxategia eta baliogabetzeko XML TicketBAI fitxategia Zerga Administraziora bidali behar dira.

Fakturaren zenbakiari eta serieari buruzko informazioa erregistroaren gako bakarraren parte da (faktura baliogabetu arren), eta ezin da berriz erabili beste eragiketa baterako.

TicketBAI sistemak sinatutako XML TicketBAI fitxategi bat sortzera eta dagokion Foru Ogasunera bidaltzera behartzen du.

Beraz, bertan ez dira barnean sartzen Fakturazio Erregelamenduaren 14. artikuluan aipatutako faktura baten kopiak egiteko kasuak, alegia, XML TicketBAI fitxategi bati dagozkion fakturen kopiek jatorrizko fakturaren QR kode bera eta TicketBAI identifikatzaile bera izan behar dute, eta "bikoiztua" dela adierazi behar dute, baina besterik ez. Hau da, ez dira sinatuta egon behar, ez dira Foru Ogasunera bidali behar, ez dira egindako fakturen erregistro liburu batean idatzi behar eta abar.

Ez.

TicketBAI sistema aplikatzen zaie bai faktura egiteko betebeharra duten eragiketei (Fakturazio Erregelamenduaren 2. artikulua aplikatzeagatik), bai betebehar horretatik salbuetsita dauden eragiketei (Erregelamendu beraren 3. artikulua aplikatzeagatik). Bigarren kasu horretan, ondasunak entregatzeko edo zerbitzuak emateko eragiketen dokumentuei edo egiaztagiriei aplikatuko zaie TicketBAI, eta emandako egiaztagiri bakoitzari dagozkion TicketBAI fitxategiak sinatu beharko dira.

Albaranen kasua ez dator bat azken kasu horrekin; izan ere, ondasun edo zerbitzu bat entregatu izanaren frogagiri gisa balio duten merkataritza dokumentuak diren arren, ez dute faktura egiteko betebeharretik salbuesten. Eragiketaren faktura izango da, eta ez albarana, TicketBAIk ezarritako baldintzak betez sortu eta bidali beharko dena. 

Ez. Indarrean dagoen araudiaren arabera, Europar Batasunaren barruko entregetan egiten diren ordainketa aurreratuek ez dakarte BEZaren sortzapenik, eta ez dira fakturan dokumentatu behar (2006/112/EE Zuzentarauaren 63. artikulua, BEZari buruzko 37/1992 Legearen 75 Bis artikulua, eta 8/2013 Foru Dekretuaren bidez onetsitako Fakturazio obligazioak arautzen dituen Erregelamenduaren 2. artikulua). Hortaz, zerga egitatea gertatu aurreko ordainketa aurreratuak dokumentatzen badira Fakturazio Erregelamenduaren 6. artikuluan ezarritako datu guztiak jasotzen ez dituen agiri batean, ez da fitxategirik bidali beharko TicketBAI betebeharra betetzeko.
 
Kasu horretan, faktura TicketBAIren bidez bidaliko da amaierako faktura jaulkitzen den unean, eragiketaren zenbateko osoa adierazita (eragiketa mota 01 izango da, eta faktura salbuetsita egongo da (E5 gakoa) 25. artikuluaren arabera).

Hala ere, ordainketa hori 6. artikuluko datu guztiak jasotzen dituen agiri batean dokumentatzea erabakitzen bada, eta, beraz, agiri hori fakturatzat hartzen bada, faktura hori TicketBAI betebeharra betez jaulki beharko da. Kasu horretan, aurrerakin horren fakturari dagokion TicketBAI fitxategiak balio hauek eduki beharko ditu: eragiketa mota 01 izango da; faktura salbuetsita egongo da (E5 gakoa) 25. artikuluaren arabera, eta «Fakturaren deskribapena» eremuan «aurrerakina» jarri beharko da.

Kasu horietako edozeinean, azken entregari dagokion fakturan, eta BEZarekin lotutako kalkuluak egitea errazteko, kontuan hartu beharko da ordainketa aurreratuaren zenbatekoa ezin izango dela lerro batean sartu (zerga oinarriaren kalkuluari eragingo liokeelako), oharren eremu batean edo antzeko eremu batean baizik.
 

Bai. Indarrean dagoen araudiaren arabera, ordainketa aurreratuek BEZaren sortzapena dakarte eta fakturan dokumentatu behar dira ( 2006/112/EE Zuzentarauaren 63. artikulua, BEZari buruzko 37/1992 Legearen 75 Bis artikulua, eta 8/2013 Foru Dekretuaren bidez onetsitako Fakturazio obligazioak arautzen dituen Erregelamenduaren 2. artikulua).

Hona hemen TicketBAIn informazioa emateko modua:

Aurrerakinaren faktura erregistratzen da. Eragiketari dagokion zenbateko osoaren erregistroa. 02 eragiketa mota; faktura salbuetsia, E2 gakoa, 21. artikuluaren arabera; «deskribapena » eremuan « Aurrerakina » hitza adierazi behar da, eta, haren atzetik, egoki irizten den beste edozein ohar jar daiteke (eskariaren zenbakia, kontratua, etab.).

Azken faktura jaulkitzean, Eragiketari dagokion zenbateko osoaren erregistroa egiten da (aurrerakina kenduta). 02 eragiketa mota; faktura salbuetsia, E2 gakoa, 21. artikuluaren arabera; «deskribapena» eremuan, berriz, egoki irizten den beste edozein ohar jar daiteke (eskariaren zenbakia, kontratua, etab.).

Proformako fakturek ez dute balio fiskalik. Fakturazio Erregelamenduaren arabera, ez dira fakturak, eta TicketBAI sistemaren araudiak dio ezin dutela eraman ez TicketBAI identifikatzailerik ez QR koderik. 

Proformako fakturak behin-behineko merkataritza dokumentuak dira, zeinetan zehaztuta ageri baitira oraindik egin ez den eragiketa baten fakturaren xehetasunak. Fakturen zirriborroak dira beraz.

Horregatik, Fakturazio Erregelamenduko 11. artikuluaren arabera, zerbitzu bat eman edo ondasun bat entregatu ondoren, hartzailea azken kontsumitzaile bat bada, berehala egin behar da faktura, eta ezin da inola ere proformako fakturarik egin.

“Oparitako tiketa” delakoa dokumentu gehigarri bat da, opari bat jasotzen duen pertsonari ematen zaiona hura itzuli edo aldatu dezan, prezioa zertan ezagutu gabe. Agiri horrekin batera, eragiketa dokumentatzen duen faktura sinpifikatua eman behar zaio erosleari, eta faktura hori TicketBAI obligazioa betez jaulki behar da.

Beraz, “oparitako tiketa” ez da jaulki behar TicketBAI obligazoa betez, eta bertan ez da agertu behar ez QR-rik ez TicketBAI idenifikazio koderik.

TicketBAI identifikatzailea eta QR TicketBAI kodea fakturaren azken orrian sartu behar dira.

Aukeran, gainerako orrialdeetan sar daiteke. Zergapekoek PFEZaren, sozietateen gaineko zergaren edo, hala badagokio, ez-egoiliarren errentaren gaineko zergaren araugintzarako eskumena duen foru administrazioari igorri beharko dizkiote TicketBAI fitxategiak. 

Foru zerga administrazio bakoitzaren mende dago. Gipuzkoaren kasuan ez.

Bai.

SII sisteman ez bezala, informazio hori eremu bakar batean baitago, XML TicketBAI fitxategietan fakturaren serieari eta faktura-zenbakiari buruzko informazioa hainbat eremutan sartu behar da (“FakturaSeriea”, “FakturaZk”).

Ez.

Fakturazio Erregelamenduaren 6. artikuluaren arabera, faktura batek bere zenbakia eta, hala badagokio, seriea jaso beharko ditu. Beraz, printzipioz, seriea ez da faktura baten nahitaezko datua. Hala, Fakturazio Erregelamenduaren 6. artikuluak hau ezartzen du: “Fakturak serie bereizietan jaulki ahal izango dira, hori justifikatzen duten arrazoiak daudenean, eta, besteak beste, fakturak egiteko betebeharra duenak bere eragiketak egiten dituen establezimendu bat baino gehiago dituenean, eta faktura egiteko betebeharra duenak bestelako eragiketak egiten dituenean”.

Nolanahi ere, nahitaezkoa izango da honako faktura hauek serie espezifikoetan ematea:

1. Eragiketen hartzaileek edo Fakturazio Erregelamenduaren 5. artikuluan aipatzen diren hirugarrenek emandakoak; horietako bakoitzerako serie bat egon beharko da.
2. Zuzentzaileak.
3. Abenduaren 29ko 1624/1992 Errege Dekretuaren 1. artikuluaren bidez onartutako BEZaren Erregelamenduaren bosgarren xedapen gehigarriaren arabera emandakoak.
4. BEZaren Legearen 84. artikuluaren Bat apartatuko 2. zenbakiaren g) letran ezarritakoaren arabera emandakoak.
5. Abenduaren 29ko 1624/1992 Errege Dekretuaren 1. artikuluaren bidez onartutako BEZaren Erregelamenduaren 61 quinquies artikuluaren 2. apartatuan ezarritakoaren arabera emandakoak.

TicketBAI sistemaren bidez faktura zer egun eta ordutan egin den adierazten du, haren inprimatze fisikoa sortu ez bada ere.

TicketBAI fitxategiko “Fakturaren goiburua” blokean “Faktura erraztua” eremua dago, eta “S” eta “N” balioak onartzen ditu (besterik adierazi ezean, “N” dela balioa - Ez).

Faktura erraztua denean, eremu hori “S” balioarekin markatu beharko da.

Faktura osoa denean, eremu hori “N” balioarekin markatu beharko da.

Baliorik markatzen ez bada, faktura osoa dela ulertuko da. 

Bai. Fakturazio Erregelamenduaren 7. artikuluaren 2. eta 3. apartatuetan aipatzen diren “faktura erraztu kualifikatuak” dira.

Kasu horretan, faktura erraztu kualifikatua “S” gakoarekin identifikatuko da “Faktura erraztua” eremuan, eta, gainera, eragiketaren hartzailea identifikatzeko datuak jaso beharko dira (gutxienez, eragiketaren IFZ edo, hala badagokio, beste identifikazio zenbaki bat). 

Bai. Faktura zuzentzailea faktura erraztu bada, “S” gakoa markatu beharko da “Faktura erraztua” eremuan.

Era berean, faktura zuzentzailearen mota identifikatu beharko da “S - Ordezkatzeagatiko faktura zuzentzailea” edo “I - Ezberdintasunengatiko faktura zuzentzailea” gakoekin

Ez.

Jaulkitako fakturen laburpen-idazpenak egin ahal izateko baldintzak, BEZaren Erregelamenduaren 63.4 artikuluan ezarritakoak, betetzen badira ere (fakturak data berean egitea – hau da, eguneko laburpen-idazpenak izan behar dira –, hartzailea identifikatzea nahitaezkoa ez izatea eta dokumentatutako eragiketen sortzapena hilabete natural berean izatea), emandako fakturen informazioa duten TicketBAI fitxategiak bereizita sinatu eta bidali behar dira Zerga administraziora.

Horrela, eragiketaren hartzaileak ondoren egiaztatu ahal izango du, Zerga administrazioaren webgunean, fakturaren jaulkitzaileak TicketBAI fitxategia hari aitortu dion ala ez.

Faktura erraztuan ez da hartzailearen datua betetzen, salbu eta 8/2013 Foru Dekretuko 7.2 eta 7.3 artikuluetako faktura erraztua denean. Beraz, faktura oso bat (berria) sortu beharko da, eta hauetaz informatu beharko da:

• “Faktura erraztuaren ordez egindako faktura” eremua, “S” balioa duena (Bai).
• “Faktura zuzenduak edo ordezkatuak” atala (1etik 100era), bete beharko dena. Ordezkatutako faktura erraztuak zenbakiaz, serieaz eta jaulkipen dataz identifikatu behar dira. Ez da faktura zuzentzailea (Fakturazio Erregelamenduko 15.6 artikulua).

Aurrekoen ordezko faktura horrek XML TicketBAI fitxategi bat ere sortu beharko du, sinatu eta aurreko fakturarekin kateatu beharko dena.

ADI: faktura erraztuaren abonua eginez gero (“faktura erraztua” eremuan “S” gakoarekin erregistro negatibo bat bidalita), ez da “S” gakoa markatu beharko “Faktura erraztuaren ordez egindako faktura” eremuan.

“Eragiketaren data” eremua bete beharko da eragiketaren gauzatze-data faktura igorri zen data ez denean.

Adibidez: “A” enpresak beste enpresa bati saltzen dizkio salgaiak 2022ko uztailaren 3an, eta eragiketa 2022ko abuztuaren 1eko fakturan dokumentatzen da. Kasu horretan, “Faktura emateko data” eremua jasoko da, 2022ko abuztuaren 1eko balioarekin, eta “Eragiketaren data” eremua, berriz, 2022ko uztailaren 3ko balioarekin. 

Ez. Fakturazio-betebeharrak arautzen dituen 8/2013 Foru Dekretuaren 11. artikuluak honako hau xedatzen du:

“1. Fakturak eragiketa egiten den unean jaulki beharko dira.

Hala ere, eragiketaren hartzailea enpresaburu edo profesional gisa jarduten duen enpresaburua edo profesionala bada, eragiketa horri dagokion zergaren sortzapena gertatu eta hurrengo hilaren 16a baino lehen egin beharko dira fakturak.

2. BEZaren Legearen 75.Bat.8. artikuluan jasotako ondasun entregetan, ondasunak eskuratzaileari helarazteko bidalketa edo garraioa hasi eta hurrengo hilaren 16a baino lehen egin beharko dira fakturak.

3. Zergaren Legearen IX. tituluko X. kapituluan araututako kutxa-irizpidearen araubide bereziari lotutako eragiketetan, eragiketa horiek egiten diren unean egin beharko da faktura, salbu eta eragiketaren hartzailea enpresaburu edo profesional gisa jarduten duen enpresaburua edo profesionala denean; kasu horretan, faktura eragiketa egin eta hurrengo hilaren 16a baino lehen egin beharko da."

Beraz, ezin da XML TicketBAI fitxategia Ogasunera bidali jaulkipen-data baino lehen.

Zuzentzen ari garen jatorrizko fakturari dagokion eragiketa egin den eguna.

Laburpen-fakturak jasotzen dituen eragiketak egin diren hilabete naturaleko azken eguna jasoko da, edo, laburpen-aldia hilabetetik beherakoa bada, aldi horretako eragiketa egiten den azken eguna.

Adibidez: 2021eko uztailaren 25ean igorritako faktura, 2021eko uztailaren 1, 10, 15 eta 20an egindako zenbait ondasun-entrega dokumentatzen dituena; eragiketaren data uztailaren 20a da.

Zuzendutako azken faktura dokumentatzen duen eragiketa egin den azken eguna jasoko da (egunik berriena). 

Foru zerga administrazio bakoitzak arautzen duenaren araberakoa izango da. Gipuzkoaren kasuan, eremu horiek nahitaez bete behar dira.

Ez. Eduki librea da, 250 posizio har ditzake, eta fakturatzen den eragiketaren edo eragiketen deskribapen orokorra du. 

679/2016 Erregelamenduaren 9. artikuluak babestutako datuak badira, nahikoa izango da datuak idatziz jasotzea. "679/2016 Erregelamenduaren 9. artikuluak babestutako informazioa", hargatik eragotzi gabe fakturan eragiketaren errealitatea adieraztea.

Faktura zuzentzailea bada, zuzenketa eragin duen arrazoiaren deskribapena adierazi beharko da.

Batasunaren barruko ondasun entregetan egiten diren aurrerakinen kasuan, gomendatzen da eremuan "Aurrerakina" terminoa jartzea eta E5 gakoaren arabera salbuetsita dagoela adieraztea; horrek diru-sarreren denbora egozpena behar den eran egitea erraztuko du.

Ez. Eduki librea da, 250 posizio har ditzakeena fakturan dokumentatzen diren eragiketa guztiak xehetasunez deskribatzeko.

Eragiketaren deskribapena eta ondasunen identifikazioa osatzen duten lerroetako bakoitzean agertzen diren datu berak jaso behar dira.

679/2016 Erregelamenduaren 9. artikuluak babestutako datuak badira, nahikoa izango da datuak idatziz jasotzea. "679/2016 Erregelamenduaren 9. artikuluak babestutako informazioa", hargatik eragotzi gabe fakturan eragiketaren errealitatea adieraztea.

Unitateko zenbatekoa BEZik gabe jarri behar da, salbuespen jakin batzuetan izan ezik, hala nola ondasun erabilien araubide bereziaren kasuan edo bidaia agentzien araubide bereziaren kasuan.

"Fakturaren xehetasunak" blokeko "Guztizko zenbatekoa" eremua honela kalkulatuko da: "Zenbatekoa" eremuetan adierazitako zenbatekoak bider "unitateko zenbatekoa" eremuetan adierazitako zenbatekoak. Hala badagokio, aplikatutako deskontuak kenduko zaizkio eta BEZa gehituko zaio. Eremu honetan eragiketan jasanarazten den BEZa sartzen da. 

"Deskontua" eremua eurotan eta BEZik gabe informatu behar da.

Zerga-oinarriaren etiketan, hain zuzen ere, deskontuen eta garraio-gastuen ondoriozko zifra agertu behar da. Xehetasuneko lerroan aipatzen diren deskontuak unitateko deskontuak izango dira.

Hala ere, deskontu orokor bakoitza fakturan ere agertu beharko da, eta horietako bakoitza xehetasun-lerro berri gisa jasoko da, deskontuaren kontzeptua deskribatuz, hala badagokio, eta, deskontua konfiguratu ahala, zeinu negatiboa izan dezakeen zenbatekoa.

XML TicketBAI artxiboak fakturan deskontuei buruz agertzen den informazio guztia eduki behar du, eta artxibo horrekin fakturen gordailu bat izango litzatekeela esan daiteke ia; beraz, XML TicketBAI artxiboaren xehetasuna fakturan agertzen den bera izango da, eta, beraz, deskontu orokor bakoitza eta zenbatekoa zehaztuko ditu.

“Faktura gehienetan, “Fakturaren zenbateko guztira” bat etorri behar da BEZa banakatzeko zenbatekoen baturarekin.

Hala ere, egoera batzuetan kointzidentzia hori ez da gertatzen, adibidez:

• Ondasun erabilien, arte-objektuen, antzinako objektuen eta bilduma-objektuen araubide berezia aplikatzen duten fakturetan.
• Bidaia-agentzien araubide berezia aplikatzen duten fakturetan.
• BEZaren zerga-oinarrian eragiketen prezioarekin zuzenean lotuta egoteagatik jasotako diru-laguntzak jasotzen dituzten fakturetan.”  

Fakturaren igorleak jasan behar duen eta fakturan sartuta dagoen atxikipenaren zenbatekoa adierazi behar da. 

Taldeko enpresen arteko eragiketetan, BEZaren Legearen 163 sexies.bost artikuluan ezarritako modalitatea aukeratu denean, “BEZaren araubide bereziaren eta zerga garrantzia duten eragiketen gakoa” eremuko 06 gakoa (“BEZeko entitate taldearen araubide berezia (maila aurreratua)” erabiltzen denean bakarrik jaso behar da. Kasu horietan, “Kostuaren zerga oinarria” eremua bete ahal izango da. 

“Zerga-oinarria” eremua BEZaren Legearen 78. eta 79. artikuluetan aipatzen den zenbatekoa izango da. Kontuan hartu behar da “Jasanarazitako kuota” eremuan, kostuaren zerga-oinarria dagokion zerga-tasarekin edo tasekin biderkatzearen emaitza jasoko dela.

Eragiketa hauek sartu dira, dagozkien gakoekin batera: 

01 Erregimen orokorreko eragiketa eta hurrengo balioetan jaso gabe dagoen beste edozein kasu.

02 Esportazioa.

03 Erabilitako ondasunen, arte objektuen, zaharkinen eta bilduma objektuen araudi berezia aplikatzen zaien eragiketak.

04 Inbertsio urrearen araubide berezia.

05 Bidaia-agentzien araubide berezia.

06 BEZeko erakundeen multzoaren araudi berezia (maila aurreratua).

07 Kutxa-irizpidearen araubide berezia.

08 Ekoizpen, zerbitzu eta inportazioaren gaineko zergari / Kanarietako zeharkako zerga orokorrari lotutako eragiketak.

09 Besteren izenean eta kontura ari diren bidai agentziek egindako zerbitzuen fakturazioa (Fakturazio Erregelamenduko 3. xedapen gehigarria).

10 Hirugarrenen kontura kobratzea ordainsari profesionalak edo jabetza industrialetik eratorritako eskubideak, egilearenak edo bazkideen, bazkideen edo elkargokideen kontura kobratzeko eginkizun horiek betetzen dituzten sozietate, elkarte, elkargo profesional edo bestelako erakundeek egindakoak.

11 Negozio lokala errentatzeko eragiketak, atxikipenari lotuak.

12 Negozio lokala errentatzeko eragiketak, atxikipenari lotu gabeak.

13 Negozio lokala errentatzeko eragiketak, atxikipenari lotuak eta lotu gabeak.

14 Hartzailea administrazio publiko bat denean ordaintzeke dauden BEZdun fakturak, obra ziurtagirietakoak.

15 Segidako traktuko eragiketetan ordaintzeke dagoen BEZdun faktura.

17 IX. tituluko XI. kapituluan aurreikusitako araubideetako batera (OSS edo IOSS) bildutako eragiketa.

19 Nezakaritza, abeltzaintza eta arrantzaren araubide berezian (NAAAB) sartuta dauden jardueren eragiketak.

51 Baliokidetasun errekarguko eragiketak.

52 Erregimen erraztuko eragiketak.

53 BEZaren ondorioetarako enpresaburu edo profesionaltzat jotzen ez diren pertsona edo erakundeek egindako eragiketak.

54 Establezimendu iraunkorra (zeharkako zergei dagokienez) Kanarietan, Ceutan edo Melillan.

Emandako obra-ziurtagiriei dagokien informazioa bidaltzeko erabiltzen da, baldin eta horien hartzailea administrazio publiko bat bada, eta BEZaren sortzapena gertatu ez bada, honako inguruabar hauek gertatzen direlako:     

• Gauzatutako obra-zatiari dagokion zenbatekoa ez da osorik edo zati batean ordaindu. 
• Obra ez da osorik edo zati batean jaso, azaroaren 14ko 3/2011 Legegintzako Errege Dekretuaren 235. artikuluaren arabera (Sektore Publikoko Kontratuen Legearen testu bategina).

Kasu horietan, zirkunstantzia horietakoren bat gertatzen denean, dokumentu bat jaulkiko da, zeinaren TicketBAI XML fitxategia bidaliko baita, barruan informazio hau duela:

• "BEZaren erregimen gakoa" eremuan, 14. gakoa jarriko da.
• «Eragiketaren data» eremuan, adieraziko da noizko dagoen aurreikusita kobratzea.

Horren ondoren, obraren harrera eta/edo kobrantza gertatzen den unean (eta, beraz, sortzapena gertatzen denean), dagokion faktura jaulkiko da (F1), eta honela beteko da:

• "Fakturaren deskribapena" eremuan, hasierako dokumentuaren identifikazio datua adieraziko da (14. gakoarekin informatua), hau da, jaulkipenaren unean esleitu zitzaion zenbakia. 
• "BEZaren erregimen gakoa" eremuan, 01. gakoa jarriko da (araubide orokorreko eragiketa).
• «Eragiketaren data» eremua bakar-bakarrik beteko da baldin eta, araudiari jarraituta, fakturaren eragiketa data eta jaulkipen data bat ez badatoz. Horrelakoetan, obraren harrera data eta/edo kobrantza data adieraziko da eremuan. 

Segidako traktuko eragiketak islatzen dituzten dokumentuei dagokien informazioa igortzeko erabiltzen da (hornidurak, errentamenduak), baldin eta, Fakturazio Erregelamenduaren 6. edo 7. artikuluetan ezarritako baldintzak beteta ere, ez badira fakturatzat hartzen, zergaren sortzapena oraindik ez delako gertatu, honako inguruabar hauetakoren bat gertatzen delako:

• Fakturatutako zenbatekoa ezin da eskatu jaulkipen-datan.
• Ez da osorik edo zati batean ordaindu.

Kontuan izan behar da Eragiketaren data gisa galdagarritasun-data jarri beharko dela (sortzapena).

Ez, baldin eta nekazaritzako, abeltzaintzako eta arrantzako araubide bereziari atxikitako zergadunak emandako edo emandako ondasuna edo zerbitzua eskuratu duen enpresaburuak eragiketa horren ordainagiria ematen badu.

Hala ere, gainerako kasuetan, TicketBAI sistema bete beharko da.

Enpresariek eta profesionalek baliokidetasun-errekarguaren araubidean egindako fakturetarako erabili behar da gako hori.

Aitzitik, gako hori ez da erabili behar baliokidetasun-errekarguaren araubidean dauden enpresaburuen eta profesionalen hornitzaileek egindako fakturetan.

Gako honen helburua azken kontsumitzaile bati BEZa jasanarazten dioten fakturak identifikatzea da, baina, baliokidetasun-errekarguaren araubidean dagoen enpresaburu batek jaulkitzen dituenez, ez dira zergadun horien autolikidazioetan sartu beharreko sortutako BEZaren kuota, zeren eta txikizkako fasetik sortutako BEZa hornitzaileak jasanarazitako baliokidetasun-errekarguaren bidez biltzen baita. Ildo horretan, azken kontsumitzaileari jasanarazitako BEZaren kuota horiek jarduera ekonomikoko diru sarrera izango da enpresaburuaren PFEZean. 

Horretarako, fakturaren xehakapenean, “Eragiketa baliokidetasun errekarguan edo erregimen erraztuan” izeneko marka bat gaitzen da, non lehenetsitako balioa “N” den. “S” markatuz gero, zergadun batek araubide erraztuan edo baliokidetasun-errekarguaren araubidean egindako faktura da. Kasu honetan jasanarazitako BEZaren kuota ez da BEZaren aitorpenean ipintzen. Gainera, PFEZaren ondorioetarako, BEZaren kuota horrek bere jarduera ekonomikoan diru-sarrera handiagoa dakar. 

Enpresaburuek eta profesionalek BEZaren ondorioetarako araubide erraztuan egindako fakturetarako erabili behar da gako hori.

Gako honen helburua azken kontsumitzaile bati BEZa jasanarazten dioten fakturak identifikatzea da, baina, araubide erraztuan dagoen enpresaburu batek jaulkitzen dituenez, ez dira zergadun horien autolikidazioetan sartu beharreko sortutako BEZaren kuota, zeren eta sortutako BEZa beste modu batera kalkulatzen baita dagozkion zeinu, indize eta moduluak aplikatuz. Ildo horretan, azken kontsumitzaileari jasanarazitako BEZaren kuota horiek jarduera ekonomikoko diru sarrera izango dira enpresaburuaren PFEZean.

Horretarako, fakturaren xehakapenean, “ Eragiketa baliokidetasun errekarguan edo erregimen erraztuan” izeneko marka bat gaitzen da, non lehenetsitako balioa “N” den. “S” markatuz gero, zergadun batek araubide erraztuan edo baliokidetasun errekarguaren araubidean egindako faktura da. Kasu honetan jasanarazitako BEZaren kuota ez da BEZaren aitorpenean ipintzen. Gainera, PFEZaren ondorioetarako, BEZaren kuota horrek bere jarduera ekonomikoan diru-sarrera handiagoa dakar. 

Bai, “Jasandako atxikipena” eremuan.

XML TicketBAI fitxategian atxikipenaren zenbatekoa baino ez da jasotzen. Beraz, ez da jasotzen atxikipenaren oinarria, ezta aplikatutako atxikipenaren ehunekoa ere.” 

Bai. Fakturazioaren Erregelamenduaren 6. artikuluaren arabera, eragiketen hartzailearen izen-abizenak eta sozietatearen izen osoa jaso beharko dira fakturan.

Era berean, EBko edozein estatu kidetako zerga-administrazio eskudunak emandako eragiketen hartzailearen IFZ jaso beharko da honako kasu hauetan:

1. BEZaren Foru Arauaren 25. artikuluaren arabera salbuetsita dagoen beste estatu kide bati emandako ondasunak izatea.
2. Eragiketa horren hartzailea hari dagokion BEZaren subjektu pasiboa izatea.
3. Zergaren aplikazio-lurraldean egindakotzat jotzen diren eragiketak izatea, eta faktura egiteko betebeharra duen enpresaburua edo profesionala lurralde horretan ezarritakotzat jotzea.

Bestalde, 1. eranskinean (Alta TicketBai fitxategiaren egitura eta baliozkotzeak), eta Fakturazio Erregelamenduaren 6.1.d artikuluan islatu gabeko kasuetarako soilik, "0" balioa adierazi ahal izango da ID eremuan.

54 gakoa Kanarietako establezimendu iraunkor (zeharkako zergei dagokienez) batetik egiten diren eragiketetarako erabili behar da. Hortaz, eragiketa horiek ez dira konputatzen  establezimenduak zergaren aplikazio lurraldean egiten duen eragiketa bolumenaren ondorioetarako, eta, gainera, haiei dagokienez, Kanarietako zerga aplikatzen zaien eragiketen erregistro liburuei buruzko araudian ezarritakoa bete behar da.

54 gakoa erabiltzen bada, eragiketak atzerriko zergarengatik bakarrik izan daitezke lotu gabeko eragiketak.

08 gakoaren kasuan (Ekoizpenaren, Zerbitzuen eta Inportazioaren gaineko Zergari/Kanarietako Zuzeneko Zerga Orokorrari lotutako eragiketak), gako hori erabiliko da zerga horiei lotutako eragiketak jasotzen dituzten fakturetarako, betiere baldin eta Kanarietan, Ceutan eta Melillan kokatutako establezimendu iraunkorretatik egiten ez badira; izan ere, bigarren kasu horretan, faktura 54 gakoarekin aitortu beharko da.

Bai.

Lotu gabeko eragiketaren kasuan, “Fakturaren xehakapena - Lotu gabea” blokearen barruan adierazi beharko da lotuta ez izatearen arrazoia edo kausa (OT – lotu gabea, 7.  eta 14. Artikuluak; Lotu gabeko beste kasu batzuk”; edo RL - Lokalizazio arauengandik lotu gabea; edo IE – Atzerriko zerga bati lotutako eragiketa edo VT – Hirugarrenek egindako salmenta) eta zergapetu gabeko zenbatekoa.

Eragiketa salbuetsia bada, “Faktura xehakapena” blokearen barruan “lotu” eta “salbuetsi” gisa jasoko da, eta salbuespenaren arrazoia eta salbuetsitako zerga-oinarria adieraziko dira. Hauek dira salbuesteko arrazoien gakoak: 

• “E1 - 20. artikuluak salbuetsia” 
• “E2 - 21. artikuluak salbuetsia”. 
• “E3 - 22. artikuluak salbuetsia”. 
• “E4 - 23. eta 24. artikuluek salbuetsia”. 
• “E5 - 25. artikuluak salbuetsia”. 
• “E6 - Beste arrazoi batengatik salbuetsia”. 

Nahitaez bete behar da salbuespenaren arrazoia. 

Fakturak salbuespen-kausa desberdina duten eragiketak jasotzen baditu, eragiketa bakoitzari dagokion oinarri salbuetsiaren zenbatekoa banakatu ahal izango da.

“BEZaren erregimenen eta zerga garrantzia duten eragiketen gakoak” atalean, “02 - Esportazioa” gakoa idatziko da.

Hartzailea atzerritarra izanez gero, “Herrialdearen kodea” eta “03 - Pasaportea”, “04 - Egoitza dagoen herrialdeak edo lurraldeak emandako nortasun agiri ofiziala”, “05 – Egoitza ziurtagiria” edo “06 - Beste frogagiri bat” gakoen bidez identifikatu beharko da “IDType” eremuan.

Bestalde, fakturaren zerga-oinarria “salbuetsita” eragiketa motaren eremuan sartuko da, eragiketa motaren xehakapena “Entrega” blokearen barruan. Salbuespen-arrazoi gisa, “E2 - 21. artikuluak salbuetsia” gakoa jarriko da.

Hartzailea espainiarra bada, hornitzaileak edo zerbitzu-emaileak faktura egingo du, eta “Fakturaren xehakapena” blokean “S2 - Subjektu pasiboaren inbertsioarekin” gakoa idatziko du “Salbuetsi gabeko mota” eremuan. Eragiketaren zenbatekoaren berri emango da “zerga-oinarria” eremuan, baina “zerga tasa” eta “zerga kuota” eremuak, betetzen badira, zero zenbatekoarekin jakinaraziko dira. 

Hartzailea Europar Batasunekoa bada IFK-BEZ bidez, “Eragiketa motaren xehakapena” atala beteko da, eta “lotu gabe” eremuan “RL - Lokalizazio arauengandik lotu gabe” eta lotu gabeko zenbatekoa beteko dira. Azken kasu horretan, zerbitzu ematea edo ondasun entrega den adierazi behar da.

Ez. Haren kontrabalioa adierazi behar da eurotan, Europako Bankuak une bakoitzean ezarritako truke tasa saltzailea aplikatuta (BEZaren Legearen 79 hamaika artikulua). Nolanahi ere, fakturan dibisaren zenbatekoaren berri eman beharko da.

Erregistro bakar batean emango da fakturaren berri, honako hauei dagokien informazioa banakatuta: zerga-tasa, zerga-oinarria, jasanarazitako kuota, baliokidetasun-errekargu mota eta baliokidetasun-errekargu kuota, tasa edo errekargu desberdinen arabera. 

XML TicketBAI fitxategian, bezero komunitarioa identifikatu beharko da, “IDType” egoitza herrialdeko identifikazio mota “02 IFZ-BEZ” gakoaren bidez, eta “ID” eremuan batasun barruko operadore-zenbakia jarri beharko da. “Herrialdearen kodea” eremua ez da nahitaezkoa izango.

Bestalde, fakturaren zerga-oinarria “salbuetsita” eragiketa motaren eremuan sartuko da, eragiketa motaren xehakapena “Entrega” blokearen barruan. Salbuesteko kausa gisa, “E5 - 25. artikuluak salbuetsia” gakoa jarriko da. 

XML TicketBAI fitxategiko “BEZaren xehetasuna” blokeko nahitaezko etiketa bakarra zerga-oinarria da; izan ere, dagokion eragiketa edozein izanda ere, jakinarazi behar den eremu bakarra da. Aipatutako gainerako eremuak ez dira nahitaezkoak XML eskeman; izan ere, eragiketa motaren arabera, baliteke informaziorik eman behar ez izatea.

• Subjektu pasiboaren inbertsioarekin lotutako eta salbuetsi gabeko eragiketa bada, "Zerga-tasa" eta "Zerga-kuota" eremuak, betetzen badira, zero zenbatekoarekin informatuko dira.
• “Baliokidetasun errekargu mota” eta “Baliokidetasun errekargu kuota” eremuak soilik bete behar dira eragiketa bat dokumentatzen bada eta eragiketa horren hartzailea baliokidetasun-errekarguaren araubide bereziari atxikitako txikizkako merkatari bat bada eta errekargu hori aplikatu behar bada, BEZaren Legearen 156. eta 157. artikuluetan xedatutakoaren arabera.

Azaldutako arrazoiengatik, ezin dira eremuak nahitaezkotzat jo TicketBAI eskeman, baina horrek ez du esan nahi eremu horiek bete gabe utzi behar direnik, fakturak Fakturazio Erregelamenduaren 6. eta 7. artikuluetan ezarritako eskakizunak bete behar baititu. 

Bezeroa atzerritarra denean eta faktura erraztua ez denean, eragiketa motaren xehakapena adierazi behar da nahitaez. 

Kasu horretan, faktura batek salbuetsitako hainbat ondasun-eskualdaketa edo -entrega dokumentatzeko aukera aurreikusten da, kasu desberdinak aplikatuta. Adibidez, landalurrez gozatzeko eskubide errealak eratu eta eskualdatzea (20.23 artikuluko salbuespena) eta bidaiariei ondasunak ematea (21. artikuluko salbuespena). 

Bai garraio-gastuak, bai goiz ordaintzeagatiko deskontua, fakturaren jaulkitzaileak indibidualizatu ahal izango ditu; izan ere, gerta daiteke garraio-lanak horietako bati bakarrik dagozkiola ondorioztatzea (ondasunak entregatzea), edo bi eragiketetan garraio-lanak egotea. Kasu horretan, garraio-lanak eta bestelako eragiketa osagarriak fakturan jasotako eragiketen artean zatitu ahal izango dira, egozpen-irizpide arrazionalen arabera, indarrean dauden xedapenek ez badute irizpiderik ezartzen.

Garraioen kontu zehatzari dagokionez, eta soilik ondasunen entregari eta ez zerbitzuen prestazioari egozteari dagokionez, baliozkoa izan liteke, baldin eta horrek eragiketaren errealitatea islatzea badakar. 

Hain zuzen ere. Horrela, fakturan bertan lursailen entrega eskualdatzen den kasua islatzen da (salbuespena subjektu pasiboaren inbertsioarekin, 20.Bat.20 artikulua) eta gozamenerako eskubide errealak eratu eta eskualdatzea (salbuespena subjektu pasiboaren inbertsiorik gabe, 20.Bat.23 artikulua), 37/1992 Legearen 84.bat.e) artikuluaren arabera subjektu pasiboaren inbertsioari buruz xedatutakoari jarraikiz. 

Baliokidetasun-errekarguaren araubidean dauden enpresaburu eta profesionalek egindako fakturetarako, “BEZaren araudi bereziaren gakoa eta zerga garrantzidun eragiketak” eremuko “51- Baliokidetasun errekarguko eragiketak” gakoa erabili behar da.

Aitzitik, gako hori ez da erabili behar baliokidetasun-errekarguaren araubidean dauden enpresaburuen eta profesionalen hornitzaileek egindako fakturetan.

Gako honen helburua da azken kontsumitzaile bati BEZa jasanarazten dioten fakturak identifikatzea, baina, enpresaburu batek baliokidetasun-errekarguaren araubidean jaulkitzen dituenez, ez da zergadun horien autolikidazioetan sartu beharko sortutako BEZaren kuota, zeren eta txikizkako fasetik sortutako BEZa hornitzaileak jasanarazitako baliokidetasun-errekarguaren bidez biltzen baita. Ildo horretan, azken kontsumitzaileari jasanarazitako BEZaren kuota horiek jarduera ekonomikoko diru sarrera izango dira enpresaburuaren PFEZean.

Horretarako, fakturaren xehakapenean, “Eragiketa baliokidetasun-errekarguan edo erregimen erraztuan” marka bat gaitzen da, non lehenetsitako balioa “N” den. “S” markatuz gero, zergadun batek erregimen erraztuan edo baliokidetasun-errekarguaren araubidean egindako faktura baita izango da. Kasu honetan jasanarazitako BEZaren kuota ez da BEZaren aitorpenera aldatzen. Gainera, PFEZaren ondorioetarako, BEZaren kuota horrek bere jardueraren diru-sarrera handiagoa dakar.

Adibidez, baliokidetasun-errekarguaren araubidean dagoen enpresaburu batek zerga-oinarria (BEZ) duen sendagai baten faktura bat ematen du, 100 eurokoa, eta BEZaren kuota, 4 eurokoa. Nola sortu behar da TicketBai fitxategia kasu honetan?

“51 Baliokidetasun errekarguko eragiketak” gakoa markatu behar da, “BEZaren araudi bereziaren gakoa eta zerga garrantzidun eragiketak” eremuan.

Fakturaren xehakapenean zenbateko eta balio hauek bete behar dira:

• Zerga-oinarria: 100.
• Zerga-tasa: 4.
• Zergaren kuota: 4.
• Baliokidetasun-errekargu mota: 0.
• Baliokidetasun-errekarguaren kuota: 0.
• Baliokidetasun-errekarguaren edo araubide erraztuaren eragiketa: S. Marka horrek esan nahi du BEZaren kuota ez dela zergaren likidazioaren parte, eta, beraz, jarduera ekonomikoaren sarreratzat hartzen da PFEZaren ondorioetarako.

Erantzun honek aurreko galderaren erantzunari jarraitzen dio, faktura berean, baliokidetasun-errekarguaren araubideko enpresaburu batek araubide hori aplikatzen duten eragiketak eta araubide orokorreko beste eragiketa batzuk dokumentatzen dituen kasurako.

Adibidez, baliokidetasun-errekarguaren araubidean dagoen enpresaburu batek 100 euroko zerga-oinarria eta 10 euroko BEZaren kuota duten pastelen salmenta-faktura bat (baliokidetasun-errekarguaren araubidea aplikatuta) eta ogiaren salmenta-faktura bat (araubide orokorra aplikatuta, hornitzaileengandik erosi baitu ogi-masa izoztua, eta ondoren laberatu, saltzeko ogia eskuratuz), jaulkitzen du.

Bi eragiketak erregistratzen dituen TicketBAI fitxategian, “51 Baliokidetasun errekarguko eragiketak “ gakoa markatu behar da.

Fakturaren xehakapenean, zenbateko eta balio hauek bete behar dira:

a) Pastelak saltzeagatik (baliokidetasun-errekarguaren araubidea aplikatzea):

• Zerga-oinarria: 100.
• Zerga-tasa: 10.
• Zergaren kuota: 10.
• Baliokidetasun-errekarguaren tasa: 0.
• Baliokidetasun-errekarguaren tasa: 0.
• Baliokidetasun-errekarguaren edo erregimen erraztuaren eragiketa: S. Marka horrek esan nahi du BEZaren kuota ez dela zergaren likidazioaren parte, eta, beraz, jarduera ekonomikoaren sarreratzat hartzen da PFEZaren ondorioetarako.

b) Ogia saltzeagatik (ez da aplikatzen baliokidetasun-errekarguaren araubidea, araubide orokorra baizik):

• Zerga-oinarria: 100.
• Zerga-tasa: 4.
• Zergaren kuota: 4.
• Baliokidetasun-errekarguaren tasa: 0.
• Baliokidetasun-errekarguaren kuota: 0.
• Baliokidetasun-errekarguaren edo erregimen erraztuaren eragiketa: N. Marka horrek esan nahi du BEZaren kuota badela zergaren likidazioaren parte, eta, beraz, ez da jarduera ekonomikoaren sarreratzat hartzen PFEZaren ondorioetarako. 

Enpresaburuek erregimen erraztuan jaulkitako fakturetarako, “52 Erregimen erraztuko eragiketak” gakoa erabili behar da, “BEZaren araudi bereziaren gakoa eta zerga garrantzidun eragiketak” eremuan.

Gako honen helburua da azken kontsumitzaile bati BEZa jasanarazten dioten fakturak identifikatzea, baina, enpresaburu batek erregimen erraztuan jaulkitzen dituenez, ez dira zergadun horien autolikidazioetan sartu beharko sortutako BEZaren kuota, sortutako BEZa araubide honetarako ezarritako zeinu, indize eta moduluen aplikazioaren bidez kalkulatzen baita. Ildo horretan, azken kontsumitzaileari jasanarazitako BEZaren kuota horiek diru-sarrera handiagoa izango dira enpresaburuaren jarduera ekonomikoan, PFEZren ondorioetarako.

Horretarako, fakturaren xehakapenean, “Eragiketa baliokidetasun-errekarguan edo erregimen erraztuan” izeneko marka bat gaitzen da, non lehenetsitako balioa “N” den. “S” markatuz gero, zergadun batek erregimen erraztuan edo baliokidetasun errekarguaren araubidean egindako faktura da. Kasu honetan jasanarazitako BEZaren kuota ez da BEZaren aitorpenera aldatzen. Gainera, PFEZaren ondorioetarako, BEZaren kuota horrek bere jardueraren diru-sarrera handiagoa dakar.

Adibidez, erregimen sinplifikatuko enpresaburu batek 100 euroko zerga-oinarria eta 21 euroko BEZaren kuota duen ondasun baten faktura egiten du. Nola sortu behar da TicketBAI fitxategia kasu honetan?

“52 Erregimen erraztuko eragiketak” gakoa markatu behar da, “BEZaren araudi bereziaren gakoa eta zerga garrantzidun eragiketak” eremuan.

Fakturaren xehakapenean, zenbateko eta balio hauek bete behar dira:

• Zerga-oinarria: 100.
• Zerga-tasa: 21.
• Zergaren kuota: 21.
• Baliokidetasun-errekarguaren tasa: 0.
• Baliokidetasun-errekarguaren kuota: 0.
• Baliokidetasun-errekarguaren edo erregimen erraztuaren eragiketa: S. Marka horrek esan nahi du BEZaren kuota ez dela zergaren likidazioaren parte, eta, beraz, jarduera ekonomikoaren diru sarreratzat hartzen da PFEZaren ondorioetarako.

Oso ohikoa ez bada ere, gerta daiteke TicketBAI fitxategi berean "BEZaren araubideak eta zerga garrantzia duten eragiketak” eremuan gako bat baino gehiago dokumentatzea, faktura berean BEZaren erregimen desberdinak dituzten eragiketa desberdinak dokumentatzen direnean, baina eragiketa guztiak ez dira elkarren artean bateragarriak, eskemen baliozkotzeetan zehazten den bezala.

Adibidez, hainbat gako erabiliko dira “BEZaren araubide bereziak eta zerga garrantzia duten eragiketak “ eremuan, honako egoera hauetan:

• Subjektu pasibo batek faktura berean dokumentatzen duenean erabilitako ondasunen, arte objektuen, zaharkinen eta bilduma objektuen araudi berezia aplikatzen zaion ondasunen entrega bat (03 gakoa), BEZaren Legearen 135. artikuluan zerrendatutako baldintzak betetzeagatik, eta BEZaren araubide orokorrari lotuta dagoen ondasunen beste entrega bat (01 gakoa), ondasunak entregatzeak lehen aipatutako baldintzak betetzen ez dituelako edo subjektu pasiboak araubide bereziari uko egin diolako.
• Kutxaren irizpideari atxikitako subjektu pasibo batek faktura berean BEZaren araubide berezi horri atxikitako eragiketa bat dokumentatzen duenean (07 gakoa), bai eta BEZaren Legearen 136. artikuluaren arabera kanpo geratzen den eragiketa bat ere, salbuetsitako ondasun-entrega bat delako (01 gakoa)

2024-01-01era arte, lokalizazio arauengatik lotu gabeko eragiketak RL gakoarekin erregistratu behar ziren. Data horretatik aurrera, lokalizazio arauengatik lotu gabe eragiketek bi gako izango dituzte:

-    IE gakoa, zeina erabili beharko baita lokalizazio arauengatik zergaren aplikazio lurraldean zergapetzen ez diren eragiketetan, haien fakturan atzerriko zerga bat, IPSI/IGIC bat, edo EBko beste estatu kide bateko BEZ bat jasanarazten denean, eta, gainera, eragiketen erregimen gakoa 54 den guztietan (Kanarietan, Ceutan edo Melillan kokatutako establezimendu iraunkorretatik – zeharkako zergei dagokienez- egindako eragiketak).

-    RL gakoa: lokalizazio arauengatik lotu gabeko gainerako eragiketetarako erabiltzen jarraitu behar da.

Beraz, IE gakoa erabili beharko da fakturan atzerrian ordaindu behar den zerga baten kuota efektiboa sartzen denean.

1. adibidea: Frantzian emandako osasun zerbitzuak, hartzailea enpresa bat denean

Enpresaburua Gipuzkoan bizi den pertsona fisiko bat da, eta tartean behin Hendaiako enpresa batera joaten da, osasun zerbitzuak emateko. 
Kasu horretan, eragiketa hori ez dago lotuta zergaren aplikazio lurraldean, eta Frantzian zergapetzen da. Hala ere, salbuetsita dagoen zerbitzu bat denez, RL gakoa erabili beharko da, haren fakturan ez baita inolako kuotarik jasanarazten.

2. adibidea: Frantziako partikular baten etxebizitzan obrak egiteko zerbitzuak

Eragiketa Frantzian egiten dela ulertzen da, baina, aurreko kasuan ez bezala, zerbitzua egiten duenak Frantziako BEZa jasanarazi behar du fakturan. Hala bada, IE gakoa erabili beharko du.

Zenbatekoak eurotan adierazi behar dira beti XML fitxategian.

Xehetasun lerroen eremuak honela informatu beharko dira:

• Zenbateko unitarioa: atzerriko zergarik gabe.
• Guztizko zenbatekoa: atzerriko zergarekin.
• Deskontua, egonez gero: atzerriko zergarik gabe.

Fakturaren guztizko zenbatekoak zenbateko osoa adierazi behar du, atzerriko zerga barne.

Banakapenaren zenbatekoak atzerriko zergarik gabe adierazi behar du zenbatekoa.

Adibidea: Fakturan atzerriko zerga jasanaraztea

Gipuzkoako enpresa batek eragiketa bat egiten du Suitzako enpresa batekin, eta fakturan BEZaren pareko zerga bat jasanarazi behar du, % 7,7ko tasa aplikatuta eta 1.000 euroko prezio unitarioan. 

• Zenbateko unitarioa: 1.000 euro
• Lerroaren guztizko zenbatekoa: 1.077 euro.
• Fakturaren guztizko zenbatekoa: 1.077 euro.
• Atzerriko zergarengatik lotu gabeko banakapenaren zenbateko osoa: 1.000 euro.
   

VT gakoa erabili behar da faktura berean faktura egiten duenaren berezko eragiketak eta berak egindako beste batzuk jasotzen direnean, betiere horiek ez badute eraginik jaulkitzaileak pertsona fisikoen errentaren gaineko zergarengatik, sozietateen gaineko zergarengatik edo balio erantsiaren gaineko zergarengatik aurkezten duen aitorpenean. Ohiko kasu bat garraio txartelen karga izaten da (MUGI txartela, adibidez), baita ordejarriak ere.

Xehetasun lerroen eremuak honela informatu beharko dira:

-    Zenbateko unitarioa: BEZa barne, halakorik badu.
-    Guztizko zenbatekoa: zenbateko unitarioarekin bat etorri behar duena.

Fakturaren guztizko zenbatekoak zenbateko osoa adierazi behar du, hau da, xehetasun lerroen zenbateko guztien batura.

Banakapenaren zenbatekoak BEZa jaso behar du (halakorik bada).

1. adibidea: VT gakoko eragiketa
Eragiketa batean bi artikulu saltzen dira; horietako batean, zenbateko unitarioa 10 eurokoa da eta % 21eko BEZa aplikatzen zaio; bestean, MUGI txartel baten karga egiten da, 13,63 eurokoa da haren zerga oinarria eta 1,37 eurokoa kuota.

Xehetasun lerroak honela informatu beharko dira:
 

Fakturaren zenbateko osoa 27,10 €-koa izango da.

Banakapenei dagokienez:

-    Lotutako eta ez-salbuetsi gabeko eragiketaren blokean, lotutako eta salbuetsi gabeko artikuluari dagokion informazioa sartuko da (oinarria eta kuota).
-    VT kausarengatik lotu gabeko eragiketaren blokean, kargatutako zenbateko osoa adieraziko da (15 euro).

VT banakapen eragiketa bakarra dokumentatzen bada, ez da beharrezkoa fakturarik egitea; hala ere, faktura jaulkiz gero, nahitaezkoa izango da TicketBAIren XML fitxategia Zerga Administrazio honetara bidaltzea.

TicketBAI sistemak berekin dakar faktura bakoitzak aurreko fakturarekin identifikatzea.

Kateatzeko betekizuna betetzea fakturazio-sistemaren funtzionamendu-moduaren araberakoa da:

• Gailu edo fakturazio gune berak hainbat serietako fakturak jaulkitzen baditu, kateatzearen betekizunak igorritako aurreko faktura identifikatu behar du, gailu edo fakturazio gune horren barne seriea edozein dela ere (adibidez, serie arrunt bateko faktura baten aurretik beste serie bateko faktura zuzentzaile bat jar daiteke).
• Fakturazio-gailu bat baino gehiago baldin badago, eta horiek gailu bakoitzerako serie espezifiko baten barruan soilik jaulkitzen badituzte fakturak, kateamendua serie bakoitzaren barruan gertatzen da.
• Fakturazio-sistema fakturazio-serieak eta zenbakiak sortzen dituen sistema zentralizatua bada, kateamendua sistemak jaulkitako azken fakturari dagokio.

Dena den, kateamendua beti zergadun berari lotuta egongo da; beraz, gailu berak hainbat zergadunen fakturak jaulkitzen baditu, zergadun horrek berak egindakoa hartuko da aurreko fakturatzat.

Fakturak urte batean eta bestean igortzen dituen gailua berbera bada, aurreko urtean jaulkitako azken fakturarekin kateatu behar da, nahiz eta serie desberdinarekin egin.

Justifikatutako kasu batzuetan ezinezkoa da aurreko fakturarekin kateatzea, besteak beste:

• Gailu berri baten lehen faktura jaulkitzen denean.
• Zergadunaren lehen faktura jaulkitzen denean.
• Gailu bat apurtzen denean eta beste gailu batekin ordeztu behar denean. 

Kateatzearen baldintza betetzeko, aurreko softwarearen kateatze-datuak lortu ahal izango dira software berriarekin jaulkitzen diren fakturetarako. Softwarea aldatu arren, TicketBAI fitxategiak sisteman gordeta egongo dira, eta, horrela, jaulkitako azken fakturaren informazioa jaso ahal izango da.

Soilik baldin eta teknikoki ezinezkoa edo kostu handikoa bada fitxategi berriak sortzea zergapekoak emandako aurreko fakturaren datuekin, justifikatuta egongo litzateke TicketBAI fitxategia bidaltzea aurreko faktura identifikatu gabe.

Bai.

Fakturen deuseztapena aurreikusten da baldin eta, akats baten ondorioz, faktura bat ondasuna entregatu edo zerbitzua eman gabe egiten bada, hau da, eragiketa inoiz egin ez bada eta deuseztatzea bidezkoa bada (DGT V0611/2011-3-11).

Kateatzearen ondorioetarako, ordea, baliteke ezeztatutako faktura aurre-aurrekoa izatea; izan ere, faktura jaulki eta berehala, edo geroago, deuseztatu den fakturari dagokion XML TicketBAI artxiboa bidali egin behar da, eta aurreko faktura gisa balio du kateatzearen ondorioetarako. Gainera, baliteke gero deuseztatzen den fakturaren jaulkipenaren eta ondorengo deuseztapenaren artean faktura baliodunak jaulki izana; beraz, geroago deusezta daitekeen faktura bat aurreko fakturatzat har daiteke kateatzearen ondorioetarako. 

Aplikazio desberdinak erabiliz gero, aurreko fakturarekin kateatzea erabilitako aplikazio bakoitzaren araberakoa izango da, eta aplikazio bakoitzak serie bereizia izan beharko du.

Aurreko fakturarekiko kateatzea hainbat aldagairen arabera alda daiteke, baina, nolanahi ere, zergapeko bakoitzari eta aplikazio bakoitzari lotuta dago, edo, hala badagokio, erabilitako gailu bakoitzari. 

XML TicketBAI artxiboei, fakturei edo bezeroei buruzko datuak berreskuratu behar badira, igorritako azken fakturari buruzko XML TicketBAI artxiboko datuak kontsultatu ahal izango dira beti Ogasunaren aplikazioan (bezeroaren datuak barne).

Hala ere, ohiz kanpokoa bada ere, fakturazio-sistema suntsitua edo berreskuraezina bada, eta sortutako azken fakturan sartzerik ez badago, beste fakturazio-serie bat egin beharko da, eta salbuespenezko kasu horretan ez da eskatuko aurreko fakturarekin kateatzea.

Lehen faktura ezin da kateatu; beraz, faktura horretan ez da aurreko faktura elementua agertuko. Horregatik, eskeman aukerakoa bezala agertzen da. 

Zehaztapen teknikoetan ez da zehazten kateatzeko modua edo irizpidea, fakturazio sisteman erabiltzen den arkitektura informatikoaren arabera alda daitekeelako.

TicketBAIn faktura bakoitzak aurreko faktura identifikatu behar du. Kateatzeko baldintza betetzea, beraz, fakturazio-sistemaren funtzionamendu-moduaren araberakoa da. Gailu berak serie desberdinetako fakturak jaulkitzen baditu, kateatzeko betekizunak igorritako aurreko faktura identifikatu behar du, seriea edozein dela ere (adibidez, serie arrunt bateko faktura baten aurretik beste serie bateko faktura zuzentzaile bat egon daiteke). Hala ere, fakturazio-gailu bat baino gehiago baldin badago, eta horiek gailu bakoitzerako serie espezifiko baten barruan soilik jaulkitzen badituzte fakturak, kateamendua serie bakoitzaren barruan gertatzen da, fakturazio-sistemak horrela funtzionatzen baitu.

Beraz, seriea ez da erabakigarria kateatzeko, gailu berak faktura sinplifikatuak eta faktura osoak igortzen dituenean, aurreko faktura serie desberdinekoa izan baitaiteke. Hala ere, irizpide baliagarria eta egokia da fakturak seriearen arabera kateatzea, baldin eta zergapekoak faktura jaulki behar badu; izan ere, nahitaezkoa da kateatzea beti zergapeko berari badagokio, serie desberdin bat ezartzearen arrazoia fakturazioa hartzaile edo hirugarren baten arabera egitea bada.

TicketBAI kenkariak TicketBAI sistema ezartzera behartuta dauden zergadunen PFEZaren edo Sozietateen gaineko Zergaren kuota murriztea ahalbidetzen du, TicketBAI sistema ezartzeko beharrezkoak diren eta 2020, 2021, 2022 eta 2023 urte naturaletan egiten dituzten inbertsio eta gastuen % 30ean (% 60ean, TicketBAI betebeharra borondatez aurreratzen bada, derrigortasun-datari dagokionez, gutxienez hilabete lehenago). Beraz, zergapekoari TicketBAI betebeharra betetzea nahitaezkoa izan aurretik egin behar da inbertsioa edo gastua.

Zehazki, TicketBAI sistemara behartuta dauden zergadunek kuota osoan kenkari bat aplikatzeko eskubidea izango dute, 2020, 2021, 2022 eta 2023 urte naturaletan egindako inbertsioen eta gastuen zenbatekoaren % 30ekoa, ondoren zehazten den moduan:

a) Tresneria eta terminalak erostea, dagokien softwarearekin eta periferikoekin batera, sistema honen betebeharrak bete ahal izateko.

b) Sozietateen gaineko Zergari buruzko 2/2014 Foru Arauaren 122 bis artikuluaren 2. apartatuaren b) letran aipatzen diren ondasun-entregak eta zerbitzu-prestazioak dokumentatzen dituzten fitxategiekin lotutako betebeharrak betetzeko beharrezkoa den softwarea eskuratzea, sinatzea, entregatzea, eguneratzea edo berritzea.

c) Ondasun entregak eta zerbitzu prestazioak dokumentatzen dituzten fitxategiekin lotutako betebeharrak betetzeko inplementatu beharreko sinadura elektronikoko softwarea eskuratzea, harpidetzea, entregatzea, eguneratzea edo berritzea, softwarea instalatzeko eta ezartzeko gastuak barne.

Lehen adierazi bezala, TicketBAI betebeharra borondatez betetzen bada, zergadunari dagokion derrigortasun-data baino hilabete lehenago gutxienez, muga batzuk gehituko dira, eta kenkariaren ehunekoa 30etik 60ra igoko da.

2020an, 2021ean, 2022an eta 2023an egindako inbertsioek eta gastuek soilik emango dute TicketBAI kenkarirako eskubidea, zergadunaren zergaldia edozein dela ere. Hala ere, TicketBAI betebeharra betetzea nahitaezkoa den data baino lehen egin beharko dira inbertsioak eta gastuak, gastuen ordainketa geroago egin arren.

Kenkariak 2020, 2021, 2022 eta 2023 urte naturaletan TicketBAI sistema ezarri ahal izateko egindako jarduerei dagozkien gastuak eta inbertsioak bakarrik hartzen ditu barne, hau da, zergadunak sistema 2022ko uztailaren 1etik aurrera edo nahitaez bete behar den datatik aurrera bete ahal izateko behar-beharrezkoak diren software eta hardwareko baliabide materialak eta ekipo informatikoak izateko bakarrik erabiltzen direnak. Ondorio horietarako, zenbateko horiek noiz ordaintzen diren ez da garrantzitsua, kontuan hartu beharko dena sistemara egokitzeko behar den inbertsioa eta/edo gastua noiz egiten den baita.

Bestalde, kenkaria egiaztatzeko aurkeztutako agirietatik, era berean, ondorioztatu beharko da 2020-2023 urte naturaletan zergadunean sistema ezartzeko egindako beharrezkoak diren gastu eta inbertsio horiei dagozkiela.

Baldintza horiek eskatuko dira, halaber, harpidetza bidezko ordainketarekin negozioek egiten duten fakturaziorako.

TicketBAI kenkaria aplikatu ahal izango dute jarduera ekonomiko bat garatzen duten pertsona fisiko zergadunek eta pertsona juridikoek eta sozietateen gaineko zergaren zergapeko gainerako entitateek, 2020tik 2023ra bitarteko urte naturaletan TicketBAI sistema ezartzeko betebeharra betetzeko egiten dituzten inbertsio eta gastuengatik. Bereziki, eta salbuespen gisa, kenkari hori sortu eta aplikatu ahal izango dute ondare sozietatetzat hartzen diren Sozietateen gaineko Zergaren zergadunek.

Sozietateen gaineko Zergatik salbuetsita daudelako (2/2014 Foru Arauaren 12. artikulua edo lege-mailako beste arau bat) edo 3/2004 Foru Arauak (Fundazioak) araututako zerga-araubidearen mende daudelako TicketBAI betebeharra bete behar ez dutenek ezin izango dute TicketBAI kenkaria aplikatu.

TicketBAI kenkaria kuota osoari aplikatzen zaion kenkaria da, eta, beraz, kuota likidoa 0ra murriztu dezake. Hau da, gutxieneko tributazioaren arauak ez du kenkari horren aplikazioa mugatzen.

Era berean, kenkari horren aplikazioari ez diote eragiten kuota likidoaren gaineko kenkarietarako aurreikusitako aplikazio-mugek (kuota horren % 35 edo % 70). Aldiz, zergaren kuota efektiboa kalkulatzeko inbertsioengatiko eta gastuengatiko kenkari gehienen aplikazioa mugatzen dute.

Eragina izan dezake baldin eta diru-laguntza zerga-betebehar hori betetzeko bada. Oro har digitalizazioa sustatzeko bada, ez du eraginik. Kenkariaren oinarria kalkulatzeko, aipatutako inbertsioak eta gastuak egiteko jasotako dirulaguntzei kenkari hori aplikatzen duen erakundeari edo zergadunari aplikatu beharreko karga-tasaren eta 100en arteko aldeari dagokion ehunekoa aplikatzearen ondoriozko zenbatekoa kendu beharko da.

Kenkaria sortzen den urtea eta hurrengo 30 urteak. Hau da, zergadunaren kuota nahikoa ez izateagatik onura fiskal hori sortzeko aldian kendu ez diren TicketBAI kenkariaren zenbatekoak berehalako eta segidako hurrengo hogeita hamar urteetan amaitzen diren zergaldietako aitorpenetan aplikatu ahal izango dira.

Zergen Foru Arau Orokorraren 101. artikuluan eta hurrengoetan ezartzen dira frogabideei buruzko arauak eta bitartekoak. Horretarako, Kode Zibilean eta Prozedura Zibilaren Legean ezarritako arauetara jotzen du. Bereziki, kenkariak lehentasunez dagokion fakturaren bidez justifikatu beharko dira.

2020tik 2023ra bitarteko PFEZaren aitorpenak eta 2020tik 2023ra bitarteko urte naturalak hartzen dituzten zergaldietako sozietateen gaineko zergaren aitorpenak aurkezteko modua onartzen duten foru aginduek arautuko dute kenkari hori aitorpenean nola kontsignatuko den eta nola egiaztatuko den.

Bai. TicketBAI kenkariaren oinarria kalkulatzeko, ez da kontuan hartuko TicketBAI sistema ezartzeko beharrezkoak diren inbertsio eta gastuen erosketa-prezioaren parte den jasandako BEZ ez-kengarria.

Bai. TicketBAI kenkariak berariaz arautzen du ondasunak eta zerbitzuak hirugarrenei eskuratuz egiten diren gastu eta inbertsioei dagokien kenkariaren oinarria (adierazten du, funtsean, hitzartutako kontraprestazioa izango dela). Hala ere, TicketBAI sistema ezartzeko enpresak berak egindako inbertsio eta gastuek ere ematen dute kenkari horretarako eskubidea. Kasu horretan, kenkariaren oinarria finkatzeko, dagokion ondare-elementuaren ekoizpenaren barne kostuari erreparatu behar zaio. 

Ez.

TicketBAI kenkariaren oinarria zergadunak egindako inbertsioak eta gastuak dira. Gastu eta inbertsio horiek 2020tik 2023ra bitarteko urte naturaletan egin diren,

TicketBAI sistema ezartzea beharrezkoa denean betetzeko, zergadun horrek TicketBAI sistemarekin fakturak borondatez egin ala ez.

TicketBAI betebeharra ezartzea eta betetzea borondatez aurreratzen bada derrigortasun-datari dagokionez, gutxienez hilabete lehenago, kenkaria ehuneko 60 izango da.

Bai. Eraldaketa digitalerako kenkariaren helburua da txikizkako merkataritzari buruzko epigrafeetan dauden pertsona fisikoek eta pertsona juridiko jakin batzuek TicketBAI kenkariak ezartzen duen zenbateko bereko kenkaria aplikatu ahal izatea. Horrekin lortu nahi da betebehar hori betetzeko egindako inbertsioengatik aplikatuko zuten kenkaria aurreratu ahal izatea, ekipamendu informatikoen erosketak, TicketBAI betebeharra ezarri eta betetzeko balio izateaz gain, eraldaketa digitalerako eta merkataritza elektronikoa ezartzeko balio duenean.

Hala ere, kenkari hori aplikatu duten zergadunek TicketBAI kenkaria aplikatu ahal izango dute betebeharra betetzeko behar den softwarea eta sinadura elektronikoa eskuratzeko edo harpidetzeko. Bi kenkarien zenbatekoaren muga berbera da, eta orokorra da; beraz, 2 kenkariak edo soilik TicketBAI kenkaria aplikatzeak ez du ez laguntzen, ezta zigortzen ere.

Are gehiago, eraldaketa digitalerako kenkaria bateragarria izanen da txikizkako merkataritzaren eraldaketa digitalerako kenkari areagotuarekin, TicketBai betebeharra 2021eko azaroaren 1a baino lehen borondatez betetzea sustatzeko, 4/2021 Foru Dekretu-Arauan ezarritakoaren arabera, zeinak 2/2021 Foru Dekretu-Arauaren 5.artikulua indargabetu zuen.

Bai, Foru Dekretuak -uztailaren 28ko 4/2021 Araua eta aurretik Foru Dekretu-Arauak- martxoaren 23ko 2/2021 Araua, COVID-19arekin lotutako ezohiko zerga-neurri osagarriei buruzkoa eta jarduera ekonomikoari berrekiten eta digitalizatzen laguntzekoa Kenkari handiagoa ezartzen du TicketBAI betebeharra borondatez betetzea sustatzeko, baldin eta borondatez aurreratzen badute TicketBAI betebeharra betetzea, gutxienez hilabete lehenago, data horretatik. Horrekin, egun horretatik aurrera oso-osorik bete beharko litzateke TicketBAI betebeharra.

Bai, pizgarri fiskalak egongo dira. Gipuzkoako Foru Aldundiko Ekonomia Sustapen, Turismo eta Landa Inguruneko Departamentutik datozenak, eta, beharbada, beste administrazio batzuetatik datozenak (Eusko Jaurlaritza, Udaletxeak….), sektore edo fakturazio maila batzuetarako. Ogasun Departamentuak beste erakunde batzuei helarazi die gai hori.

Bai.

Hala ere, TicketBAI kenkariaren oinarria kalkulatzeko, kenkarirako eskubidea ematen duten inbertsioak eta gastuak egiteko jasotako dirulaguntzei kenkari hori aplikatzen duen erakundeari aplikatu beharreko 100en eta karga-tasaren arteko aldeari dagokion ehunekoa aplikatzearen ondoriozko zenbatekoa deskontatu beharko da.

Kenkari horrek zerga-onurak handitzen ditu, baldin eta borondatez aurreratzen bada betebeharra nahitaez ezarri baino hilabete lehenago gutxienez bete behar dela. Horrela, 3/2020 Foru Arauan aurreikusitako kenkariak % 60ra arte igotzen dira. 4/2021 Foru Arauan arautua dago, zeinak indargabetu egin baitu 2/2021 Foru Dekretua, zeinaren arabera 2021eko azaroaren 1a baitzen kenketa areagotuaren onuradun izateko epemuga.

Adibidez: 2019an 45.000 euroko salmentak izan dituen zergaduna, TicketBAIri egokitutako fakturazio-programarekin ordenagailu berri batean 1.200 euroko inbertsioa egiten duena.

Kenkariaren oinarria 3 kopuruetatik txikiena da:

Bai. Baldin eta 5/2020 Foru Dekretu-Arauaren 15. artikuluan aurreikusitako txikizkako merkataritzaren eraldaketa digitalerako kenkaria aplikatu duten zergadunek, baldin eta nahitaez bete beharreko data baino hilabete lehenago gutxienez TicketBAI obligazioa borondatez betetzea aurreratzen badute, 2021eko, 2022ko edo/eta 2023ko ekitaldietan TicketBAI softwarea eta eskatutako sinadura softwarea erosteko egiten dituzten inbertsioengatik kenkari hori aplikatu ahal izango dute. Gainera, 2020ko ekitaldian egindako inbertsio eta gastuengatik, kenkari bat aplikatu ahal izango dute, “Eraldaketa digitalerako kenkari plus” moduan, ez ekitaldi horri dagokion autolikidazioan, ondoko lehen ekitaldiari dagokion autolikidazioan baizik, hau da, 2021ean.

Aurrerapena 2022an egiten bada, 2021ean aurkeztutako autolikidazioaren zuzenketa aurkeztuko da "eraldaketa digitaleko plus kenkaria" aplikatu ahal izateko.

Kasu horretan, zergadunek aurreko ekitaldian inbertsio eta gastu horiengatik sortutako kenkariaren zenbatekoari txikizkako merkataritzaren eraldaketa digitalerako kenkariari dagokiona deskontatu beharko diote.

2/2014 Foru Arauaren 83. artikuluaren arabera talde fiskala zergaduntzat hartzen da, baina talde fiskala osatzen duten entitateak ere banakako zerga-ordainketaren araubidetik eratorritako zerga-betebeharrak bete beharko dituzte, zerga-zorraren ordainketa izan ezik. Erakundea osatzen duten erakundeak dira, beraz, TicketBAI betebeharra bete behar dutenak. TicketBAI kenkariaren helburua TicketBAI betebeharraren ezarpena sustatzea da; beraz, talde fiskala osatzen duten entitateek dute TicketBAI kenkaria aplikatzeko eskubidea, bakoitzari dagozkion mugekin.

Bai, KTB Kenkariback TicketBAI kenkaria da, eta dagokion zergaren kanpainan kenkaria aurkeztu arte itxaron beharrik gabe aplikatzen da.

Egindako inbertsioaren datari dagokion urteko zergadunaren zerga pertsonalean aplikatuko litzatekeen kenkaria, KTB Kenkariback TicketBAI eredua aurkeztuz aurreratu daiteke. Horri esker, 2021eko azarotik kenkari hori itzultzeko eska daiteke, aurreko lau zergaldietan ordaindutako zerga pertsonalaren kargura.

https://www.gipuzkoa.eus/eu/web/ogasuna/-/ticketbai-se-ha-publicado-en-el-bog-el-decreto-foral-norma-5-2021

Diru-laguntza zerga-betebehar hori betetzeko bada, zenbatu egin daiteke.

Oro har digitalizazioa sustatzeko bada (adibidez, Gipuzkoako Foru Aldundiko Ekonomia Sustatzeko Sailaren laguntza), eta diru-laguntza jasotzeko inbertsioa justifikatzen duen faktura aurkeztearen baldintzapean ez badago, ez da zenbatuko.

Diru-laguntza bat jasotzen den kasuetan, kenkariaren oinarria kalkulatzeko, aipatutako inbertsioak eta gastuak egiteko jasotako diru-laguntzei kenkari hori aplikatzen duen erakundeari edo zergadunari aplikatu beharreko karga-tasaren eta 100en arteko aldeari dagokion ehunekoa aplikatzearen ondoriozko zenbatekoa kendu beharko da.

TicketBAI betebeharra ezartzeagatik eta txikizkako merkataritzaren eraldaketa digitalagatik aplikatzen diren kenkarien aurrerakin likidoa da.

Kenkaria likido bihurtzeko, zergadunek 2022. urtea aurreratu samar egon arte, edo 2023., 2024. urtera arte itxaron behar zuten, hau da, autolikidazioa aurkeztu arte. Gainera, ekitaldi horietan ezin bazuten kenkari osoa aprobetxatu kuota nahikoa ez izateagatik, hurrengo ekitaldietara itxaron behar zuten hura aplikatzeko.

Egoera hori gerta ez dadin, TicketBAI sistema borondatez ezartzeagatik kenkarirako eskubidea duten zergadunek KTB eredua aurkeztu dezakete eta dagokien itzulketa orain lortu.

Jarduera ekonomikoak garatzen dituzten PFEZaren zergadunek, SZren zergadunek eta establezimendu iraunkor bidez jarduten duten ez-egoiliarren errentaren gaineko zergaren zergadunek eskatu dezakete KTB aurrerakina, betiere TicketBAI betebeharra borondatez betetzea aukeratzen badute hura derrigorrezkoa izan baino lehen.

Adibidez: zergadun batek 2022ko irailaren 1ean hasi behar badu TicketBAI aplikatzen eta sistemara atxikitzen bada 2022ko abuztuaren 1a baino lehen, % 60ko kenkaria izango du; irailaren 1a baino lehen atxikitzen bada, berriz, % 30ekoa izango da kenkaria.
 

Bai. Zerga baterakuntzaren araubidean tributatzen duten zergadunen kasuan, talde fiskalaren entitate ordezkariari dagokio KTB kenkaria eskatzea.

Aurretik aurkeztutako zergaren autolikidazioetan sortu den baina aplikatu gabe dagoen kenkariaren zatia aurreratu daiteke.

Sozietateen gaineko zergan, azken lau ekitaldietako kuota efektiboen batura izango da itzuliko den gehieneko zenbatekoa.

PFEZean, bi muga izango ditu kenkariak:

• Azken lau zergaldietako bakoitzean jarduera ekonomikoengatik izandako etekinei kuota osoan dagokien zatia, zergaldi horiek aitortzeko epea aurrerakina lehen aldiz eskatu baino lehen amaitu bada.
  • Zenbateko hori kalkulatuko da ekitaldi bakoitzeko jarduera ekonomikoen etekin garbiari oinarri likidagarri orokorraren batez besteko karga tasa aplikatuta.
  • Zergadunak jarduera bat baino gehiago egiten baditu, tasa hori jarduera guztietako etekinen baturaren gainean aplikatuko da.
• Aurreko lau zergaldietako bakoitzean izan den kuota likidoaren zenbatekoa

TicketBAI betebeharra duen eta azaroaren 7ko 467/2017 Foru Aginduaren 9. artikuluaren arabera BIH betebeharraren mende dagoen zergadunak honela bete behar ditu obligazio horiek:
Egindako fakturen erregistro liburuan eman beharreko informazioari dagokionez, honela jokatu behar du abenduaren 29ko 1624/1992 Errege Dekretuaren bidez onetsitako Balio Erantsiaren gaineko Zergaren Erregelamenduaren 63. artikuluan jasotakoari jarraituz:
a)    TicketBAI obligazioa aplikagarri duten faktura guztietan, TicketBAIren araudian ezarritako moduan eta epeetan beteko du obligazio hori, eta, horretarako, abenduaren 23ko 521/2020 Foru Aginduaren bidez onetsitako I. eranskinean zehaztutako XML fitxategiko eremuak beteko ditu. TicketBAIren bidez igorritako datuek BIH sisteman datu berberak betetzen dituztela ulertuko da.
b)    BIH obligazioa betetzeko bete behar diren eremuak ez badira osatu TicketBAI betebeharra betetzean, Balio Erantsiaren gaineko Zergaren erregistro liburuak eramateari buruzko 47/2013 Foru Dekretuaren 36 ter artikuluan ezarritako epeetan beteko dira, bitarteko hauetako edozeinen bidez:
a´) Gipuzkoako Foru Aldundiaren egoitza elektronikoan zergadunaren esku jarriko den OsatuBAI web formularioan sartuz.
b´) Osatu fitxategia bidaliz, ekainaren 14ko 330/2022 Foru Aginduaren I. eranskinean arautzen diren «Osatu» zerbitzuaren beharkizunak, prozedura eta zehaztapen tekniko eta funtzionalak kontuan hartuta.

TicketBAI betebeharretik salbuetsitako fakturei dagozkien XML fitxategiak bidaltzeko, aintzat hartuko da balio erantsiaren gaineko zergaren erregistro liburuak Gipuzkoako Foru Aldundiaren egoitza elektronikoaren bidez nola eraman garatzen duten zehaztapen tekniko eta arauemaileak arautzen dituen azaroaren 7ko 467/2017 Foru Aginduak ezarritakoa, Zerga betebehar formal jakin batzuk garatzen dituen Erregelamenduak, abenduaren 17ko 47/2013 Foru Dekretuaren bidez onetsiak, 36 ter artikuluan araututako epeetan.
Inola ere ez da informazio bera bikoiztuta bidaliko bi bideetatik.

Jasotako fakturen erregistro liburuan, inbertsio ondasunen erregistro liburuan, Batasunaren barruko eragiketa jakin batzuen erregistro liburuan, eta jaulkitako fakturen erregistroei lotutako zerga-garrantzia duen urtero eman beharreko informazioari dagokionez, kontuan hartuko da azaroaren 7ko 467/2017 Foru Aginduak, balio erantsiaren gaineko zergaren erregistro liburuak Gipuzkoako Foru Aldundiaren egoitza elektronikoaren bidez nola eraman garatzen duten zehaztapen tekniko eta arauemaileak arautzen dituenak, xedatutakoa.

Ez.

Ez. Kutxa irizpidearen araubide berezira bilduta dauden subjektu pasiboek beren eragiketen kobrantzei buruz informatu behar badute, balio erantsiaren gaineko zergaren erregistro liburuak Gipuzkoako Foru Aldundiaren egoitza elektronikoaren bidez nola eraman garatzen duten zehaztapen tekniko eta arauemaileak arautzen dituen azaroaren 7ko 467/2017 Foru Aginduari jarraituko diote, Zerga betebehar formal jakin batzuk garatzen dituen Erregelamenduak, abenduaren 17ko 47/2013 Foru Dekretuaren bidez onetsiak, 36 ter artikuluan araututako epeetan.

Bai.

1. TicketBAI sistemaren betebeharretatik kanpo daude beren zergapetze pertsonalean salbuespen subjektiboa duten pertsonek. Hala, Sozietateen gaineko Zergaren Foru Arauak (SZFA) 12. artikuluko 1. apartatuan aipatzen dituen salbuetsitako erakundeak ez daude lotuta.

2. Modu berean, Irabazi asmorik gabeko entitateen zerga erregimenari eta mezenasgoaren aldeko zerga-pizgarriei buruzko apirilaren 7ko 3/2004 Foru Arauan jasotako irabazizko helbururik gabeko erakundeen erregimena aplikagarri zaien pertsonak salbuetsita daude, baita sozietateen gaineko zergari lotuta eta salbuetsi gabe egon daitezkeen errentengatik ere.

3. Halaber, SZFAren 12. artikuluko 2. apartatuan aipatzen diren partzialki salbuetsitako entitateak TicketBAI betebeharrari lotuta egongo dira soilik zerga-oinarrian integratu behar diren errentak dituzten eragiketengatik. Beraz, salbuespenaren onuragatik integratu behar ez diren errentak ere kanpoan geratzen dira. TicketBAI betebeharretik erabat salbuetsita egongo dira, baldin eta, diru-sarreren zenbatekoa eta ezaugarriak direla-eta, aurreko urtean Sozietateen gaineko Zergaren aitorpena aurkeztu behar izan ez badute.

4. TicketBAI betebeharra betetzetik kanpo geratzen dira balio erantsiaren gaineko zergaren nekazaritza, abeltzaintza eta arrantzaren araubide bereziaren baitan zergapetzen dutenak, faktura igortzeko betebeharra otsailaren 26ko 8/2013 Foru Dekretuak onartutako Fakturazioaren betebeharrak arautzen dituen Erregelamenduko 16. artikuluko 1. apartatuan aipatzen den ordainagiria igorriz betetzat ulertzen diren eragiketen kasuan.

5. Zerga pertsonalaren ondorioetarako ekonomia-jarduera bat garatzen ez dutelako TicketBAI sistemari lotuta ez dauden pertsona fisikoak, esate baterako, beren zergapetze pertsonalean higiezinen kapitalaren errendimenduak jasotzearen arabera zergapetzen duten higiezinen errentatzaileak.

6. Zergadunak TicketBAI betebeharra betetzetik kanpo geratuko dira jarraian zehazten diren eragiketekin lotuta:

a) Otsailaren 26ko 8/2013 Foru Dekretuaz onartutako Fakturazioaren betebeharrak arautzen dituen Erregelamenduko 5. artikuluan xedatutakoarekin bat etorriz, faktura igortzeko betebeharra eragiketaren hartzaile den pertsona edo erakundeak betetzen duenean materialki, betiere, azken horri ez bazaio eskagarri, Gipuzkoako lurralde historikoko zerga araudian aurreikusitako TicketBAI betebeharra edo Araba edo Bizkaiko lurralde historikoetan aurreikusitako TicketBAI betebeharraren antzekoa den betebehar bat.

b) Otsailaren 26ko 8/2013 Foru Dekretuaz onartutako Fakturazioaren betebeharrak arautzen dituen Erregelamenduko bigarren eta bosgarren xedapen gehigarrietan aipatzen direnak.

c) Atzerrian lekututa dauden establezimendu iraunkorren bidez egindako eragiketengatik faktura edo egiaztagiritan dokumentatzen diren eragiketak.

7. Aurretik interesdunak eskatuta, Ogasun Zuzendaritza Nagusiak kasu hauetan ebatzi ahal izango du TicketBAI obligazioa betetzearen salbuespena:

a) Enpresa sektoreei edo pertsona profesionalei edo enpresa jakin batzuei dagokienez, dena delako sektoreko praktika komertzial edo administratiboengatik justifikatuta gelditzen denean, edo enpresa edo lanbide jarduerak egitean nahasmenduak saihesteko.

b) Obligazio hori betetzea galarazten duten aparteko zirkunstantzia teknikoak hautematen zaizkien eragiketei dagokienez. Salbuespen hori aldi baterakoa izango da, eta hura aplikatzeko baldintza izango da eragiketa horiei dagokienez aipatutako obligazioak bete ahal izateko behar diren egokitzapenak egiteko konpromisoa hartzea; eta salbuespenaren ondorioak amaituko dira hura hartzea arrazoitu zuten apartek zirkunstantziak desagertzen direnean.

8. Ez da faktura egiteko obligaziorik izango, eragiketak Balio Erantsiaren gaineko Zergaren Legeak 20.Bat artikuluko 16. zenbakian eta 18. zenbakiko a) apartatutik n) apartatura bitartean zehaztutako zerbitzu prestazioak direnean, kasu hauetan izan ezik:

a) Aplikagarri zaizkien lokalizazio erregelen arabera, prestazio horiek zergaren aplikazio lurraldean edo Europar Batasuneko beste estatu batean egindakotzat jotzen direnean eta zergari lotuta eta ez-salbuetsita daudenean.

b) Aplikagarri zaizkien erregelen arabera, zergaren aplikazio lurraldean, Kanarietan, Ceutan edo Melillan egindakotzat jotzen direnean, zergari lotuta eta salbuetsita daudenean, eta aseguru edo kreditu entitateak ez diren enpresariek edo profesionalek lurralde horretan duten jarduera ekonomikoaren egoitza edo establezimendu iraunkorra erabilita egiten dituztenean, betiere enpresaburu edo profesional horiek hauetakoren bat izan gabe: aseguru entitateak, inbertsio kolektiboko erakundeen sozietate kudeatzaileak, pentsio funtsen entitate kudeatzaileak, titulizazio funtsak eta haien sozietate kudeatzaileak eta kreditu entitateak.

9. TicketBAI betebeharretik salbuetsita gelditzen dira pertsona fisikoen errentaren gaineko zergaren zergadun diren pertsona fisikoak, baldintza hauek betetzen badituzte:

a) 2021eko abenduaren 31n jarduera ekonomiko batean aritzea.

b) Egun horretan 60 urte edo gehiago izatea.

c) Derrigorrez elkargoko kide izatea eskatzen duen jarduera profesional bat egiten duten pertsona fisikoen kolektiboko kide ez izatea, eta Administrazioarekin harremanak bitarteko elektronikoen bidez izatera behartuta ez egotea, Administrazio Publikoen Administrazio Prozedura Erkidearen urriaren 1eko 39/2015 Legearen 14.2.c) artikuluan xedatutakoari jarraikiz.

d) 2021ean ez edukitzea besteren konturako langilerik kontratatuta. Beharkizun hori betetzen ez duten pertsona fisikoek abenduaren 22ko 32/2020 Foru Dekretuaren bidez onartutako TicketBAI betebeharra garatzen duen Erregelamenduaren 6.1 artikuluaren a) letran aipatzen den salbuespena eskatu ahal izango dute, betiere bertan jasotako zirkunstantziak justifikatzen badira.

10. Erregelamenduz zehazten diren bestelakoak.

TicketBAI betebeharretik salbuetsita geldituko dira PFEZren zergadun diren pertsona fisikoak, baldintza hauek betetzen badituzte:

• 2021eko abenduaren 31n jarduera ekonomiko batean aritzea eta 60 urte edo gehiago izatea.
• Derrigorrez elkargoko kide izatea eskatzen duen jarduera profesional bat egiteagatik, Administrazioarekiko harremanak bide elektronikoen bitartez izan behar dituzten pertsona fisikoen kolektibokoa ez izatea.
• 2021ean besteren konturako langilerik kontratatuta ez izatea. Jardueraren titularrarekin ahaidetasun harreman bat duten pertsonek harekin lan egiten badute eta autonomo laguntzaile gisa ageri badaitezke ordenamenduaren beste adar batzuetan, langiletzat hartuko dira baldin eta titularrak jardueraren gastu gisa sartu badu ordaindu dien soldata bere errenta aitorpenetan.

• Salbuespena ezin izango da egin lanaldi partzialeko kontratazioa denean edo kontratazioa aldi baterakoa izan denean borondatezko arrazoiengatik, hala nola zaindariaren jaiak ospatzea edo Eguberrietako edo udako errefortzua jartzea.
• Besteren konturako langileren bat kontratatu den kasuetan bakarrik eman daiteke salbuespena, betiere kontratazio hori aldi baterakoa izan bada eta bat-bateko, ustekabeko eta nahi gabeko arrazoi edo kausarengatik. Zehazki, halakotzat hartuko da TicketBAI betebeharraren titularrari dagokionez gaixotasunagatik edo istripuagatik baja hartzearekin batera gertatzen denean, edo ezinbesteko arrazoiengatik, hala nola konfinamenduarengatik, mugak ixtearen ondorioz bidaiarik ez itzultzeagatik eta abar.
• Salbuesteko arrazoi hori dagoela egiaztatzeko, kontuan hartuko da, batez ere, bi egoeren iraupena eta datak bat etortzea; bi horiek behar bezala egiaztatuta egon beharko dira.

Adina edozein dela ere, salbuespena eman ahal izango da desgaitasun fisiko, psikiko edo sentsorial jakin batzuk antzematen direnean, edo, bestela, mendekotasuna duten pertsonak direnean, baldin eta, TicketBAI ezartzeagatik, fakturatzeko modua eta ohitura nabarmen aldatzen bazaie, bai ad hoc fakturazio sistema bat edo sistema berezi bat izan behar dutelako, beren desgaitasunari bereziki egokitua, bai aldez aurretik fakturazioa egiteko salbuespena onartuta dutelako.

Elkargoko kide egin beharra dagoenean, salbuesteko eskaera ukatu egingo da beste arrazoi gehigarririk ez badago. Horrelako kasuetan, ez da arrakala digitalik ikusten, Administrazio Publikoen Administrazio Prozedura Erkidearen urriaren 1eko 39/2015 Legearen 14. artikuluaren arabera Zerga Administrazioarekin harreman telematikoak izateko betebeharra duten pertsonak edo entitateak baitira.

Jarduera pertsona juridiko baten bidez egiten denean, pertsona bakarrekoa izan ala ez, ez dago salbuesteko eskubiderik, Administrazioarekin harremana izan behar denean ez baita ikusten arrakala digitalik dagoenik.

Adinagatik salbuespena jasotzeko irizpideak aplikatuko dira, halaber, jarduera establezimendu iraunkor baten bidez egiten duen pertsona fisiko batek egiten duenean eskaera, nahiz eta ez-egoiliarren errentaren gaineko zergaren subjektu pasiboa izan, baldin eta salbuespenerako eskubidea izan badu pertsona fisikoen errentaren gaineko zergan eskatzen diren baldintza guztiak betetzeagatik, eta ez-egoiliarra izatea bada bizilekuagatik diskriminazioa saihesteko salbuespen hori ematea eragozten duen arrazoi bakarra.

Jarduera establezimendu iraunkorrik gabe egiten baduzu, ez duzu TicketBAI bete beharrik.

Balio erantsiaren gaineko zergaren nekazaritza, abeltzaintza eta arrantzaren araubide berezian tributatzen duten pertsona fisikoak salbuetsita geratuko dira TicketBAI betebeharretik, beren eragiketengatik jaulki beharreko faktura egiteko obligazioa otsailaren 26ko 8/2013 Foru Dekretuaren bidez onetsitako Fakturazio Erregelamenduko 16.1 artikuluan aipatzen den ordainagiriarekin betetzen dela jotzen bada.

Zerga pertsonalaren ondorioetarako jarduera ekonomikorik egiten ez duten pertsona fisikoak TicketBAI betebeharretik salbuetsita daude. Kasu horretan daude, esate baterako, higiezinen errentatzaileak, zergapetze pertsonalean kapital higiezinaren etekin gisa tributatzen baitute.

Beren zergapetze pertsonalean salbuespen subjektiboaz gozatzen duten pertsonak daude TicketBAI betebeharretik salbuetsita. Hala, Sozietateen gaineko Zergari buruzko Foru Arauaren 12. artikuluko 1. apartatuan aipatzen diren entitate salbuetsiak ez daude obligazio honen mende.

Irabazi-asmorik gabeko entitateen zerga erregimenari eta mezenasgoaren aldeko zerga-pizgarriei buruzko apirilaren 7ko 3/2004 Foru Arauan aurreikusitako araubidea aplikagarri duten pertsonak daude TicketBAI obligaziotik salbuetsita, baita sozietateen gaineko zergari lotuta eta ez-salbuetsita egon daitezkeen errentengatik ere.

SZFAren 12. artikuluko 2. apartatuaren arabera partzialki salbuetsita dauden entitateek errentak zerga oinarrian integratu beharra dakarten eragiketengatik bakarrik egongo dira TicketBAI betebeharrari lotuta. Hortaz, zergatik salbuetsita egoteagatik zerga oinarrian sartu behar ez diren errentak obligaziotik kanpo geratzen dira.

Era berean, zergadunak TicketBAI betebeharretik erabat salbuetsita egongo dira, baldin eta, diru-sarreren zenbatekoa eta ezaugarriak direla-eta, azken aurreko urtean sozietateen gaineko zergaren aitorpena aurkeztu behar izan ez badute.
 

Zergadunak TicketBAI obligaziotik salbuetsita egongo dira faktura egiteko obligazioa materialki eragiketaren hartzaileak betetzen duen eragiketei dagokienez, baldin eta hartzaile den pertsona edo entitate horri ez bazaio exijitzen betetzea Gipuzkoako Lurralde Historikoko zerga araudian aurreikusitako TicketBAI betebeharra edo Araban edo Bizkaian aurreikusita dagoen antzeko beste obligazio bat.

Ogasun Zuzendaritza Nagusiak honako kasuotan ebatzi ahal izango du, interesdunak aurrez eskatuta, TicketBAI obligazioa betetzetik salbuestea:

• Enpresa sektoreei, pertsona profesionalei edo enpresa jakin batzuei dagokienez, dena delako sektoreko praktika komertzial edo administratiboek justifikatzen dutenean edo obligazioak enpresa edo lanbide jardueren garapena oztopatu dezakeenean.
• Eragiketetan antzematen diren zirkunstantzia tekniko bereziengatik obligazioa betetzea ezinezkoa denean. Salbuespen hori aldi baterakoa izango da, eta hura aplikatzeko ezinbesteko baldintza izango da konpromisoa hartzea behar diren egokitzapenak egingo direla eragiketa horiekin lotutako obligazioak bete ahal izateko; salbuespenaren ondorioak amaituko dira hura emateko aintzat hartu ziren aparteko zirkunstantziak desagertzen direnean.
   

TicketBAI obligaziotik salbuesteko kasuei buruzko informazioa zabaltzeko, klikatu hemen:

• 32/2020 FD, TicketBAI Erregelamendua (PDFa)

Aldi baterako salbuespen partzial bat ematen da, 5 urtekoa, TicketBAI obligazioaren alderdi jakin batzuk bete beharrekoak diren egunetik aurrera, tabakoaren salmenta puntu errekargudun gisa baimendutako zergapekoek edo edozein produktu saltzeko makinak dituztenek egindako eragiketa lagungarri eta osagarrietarako, betiere Ogasuneko zuzendariak 2022ko azaroaren 21eko Ebazpenean ezarritako beharkizunak betez gero.

TicketBAI obligazioa betetzeko, Zerga Administrazioari TicketBAI altako fitxategi bat bidali behar zaio makina bakoitzeko, eta fitxategi horrek barruan jaso behar ditu datuen azken erauzketatik edo kontagailuaren edo baliokidearen azken irakurketatik makina horrekin egindako eragiketa guztiak. Fitxategi hori gutxienez hilean behin bidaliko da.

Ikusi Ebazpena:

https://www.gipuzkoa.eus/eu/web/ogasuna/tickectbai/salbuespenak
 

Zerga arloko arau-hauste hauek bereizten dira:

• Eragiketak fakturatzeko prozesuan TicketBAI motako software informatiko bat erabiltzeko betebeharra ez betetzea.
• Eragiketak fakturatzeko erabiltzen den sistema informatikoa, softwarea, artxiboak edo fitxategi informatikoak suntsitu, ezabatu edo manipulatzea.

FAQ hauen 19.2 puntuan deskribatutako arau-hausteetan zehapen hauek aplikatzen dira:

• a) Behar bezala inskribatutako TicketBAI softwarea erabiltzen ez bada, aurreko ekitaldiko negozio zifraren % 20ko diruzko isun proportzionala, eta, gutxienez, 20.000 euro.

Arau-haustea errepikatuz gero, diruzko isun proportzionala aurreko ekitaldiko negozio-zifraren % 30ekoa izango da, eta, gutxienez, 30.000 eurokoa.

• b) Ez-betetzea puntuala denean, 2.000 euroko diruzko isun finkoa ezarriko da eragiketa bakoitzeko. Baturak ez du inoiz gaindituko aurreko a) puntuko zifra. Arau-haustea errepikatuz gero, aurreko ekitaldiko negozio zifraren % 20ko diruzko isun proportzionala ezarriko da, eta, gutxienez, 20.000 euro.

• Arau-haustea etorri bada fakturaziorako erabilitako sistema informatikoa, softwarea, artxiboak edo fitxategi informatikoak suntsitu, ezabatu edo manipulatzeagatik, zehapena aurreko ekitaldiko negozio zifraren % 20ko diruzko isun proportzionala izango da, eta, gutxienez 40.000 euro.

Arau-haustea errepikatuz gero, aurreko ekitaldiko negozio zifraren % 30eko diruzko isun proportzionala ezarriko da, eta, gutxienez, 60.000 euro.

• Prozesuan softwarearen garatzaileak edo TicketBAIra behartutakoa ez den beste pertsona batek esku hartzen badu, 40.000 euroko diruzko isun finkoa ezarriko zaie guztiei. Arau-haustea errepikatuz gero, isuna 60.000 eurokoa izango da.
• Softwarea zergadunak garatu eta arau-haustea berak egin duenean, aurreko ekitaldiko negozio zifraren % 20ko diruzko isun proportzionala ezarriko da, eta, gutxienez, 40.000 euro.

Eskaneatu zure faktura edo tiketaren QR kodea mugikorraren kamerarekin; emaitza erakusten dizun pantailak mezu gorri bat ageri badu, horrek esan nahi du QR ez dela zuzena. Kasu horretan, faktura edo tiket osoaren argazki bat bidali behar diguzu, aztertu ahal izateko.

Tiketak ez badu QRrik edo TBAI identifikatzailerik, faktura edo tiket osoaren argazki bat bidali, aztertu ahal izan dezagun.

https://www.gipuzkoa.eus/eu/web/ogasuna/ticketbai/qr-kontsulta
 

Martxoaren 9ko 113/2017 Foru Aginduak, iruzur fiskaleko salaketen tratamendua aldatzen duenak, iruzur fiskaleko salaketen tramitazioa arautzen du. Hain zuzen ere, faktura edo tiketa ez jaulkitzea edo ez ematea izango litzateke iruzur mota bat. Gertubideko esteka honetan klikatu dezakezu iruzur fiskaleko salaketa aurkezteko:

Gipuzkoa.net | Gertubide

Faktura zuzentzaileak hiru motatakoak izan daitezke:

• Faktura zuzentzailea, diferentziengatik: zuzenketaren zenbatekoa jasotzen du zuzenean, haren zeinua edozein dela ere.
• Urrats batean ordezteko faktura zuzentzailea: zenbatekoak jasotzen ditu zuzenketa egin ondoren geratzen diren bezalaxe, eta zuzendutako fakturaren zenbatekoa ere adierazten du. Datu guztiak fakturra zuzentzaile bakar batean jasotzen dira.
• Bi urratsetan ordezteko faktura zuzentzailea: zenbatekoak jasotzen ditu zuzenketa egin ondoren geratzen diren bezalaxe, eta zuzendutakoaren zenbatekoa ere adierazten du. 

Bi faktura jaulkitzen dira:

• Faktura arrunt bat, zuzendutako fakturaren zenbateko berberak kontrako zeinuarekin jasotzen dituena.
• Bigarren faktura zuzentzaile bat, aurrekoa ordezten duena. Bigarren faktura zuzentzaile horretan, oinarrian eta kuotan eragiketaren behin betiko datuak adieraziko dira, eta zuzendutako oinarrian eta kuotan 0 jarriko da.

Erroreekin egindako fakturei dagokienez, jarraian zenbait pauta ematen ditugu akats horiek zuzentzeko, BEZaren zerrendak eta Zerga Administrazio honek eskura jartzen dituen zerbitzuak kaltetu gabe.

Hurrengo adibideetan, ikusgai jartzen ditugu faktura zuzentzaileen hiru modalitateak, eta fakturen kontsultatik deskarga daitekeen Excel fitxategian horiek nola bistaratzen diren ere erakusten dugu («BEZerako zerrenda"):

1. adibidea: Zerga oinarria murriztea

21, 23 eta 24 zenbakia duten TB-2023-F fakturak (1.000 euroko zerga oinarria eta 210 euroko kuota, guztietan), zuzendu egin behar dira. Zuzenketa horretan 200 euro murriztu behar da zerga oinarria, geroago izandako deskontu batengatik.

Zein modalitate aukeratzen den, eta informazioa modu desberdin batean bistaratuko da «BEZerako zerrenda» botoitik deskargatzen den Excelean; kasu guztietan, kalkuluak emaitza hau du: 800 euroko zerga oinarria da eta 168 euroko kuota. 

1. kasua: Faktura zuzentzailea, diferentziengatik

Zerga oinarriaren eta oinarri aldatuaren batura 800 €-koa da. Era berean, kuota jasanaraziaren eta kuota aldatuaren batura 168 €-koa da.

2. kasua: Urrats batean ordezteko faktura zuzentzailea

Urrats batean ordezteko faktura zuzentzailea bi lerrotan agertzen da: lehenengoan, azken zenbatekoa adierazten da (800 euroko oinarri aldatua eta 168 euroko BEZ aldatua), eta bigarrenean, zuzendutako oinarria eta kuota. Azken horien zenbatekoa bat dator jatorrizko fakturaren zenbatekoarekin, baina kontrako zeinua dute (1.000 euroko zerga oinarria eta 210 euroko kuota jasanarazia).

3. kasua: Bi urratsetan ordezteko faktura zuzentzailea.

 

Kasu honetan, F1 motako bi faktura daude:  bata zeinu positiboarekin eta bestea zeinu negatiboarekin, zenbateko berberagatik. 

Faktura zuzentzaileak ere bi lerro hartzen ditu:  lehenengoan, azken zenbatekoa bistaratzen da, eta bigarrenean, zuzendu beharreko oinarria eta kuota (bi urratsetan ordezteko faktura zuzentzaileen kasuan, aldatutako oinarria eta kuota jasanarazia 0 dira, lehenengo jaulkitakoak faktura ordeztuaren zenbatekoa murriztu baitu hura deuseztatu arte –25. zenbakia–).

2. adibidea: Faktura zuzentzailea, jatorrizko faktura erroreekin jaso denean.

28. zenbakia duen TB-2023-F faktura (1.000 €-ko zerga oinarria eta 0 €-ko kuota) erroreekin jaso da: adierazi da eragiketa salbuetsita dagoela Balio Erantsiaren gaineko Zergari buruzko Legearen 20. artikuluaren arabera eta, hala ere, fakturaren zenbateko osoa 1.210 €-koa dela jarri da). 

«BEZaren zerrenda» Excel fitxategian ondoren ageri den eran bistaratzen da (hondo gorriarekin, akatsak dituelako, eta ezein baliorik jarri gabe, ez baita konputatzen):

 

Faktura zuzentzailea errore hori zuzentzeko egiten da, eta, horretarako, kuota jasanarazia ezabatzen da.

Errorea zuzentzeko zein motatako faktura zuzentzaile aukeratzen den, eta informazioa modu desberdin batean bistaratuko da «BEZerako zerrenda» botoitik deskargatzen den Excelean. 

1. kasua: Faktura zuzentzailea, diferentziengatik

Faktura bat erroreekin jaso bada eta konputatu gabe badago, ez da gomendatzen faktura zuzentzaile bat egitea diferentziengatik; izan ere, diferentzia ezin denez kalkulatu oinarrizko zenbateko baten gainean, gerora egingo diren  likidazio zirriborroek erroreak izan ditzakete, eta zergadunek horiek zuzendu beharko dituzte likidazioa bidali aurretik.

2. kasua: Urrats batean ordezteko faktura zuzentzailea

«BEZaren zerrenda» excelean honela bistaratzen da:

 

Bigarren lerroan oinarri eta kuota zuzenak adierazten dira, eta hirugarren lerroan, berriz, adierazten da zuzendutako oinarria eta zuzendutako kuota 0 € direla, zuzendu beharreko fakturan (28 zenbakidunean) ez delako inolako baliorik erregistratu (28. faktura jaso da, baina erroreak ditu). 

Laburbilduz:

• Jatorrizko faktura, 28 zenbakiduna, jaso egin da, baina erroreak dituenez, lerroan zuriune bat dago.
• Beraz, faktura zuzentzailean, oinarri eta kuota zuzenduak 0 izango dira.

3. kasua: Bi urratsetan ordezteko faktura zuzentzailea

Nahiz eta posible izan egiten den lehen faktura arruntak ordeztutako fakturaren kontrako zeinua edukitzea, aintzat hartuta ordeztutako fakturan jasotako zerga oinarria eta kuota ez direla konputatu (hau da, 0 balioa erregistratu dela), ordezko fakturak ere 0 balioa erregistratu beharko luke. 

Hitz gutxitan esanda, faktura zuzentzaile mota hau hautatuz gero, lehenago jaulkitakoak, hau da, zuzendutako fakturaren kontrako zeinua daukanak, jatorrizko fakturaren akatsak ere errepikatu beharko ditu.

Bigarren faktura, zuzentzailea, 2. kasukoaren berdina izango litzateke. 
 

Faktura zuzentzailea jaulki beharra dago fakturan akats material bat egiten denean (hau da, Fakturazio Erregelamenduko 6. edo 7. artikuluan ezarritako baldintzetako bat fakturan betetzen ez denean), bertan zuzenbidezko akats oinarridun bat dagoenean, jasanarazitako kuota gaizki kalkulatu denean, edo zerga oinarria aldatzera behartzen duten zirkunstantzietako bat gertatzen denean (BEZaren Legeko 80. art).

Faktura zuzentzaileen TicketBAI fitxategiek eremu hauek eduki behar dituzte:

• «Faktura zuzentzailea»: “S”
• «Kodea»: balio hauek izan ditzake:
  R1: zuzenbidezko akats oinarriduna dela eta egindako faktura zuzentzailea, BEZaren Legearen 80.1, 80.2 eta 80.6 artikuluak.
  R2: BEZaren Legearen 80.3 artikuluko faktura zuzentzailea.
  R3: BEZaren Legearen 80.4 artikuluko faktura zuzentzailea.
  R4: faktura zuzentzailea: gainerakoak.
  R5: faktura zuzentzailea faktura sinplifikatuetan
• «Mota» Bi balio har ditzake:
  “S”: Ordezpen faktura
  «I»: Diferentzien faktura
• «Ordeztutako faktura zuzenduaren IDa»: Faktura zuzenduak 100 izan daitezke gehienez. 
• Zer faktura edo fakturak zuzentzen ari diren argi identifikatzeko, eremu hauek bete behar dira nahitaez:
  «FakturaZk»: Faktura zenbakia adieraziko da.
  «Fakturaren jaulkipen data»: Fakturaren jaulkipen data adieraziko da.
• Nahi bada, informazio hau ere eman daiteke:
  «FakturaSeriea»: Serie zenbakia adieraziko da.

Faktura zuzentzailea aurreko bat ordezteko egiten bada, eremu hauek ere adierazi beharko dira «OrdeztekoZuzenketarenZenbatekoa» apartatuan:

• «ZuzendutakoOinarria»: jatorrizko fakturaren (ordeztuaren) zerga oinarria. Jatorrizko faktura erroreekin jaso bada, balioa 0 € izango da.
• «ZuzendutakoKuota»: jatorrizko fakturaren kuota jasanarazia. Jatorrizko faktura erroreekin jaso bada, balioa 0 € izango da.

Gainera, jatorrizko fakturak baliokidetasun errekargua badakar, eremu hau ere adierazi beharko da «OrdeztekoZuzenketarenZenbatekoa» apartatuan:

• «ErrekarguarenKuotaZuzendua»: jatorrizko fakturaren baliokidetasun errekarguaren kuota.

Fakturari buruz informatzeko, fakturari dagokion gako mota adierazi behar da  “R1”, “R2”, “R3” edo “R4” gakoen artean aukeratuz. Faktura sinplifikatu bat zuzentzen bada, gakoa «R5» izango da.

Bi zenbateko adierazi behar dira: zenbateko zuzena (zerga oinarria, BEZ jasanarazia eta baliokidetasun errekargua, halakorik bada), eta ordezten den fakturan (jatorrizkoan) kontsignatutako zenbatekoa:

• Zerga oinarri zuzendua
• Kuota zuzendua
• Baldin badago, errekarguaren kuota zuzendua 

Jatorrizko faktura erroreekin jaso bada, ordeztu beharreko zerga oinarriaren, kuota jasanaraziaren eta, baldin badago, baliokidetasun errekarguaren zenbatekoa 0 € izango da.

1. adibidea: Zerga oinarria murriztea

1/202X faktura, zeinaren zerga oinarria 1.000 €-koa baita eta 210 €-ko kuota baitu du, zuzendu egin beharra dago. Zuzenketa horretan 200 euro murriztu behar da zerga oinarria, geroago izandako deskontu batengatik.

1. modalitatea: Urrats batean ordezteko faktura zuzentzailea

Ordezpenak 800 €-ko zerga-oinarria eta 168 €-ko kuota dituen faktura zuzentzaile bat egitea ekarriko luke. Faktura horretan adierazi beharko da «zerga oinarri zuzendua» 1.000 eurokoa dela eta «kuota zuzendua» 210 eurokoa. 

TicketBAI fitxategian informazio hau jaso beharko da:

• Faktura zenbakia: Rx/202X
• Faktura mota: R1
• Zuzenketa mota: S
• Zuzenketaren zenbatekoa:  bi eremu gehiago beteko dira: «oinarri zuzendua» (1.000 €) eta «kuota zuzendua» (210 €).
• Zenbateko osoa: amaierako zenbateko balioduna, hau da, 968 €. 
• BEZaren banakapena: «zerga oinarria» 800 €-koa da eta «kuota jasanarazia» 168 €-koa.

2. modalitatea: Bi urratsetan ordezteko faktura zuzentzailea

Ordezpenak bi faktura egitea ekarriko luke:

Lehenengo fakturan, abonukoan, eremu eta gako hauek bete behar dira fitxategian:

• Faktura zenbakia: 2/202X
• Faktura mota: F1
• BEZaren banakapena: zuzentzen den zenbatekoa adieraziko da kontrako zeinuarekin, hau da, -1.000 €-ko «zerga oinarria» eta -210 €-ko «kuota jasanarazia».

Bigarren fakturan, zuzentzailean, eremu eta gako hauek beteko dira TicketBAI fitxategian:

• Faktura zenbakia: Rx/202X
• Faktura mota: R1 
• Zuzenketa mota: S
• Zuzenketaren zenbatekoa:  bi eremu gehiago beteko dira: «oinarri zuzendua» eta «kuota zuzendua». Horietan 0 jarriko da.
• Faktura zuzendua: adierazi behar da zer faktura zuzendu den. Gainera, gomendatzen da adieraztea zer fakturak daukan, ordezko faktura egin aurretik, zenbateko negatiboa. 

Kasu horretan, 1/202X eta 2/202X fakturak izango lirateke.

• Zenbateko osoa: amaierako zenbateko balioduna, hau da, 968 €. 
• BEZaren banakapena: «zerga oinarria» 800 €-koa da eta «kuota jasanarazia» 168 €-koa.
   

2. adibidea: Zerga oinarria handitzea

3/202X faktura, zeinaren zerga oinarria 1.000 €-koa baita eta 210 €-ko kuota baitu du, zuzendu egin beharra dago. Zuzenketa horretan 200 euro handitu behar da zerga oinarria, zuzenbideko akats oinarridun baten ondorioz (BEZaren Legearen 80.Bis art.).

1. modalitatea: Urrats batean ordezteko faktura zuzentzailea

Ordezpenak 1.200 €-ko zerga-oinarria eta 252 €-ko kuota dituen faktura zuzentzaile bat egitea ekarriko luke. Faktura horretan adierazi beharko da «zerga oinarri zuzendua» 1.000 eurokoa dela eta «kuota zuzendua» 210 eurokoa.

TicketBAI fitxategian informazio hau jaso beharko da:

• Faktura zenbakia: Rx/202X
• Faktura mota: R1
• Zuzenketa mota: S
• Zuzenketaren zenbatekoa:  bi eremu gehiago beteko dira: «oinarri zuzendua» (1.000 €) eta «kuota zuzendua» (210 €).
• Zenbateko osoa: amaierako zenbateko balioduna, hau da, 1.452 €. 
• BEZaren banakapena: «zerga oinarria» 1.200 €-koa da eta «kuota jasanarazia» 252 €-koa.

2. modalitatea: Bi urratsetan ordezteko faktura zuzentzailea

Ordezpenak bi faktura egitea ekarriko luke:

Lehenengo fakturan, eremu eta gako hauek bete behar dira TicketBAI fitxategian:

• Faktura zenbakia: 4/202X
• Faktura mota: F1
• BEZaren banakapena: zuzentzen den zenbatekoa adieraziko da kontrako zeinuarekin, hau da, -1.000 €-ko «zerga oinarria» edo -210 €-ko «kuota jasanarazia».

Bigarren fakturan, eremu eta gako hauek beteko dira TicketBAI fitxategian:

• Faktura zenbakia: RX/202X
• Faktura mota: R1
• Zuzenketa mota: S
• Zuzenketaren zenbatekoa:  bi eremu gehiago beteko dira: «oinarri zuzendua» eta «kuota zuzendua». Horietan 0 jarriko da.
• Faktura zuzendua: adierazi behar da zer faktura zuzendu den. Gainera, gomendatzen da adieraztea zer fakturak daukan, ordezko faktura egin aurretik, zenbateko negatiboa. 

Kasu horretan, 3/202X eta 4/202X fakturak izango lirateke.

• Zenbateko osoa: amaierako zenbateko balioduna, hau da, 1.452 €.
• BEZaren banakapena: «zerga oinarria» 1.200 €-koa da eta «kuota jasanarazia» 252 €-koa. 
   

3. adibidea: Zerga oinarria murriztea, ordainketa ezagatik (BEZ Legearen 80.art.)

5/202X faktura, zeinaren zerga oinarria 1.000 eurokoa baita eta 210 euroko kuota baitu, zuzendu egingo da ordainketa ezagatik, eta kuota jasanarazia osorik ezabatuko da.

1. modalitatea: Urrats batean ordezteko faktura zuzentzailea

Ordezpenak 1.000 €-ko zerga oinarria eta 0 €-ko kuota dituen faktura zuzentzaile bat egitea ekarriko luke. Faktura horretan adierazi beharko da «zerga oinarri zuzendua» 1.000 eurokoa dela eta «kuota zuzendua» 210 eurokoa.

TicketBAI fitxategian informazio hau jaso beharko da:

• Faktura zenbakia: RX/202X
• Faktura mota: R3
• Zuzenketa mota: S
• Zuzenketaren zenbatekoa:  bi eremu gehiago beteko dira: «oinarri zuzendua» (1.000 €) eta «kuota zuzendua» (210 €).
• Zenbateko osoa: amaierako zenbateko balioduna, hau da, 1.000 €. 
• BEZaren banakapena: «zerga oinarria» 1.000 €-koa da eta «kuota jasanarazia» 0 €-koa.

2. modalitatea: Bi urratsetan ordezteko faktura zuzentzailea

Ordezpenak bi faktura egitea ekarriko luke:

Lehenengo fakturan, eremu eta gako hauek bete behar dira TicketBAI fitxategian:

• Faktura zenbakia: 6/202X
• Faktura mota: F1
• BEZaren banakapena: zuzentzen den zenbatekoa adieraziko da kontrako zeinuarekin, hau da, -1.000 €-ko «zerga oinarria» edo -210 €-ko «kuota jasanarazia».

Bigarren fakturan, eremu eta gako hauek beteko dira TicketBAI fitxategian:

• Faktura zenbakia: RX/202X
• Faktura mota: R3 
• Zuzenketa mota: S
• Zuzenketaren zenbatekoa:  bi eremu gehiago beteko dira: «oinarri zuzendua» eta «kuota zuzendua». Horietan 0 jarriko da.
• Faktura zuzendua: adierazi behar da zer faktura zuzendu den. Gainera, gomendatzen da adieraztea zer fakturak daukan, ordezko faktura egin aurretik, zenbateko negatiboa. 

Kasu horretan, 5/202X eta 6/202X fakturak izango lirateke.

• Zenbateko osoa: amaierako zenbateko balioduna, hau da, 1.000 €. 
• BEZaren banakapena: «zerga oinarria» 1.000 €-koa da eta «kuota jasanarazia» 0 €-koa.

Faktura ez-zuzentzaileak ordezteko egiten diren zuzentzaileetan bezala bete behar dira eremuak.

1. adibidea: Aurretiazko faktura zuzentzaile baten zuzenketa: zerga oinarria handitzea.

R1/202X faktura, -1.000 euroko zerga oinarria eta -210 euroko kuota dituena, zuzendu egin behar da. 

Zuzenketa horretan 200 € handitu behar da zerga oinarria, R1/200X faktura zuzentzailea egitean bi zenbateko hauek jaso behar zirelako: -800 €-ko zerga oinarria eta -168 €-ko kuota.

1. modalitatea: Urrats batean ordezteko faktura zuzentzailea

Ordezpenak -800 €-ko zerga oinarria eta 168 €-ko kuota dituen faktura zuzentzaile bat egitea ekarriko luke, non adierazi beharko baita egindako zuzenketa -1.000 €-koa dela zerga oinarri zuzenduagatik eta -210 €-koa kuota zuzenduagatik.

TicketBAI fitxategian informazio hau jaso beharko da:

• Faktura zenbakia: RECT1/202X
• Faktura mota: R1/R2/R3 edo R4
• Zuzenketa mota: S
• Zuzenketaren zenbatekoa:  bi eremu gehiago beteko dira: «oinarri zuzendua» (-1.000 €) eta «kuota zuzendua» (-210 €).  
• Zenbateko osoa: amaierako zenbateko balioduna, hau da, -968 €.
• BEZaren banakapena:  «zerga oinarria» -800 €-koa da eta «kuota jasanarazia» -168 €-koa.

2. modalitatea: Bi urratsetan ordezteko faktura zuzentzailea

Ordezpenak bi faktura egitea ekarriko luke:

Lehenengo fakturan, eremu eta gako hauek bete behar dira TicketBAI fitxategian:

• Faktura zenbakia: 7/202X
• Faktura mota: F1
• BEZaren banakapena: zuzentzen den zenbatekoa adieraziko da kontrako zeinuarekin, hau da, «zerga oinarria» 1.000 €-koa izango litzateke eta «kuota jasanarazia» 210 €-koa.

Bigarren fakturan, eremu eta gako hauek beteko dira TicketBAI fitxategian:

• Faktura zenbakia: RECT2/202X
• Faktura mota: R4 
• Zuzenketa mota: S
• Zuzenketaren zenbatekoa:  bi eremu gehiago beteko dira: «oinarri zuzendua» eta «kuota zuzendua». Horietan 0 jarriko da.
• Faktura zuzendua: adierazi behar da zer faktura zuzendu den. Gainera, gomendatzen da adieraztea zer faktura jaulki den lehenengo, bi urratsetako modalitatea delako (jatorrizko fakturaren kontrako zeinua duena). 
  Kasu horretan, R1/202X eta //202X fakturak izango lirateke.
• Zenbateko osoa: amaierako zenbateko balioduna, hau da, -968 €. 
• BEZaren banakapena: «zerga oinarria» -800 €-koa da eta «kuota jasanarazia» -168 €-koa.

2. adibidea: Aurretiazko faktura zuzentzailearen zuzenketa: zerga oinarria murriztea.

R2/202X faktura, -1.000 euroko zerga oinarria eta -210 euroko kuota dituena, zuzendu egin behar da. 

Zuzenketa horretan 200 euro murriztu behar da zerga oinarria, R2/202X faktura zuzentzailea egitean bi zenbateko hauek jaso behar zirelako: -1.200 €-ko zerga oinarria eta -252 €-ko kuota, gerora izandako deskontu batengatik.

1. modalitatea: Urrats batean ordezteko faktura zuzentzailea

Ordezpenak -1.200 €-ko zerga oinarria eta -252 €-ko kuota dituen faktura zuzentzaile berri bat egitea ekarriko luke. Faktura horretan adierazi beharko da «zerga oinarri zuzendua» -1.000 eurokoa dela eta «kuota zuzendua» -210 eurokoa.  

TicketBAI fitxategian informazio hau jaso beharko da:

• Faktura zenbakia: RECT3/202X
• Faktura mota: R1 
• Zuzenketa mota: S
• Zuzenketaren zenbatekoa:  bi eremu gehiago beteko dira: «oinarri zuzendua» (-1.000 €) eta «kuota zuzendua» (-210 €).   
• Zenbateko osoa: amaierako zenbateko balioduna, hau da, -1.492 €.
• BEZaren banakapena:  «zerga oinarria» -1.200 €-koa da eta «kuota jasanarazia» -252 €-koa.

2. modalitatea: Bi urratsetan ordezteko faktura zuzentzailea

Ordezpenak bi faktura egitea ekarriko luke:

Lehenengo fakturan, eremu eta gako hauek bete behar dira TicketBAI fitxategian:

• Faktura zenbakia: 8/202X
• Faktura mota: F1
• BEZaren banakapena: zuzentzen den zenbatekoa adieraziko da kontrako zeinuarekin, hau da, «zerga oinarria» 1.000 €-koa izango litzateke eta «kuota jasanarazia» 210 €-koa.

Bigarren fakturan, eremu eta gako hauek beteko dira TicketBAI fitxategian:

• Faktura zenbakia: RECT/202X
• Faktura mota: R4
• Zuzenketa mota: S
• Zuzenketaren zenbatekoa:  bi eremu gehiago beteko dira: «oinarri zuzendua» eta «kuota zuzendua». Horietan 0 jarriko da.
• Faktura zuzendua: adierazi behar da zer faktura zuzendu den. Gainera, gomendatzen da adieraztea zer faktura jaulki den lehenengo, bi urratsetako modalitatea delako (jatorrizko fakturaren kontrako zeinua duena). 

Kasu horretan, R1/202X eta 8/202X fakturak izango lirateke.

• Zenbateko osoa: amaierako zenbateko balioduna, hau da, -1.452 €. 
• BEZaren banakapena: «zerga oinarria» -1.200 €-koa da eta «kuota jasanarazia» -252 €-koa.
   

3. adibidea: Zenbateko negatiboa duen aurretiazko faktura zuzentzailearen zuzenketa: zerga oinarria handitzea zenbatekoa positiboa izan arte.

-1.000 €-ko zerga oinarria eta -210 €-ko kuota duen R3/202X faktura zuzendu behar da. 

Zuzenketa horretan 1.500 € handitu behar da zerga oinarria, R3/202X faktura zuzentzailea egitean bi zenbateko hauek jaso behar zirelako: 500 €-ko zerga oinarria eta 105 €-ko kuota.

1. modalitatea: Urrats batean ordezteko faktura zuzentzailea

Ordezpenak 500 €-ko zerga oinarria eta 105 €-ko kuota dituen faktura zuzentzaile berri bat egitea ekarriko luke. Faktura horretan adierazi beharko da «zerga oinarri zuzendua» -1.000 eurokoa dela eta «kuota zuzendua» -210 eurokoa.  

TicketBAI fitxategian informazio hau jaso beharko da:

• Faktura zenbakia: RX/202X
• Faktura mota: R4 
• Zuzenketa mota: S
• Zuzenketaren zenbatekoa:  bi eremu gehiago beteko dira: «oinarri zuzendua» (-1.000 €) eta «kuota zuzendua» (-210 €).   
• Zenbateko osoa: amaierako zenbateko balioduna, hau da, -605 €.
• BEZaren banakapena:  «zerga oinarria» 500 €-koa da eta «kuota jasanarazia» 105 €-koa.

2. modalitatea: Bi urratsetan ordezteko faktura zuzentzailea

Ordezpenak bi faktura egitea ekarriko luke:

Lehenengo fakturan, eremu eta gako hauek bete behar dira TicketBAI fitxategian:

• Faktura zenbakia: 9/202X
• Faktura mota: F1
• BEZaren banakapena: zuzentzen den zenbatekoa adieraziko da kontrako zeinuarekin, hau da, «zerga oinarria» 1.000 €-koa izango litzateke eta «kuota jasanarazia» 210 €-koa.

Bigarren fakturan, eremu eta gako hauek beteko dira TicketBAI fitxategian:

• Faktura zenbakia: R4/202X
• Faktura mota: R4
• Zuzenketa mota: S
• Zuzenketaren zenbatekoa:  bi eremu gehiago beteko dira: «oinarri zuzendua» eta «kuota zuzendua». Horietan 0 jarriko da. 
• Faktura zuzendua: adierazi behar da zer faktura zuzendu den. Gainera, gomendatzen da adieraztea zer faktura jaulki den lehenengo, bi urratsetako modalitatea delako (jatorrizko fakturaren kontrako zeinua duena). 

Kasu horretan, R3/202X eta 8/202X fakturak izango lirateke.

• Zenbateko osoa: amaierako zenbateko balioduna, hau da, 605 €. 
• BEZaren banakapena: «zerga oinarria» 500 €-koa da eta «kuota jasanarazia» 105 €-koa.

«Ordezteko zuzenketaren zenbatekoa» blokeko eremuak ordezko faktura zuzentzaile bat jaulkitzen denean bakarrik bete behar dira (faktura zuzentzailearen etiketaren barruan S gakoa egon behar du merkatuta).

Fakturari buruz informatzeko, fakturari dagokion gako mota adierazi behar da  “R1”, “R2”, “R3” edo “R4” gakoen artean aukeratuz. Faktura sinplifikatu bat zuzentzen bada, gakoa «R5» izango da.

Gainera, faktura zuzentzailea faktura sinplifikatu bat bada, «S» gakoa markatu beharko da «faktura sinplifikatua» eremuan.

Zuzenketa «diferentziengatik» egiten bada, zuzenketaren zenbatekoaren berri eman beharko da zuzenean, hau da, zuzendu nahi den fakturan adierazitako zenbatekoaren eta adierazi behar zen zenbatekoaren arteko aldea jarri beharko da.

Horretarako, faktura zuzentzailearen erregistro bakar batean «I» gakoa jarri beharko da.

1. adibidea: Zerga oinarria murriztea

1.000 euroko zerga oinarria eta 210 euroko kuota duen 1/202X faktura zuzendu egin behar da, gerora izandako  deskontu bat dela eta, zerga oinarria, azkenean, 800 eurokoa delako. 

Diferentziengatik egingo litzatekeen faktura zuzentzaileak -200 euroko zerga oinarria ekarriko luke.

TicketBAI fitxategian informazio hau jaso beharko da:

• Faktura zenbakia: RX/202X
• Faktura mota: R1
• Zuzenketa mota: I
• Zenbateko osoa: amaierako zenbateko balioduna, hau da, -242 €.
• BEZaren banakapena:  «zerga oinarria» -200 €-koa da eta «kuota jasanarazia» -42 €-koa.
   

2. adibidea: Zerga oinarria handitzea

1.000 euroko zerga oinarria eta 210 euroko kuota duen 2/202X faktura egitean, nahi gabe, zerbitzu bat utzi da kanpoan, eta zuzendu beharra dago. Zerga oinarri berria 1.200 €-koa izango litzateke. 

Diferentziengatik egingo litzatekeen faktura zuzentzaileak 200 euroko zerga oinarria ekarriko luke.

• Faktura zenbakia: RX/202X
• Faktura mota: R4
• Zuzenketa mota: I
• Zenbateko osoa: amaierako zenbateko balioduna, hau da, 242 €.
• BEZaren banakapena:  «zerga oinarria» 200 €-koa da eta «kuota jasanarazia» 42 €-koa.
   

3. adibidea: Zerga oinarria murriztea, ordainketa ezagatik

3/202X faktura, zeinaren zerga oinarria 1.000 eurokoa baita eta 210 euroko kuota baitu, zuzendu egingo da ordainketa ezagatik, eta kuota jasanarazia osorik ezabatuko da.

Diferentziengatik egingo litzatekeen faktura zuzentzailean zerga oinarria 0 €-koa izango litzateke eta kuota -210 €-koa.

TicketBAI fitxategian honako eremu eta gako hauek bidali behar dira: 

• Faktura zenbakia: RX/202X
• Faktura mota: R3
• Zuzenketa mota: I
• Zenbateko osoa: amaierako zenbateko balioduna, hau da, -210 €.
• BEZaren banakapena:  «zerga oinarria» 0 €-koa da eta «kuota jasanarazia» -210 €-koa.
   

Faktura ez-zuzentzaileak ordezteko egiten diren zuzentzaileetan bezala bete behar dira eremuak.

1. adibidea: Aurretiazko faktura zuzentzaile baten zuzenketa: zerga oinarria handitzea.

R04/202X faktura, -1.000 euroko zerga oinarria eta -210 euroko kuota dituena, zuzendu egin behar da. Zuzenketa horretan 200 € handitu behar da zerga oinarria, R4/202X faktura zuzentzailea egitean bi zenbateko hauek jaso behar zirelako: -800 €-ko zerga oinarria eta -168 €-ko kuota.

Diferentziengatik egingo litzatekeen faktura zuzentzaileak 200 euroko zerga oinarria ekarriko luke.

TicketBAI fitxategian honako eremu eta gako hauek bidali behar dira: 

• Faktura zenbakia: RX/202X
• Faktura mota: R4
• Zuzenketa mota: I
• Zenbateko osoa: amaierako zenbateko balioduna, hau da, 242 €.
• BEZaren banakapena:  «zerga oinarria» 200 €-koa da eta «kuota jasanarazia» 42 €-koa.
   

2. adibidea: Aurretiazko faktura zuzentzailearen zuzenketa: zerga oinarria murriztea.

R02/202X faktura, -1.000 euroko zerga oinarria eta -210 euroko kuota dituena, zuzendu egin behar da. Zuzenketa horretan 200 euro murriztu behar da zerga oinarria, R2/202X faktura zuzentzailea egitean bi zenbateko hauek jaso behar zirelako: -1.200 €-ko zerga oinarria eta -252 €-ko kuota.

Diferentziengatik egingo litzatekeen faktura zuzentzaileak -200 euroko zerga oinarria ekarriko luke.

TicketBAI fitxategian honako eremu eta gako hauek bidali behar dira: 

• Faktura zenbakia: RX/202X
• Faktura mota: R4
• Zuzenketa mota: I
• Zenbateko osoa: amaierako zenbateko balioduna, hau da, -242 €.
• BEZaren banakapena:  «zerga oinarria» -200 €-koa da eta «kuota jasanarazia» -42 €-koa.
   

3. adibidea: Zenbateko negatiboa duen aurretiazko faktura zuzentzailearen zuzenketa: zerga oinarria handitzea zenbatekoa positiboa izan arte.

R03/202X faktura, -1.000 euroko zerga oinarria eta -210 euroko kuota dituena, zuzendu egin behar da. Zuzenketa horretan 1.500 € handitu behar da zerga oinarria, R03/202X faktura zuzentzailea egitean bi zenbateko hauek jaso behar zirelako: 500 €-ko zerga oinarria eta 105 €-ko kuota.

Diferentziengatik egingo litzatekeen faktura zuzentzaileak 1.500 euroko zerga oinarria ekarriko luke.

TicketBAI fitxategian honako eremu eta gako hauek bidali behar dira: 

• Faktura zenbakia: RX/202X
• Faktura mota: R4
• Zuzenketa mota: I
• Zenbateko osoa: amaierako zenbateko balioduna, hau da, 1.815 €.
• BEZaren banakapena:  «zerga oinarria» 1.500 €-koa da eta «kuota jasanarazia» 315 €-koa.

Eremu hauek bete behar dira:

• Faktura zuzenduaren «zerga oinarria» eremua, fakturan jasotako eragiketa zergari lotuta eta ez-salbuetsita badago.
• Faktura zuzenduaren «zerga oinarri salbuetsia» eremua, fakturan jasotako eragiketa zergari lotuta eta salbuetsita badago.
• Faktura zuzenduaren «zenbatekoa» eremua, fakturan jasotako eragiketa zergari lotuta ez badago.
• Faktura zuzenduaren «kosturako zerga oinarria» eremua, zuzendutako fakturan jasotako eragiketa BEZaren entitate taldeen araubide berezian sartuta badago (maila aurreratua).

Faktura zuzenduari dagokion TicketBAI fitxategia erroreekin jaso bada, «oinarri zuzendua» 0 izango da kasu guztietan.

Zuzendutako fakturaren «Zergaren kuota» eremua bete behar da. Zuzendutako fakturan jasotzen den eragiketa salbuetsita edo ez-lotuta badago, edo jatorrizko faktura erroreekin jaso bada, 0 adieraziko da.

Eremu hau aukerakoa da, eta bertan adierazi daiteke zein den «baliokidetasun errekarguaren kuota» faktura zuzenduan.

Eremu hau erabili behar ez bada, etiketarik ez jartzea komeni da.
 

Faktura zuzentzaileak egiten badira eragiketa bolumenagatik aplikatutako deskontu edo hobariek zerga oinarria aldatzera behartzen dutelako, honela jokatuko da:

Faktura zuzentzaile bat egingo da, izan ordezpenagatik («S») izan diferentziengatik («I»), faktura zuzentzaileentzat adierazitakoaren arabera, berezitasun hauek kontuan hartuta:

• Faktura zuzentzailearen kodea: R1.
• "Ordeztutako faktura zuzenduak", "Ordeztutako faktura zuzenduaren ID" blokean, aldaketak ukitzen dituen lehen eta azken fakturak identifikatuko dira, deskontua edo hobaria zein epealditakoa den adierazteko.
• «Fakturaren datuak» blokean, «Fakturaren deskribapena» eremuan, «rappela», «deskontua» edo «hobaria» hitzek agertu behar dute deskribapen orokorraren barruan.
   

TicketBAI sisteman bi egoera bereizten dira:

• Faktura zuzentzaileak. Fakturan akats material bat egiten denean (hau da, Fakturazio Erregelamenduko 6. edo 7. artikuluan ezarritako baldintzetako bat fakturan betetzen ez denean), bertan zuzenbidezko akats oinarridun bat dagoenean, jasanarazitako kuota gaizki kalkulatu denean, edo zerga oinarria aldatzera behartzen duten zirkunstantzietako bat gertatzen denean (BEZaren Legearen 80. art.), faktura zuzentzaile bat jaulki beharko da eta zer faktura mota den adierazi "R1", "R2", "R3", "R4" edo "R5" gakoa erabiliz:
  
  R1: zuzenbidezko akats oinarriduna dela eta egindako faktura zuzentzailea, BEZaren Legearen 80.1, 80.2 eta 80.6 artikuluak.
  R2: BEZaren Legearen 80.3 artikuluko faktura zuzentzailea.
  R3: BEZaren Legearen 80.4 artikuluko faktura zuzentzailea.
  R4: faktura zuzentzailea: gainerakoak.
  R5: faktura zuzentzailea faktura sinplifikatuetan

Era berean, zein motatako faktura zuzentzailea den adierazi beharko da, «S» gakoa (ordezpena) edo «I» gakoa (diferentziak) jarriz.

Izatez, horrelako kasuetan, faktura berri bat egiten ari da (fakturaren «alta»).

• TicketBAIren XML fitxategia baliogabetzea. Batzuetan, bestelako egoerak ere gerta daitezke, esate baterako, lehendik jaulki den faktura bati baja eman behar izatea eta eragiketa ongi jasoko duen beste faktura bat jaulkitzea: adibidez; inoiz egin ez den eragiketa batengatik faktura bat jaulki denean eta hura baliogabetu beharra dagoenean. Kasu horretan, egin ez den eragiketaren faktura baliogabetzeko, TicketBAIren XML formatuko baliogabetze fitxategia erabiltzen da. Hori dela eta, baliogabetze fitxategi horretan datu hauek baino ez dira identifikatu behar: baliogabetu nahi den fakturaren jaulkitzailea, fakturaren seriea, zenbakia eta jaulkipen data.

Gainera, faktura baliogabetzeko kasuak honako hauek izan daitezke, besteak beste:

• Faktura egin denean baina oraindik eman edo bidali ez denean, argi utzita eragiketarik ez dagoela.
• Hartzaileak hornitzailearen kontura eta izenean egindako faktura hornitzaileak onartu ez duenean; kasu horretan, fitxategia baliogabetu beharra dago, eta berez fakturarik ez dela egon ulertzen da.

Fakturaren zenbakia eta seriea erregistroaren gako bakarraren parte dira (faktura baliogabetu arren), eta ezin dira berriro erabili beste eragiketa baterako.

Zuzendutako fakturen seriea, zenbakia eta jaulkipen data TicketBAIren XML  fitxategiko "Zuzendutako edo ordeztutako fakturak" atalean adierazi behar dira. 

Zuzendutako fakturak 100 baino gehiago badira, zuzenketak hartzen duen epealdiko lehenengo eta azken fakturaren datuak bakarrik jaso ahal izango dira.
 

Aurretiaz esan, zergadunaren erantzukizuna dela faktura zuzentzaile horien ekitaldia eta likidazio aldia behar bezala zehaztea. Era berean, zergadunari gogorarazten zaio bere erantzukizuna dela jaulkitako fakturetan jasanarazi diren kuotak behar bezala aitortuta egotea, eta ez duela axolik “.xml” fitxategia errefusatu den edo ez edo zuzendu gabeko erroreak dituen.

Oro har, fakturak ekitaldi eta likidazio aldi bati egozteko, eragiketaren data hartzen da kontuan. 

Hala ere, R1, R2, R3 eta R5 motako faktura zuzentzaileen kasuan, faktura zuzentzailea egiten den datari egozten zaizkio; hau da, ekitaldia eta likidazio aldia jaulkipen dataren arabera kalkulatzen dira. Era berean, F1 negatiboen kasuan ere jaulkipen datari bigeratuko zaio.

TicketBAI fitxategi bat jasotzen den unean, faktura jaulkitzeko erabilitako softwareak erantzun automatikoa jasotzen du. Erabiltzaileak zuzenean ikusi dezake erantzun hori software horretan, betiere aukera hori ematen badio.

Bi erantzun posible daude:

Fitxategia errefusatuta badago, mezuan errefusaren arrazoia adierazten da harrerako errore kodearen bidez.

Fitxategia erroreekin jaso bada, erantzunaren mezuan bertan gainditu ez den kontsolidazio balioztapenaren errore kodea

kodea edo oharra ikusiko da.

Fitxategietan detektatzen diren gorabeherak dira oharrak. Gorabehera horiek, errore teknikoekin lotuak normalean, ez dute akatsik eragiten jasotako fitxategian, eta, beraz, fitxategi horiek zerga ondorioetarako kontabilizatzen dira, baina beharrezkoa da horiek eragiten dituen kausa aztertzea eta zuzentzea, etorkizuneko bidalketetan berriro gerta ez daitezen

Errore edo oharrekin jasotako fitxategien kasuan, informazioa edozein unetan kontsulta daiteke hemen:

• GipuzkoaAtarian, TicketBAI Atarian sartuz eta «TicketBAI fakturen kontsulta» hautatuz. 
• Erabilgarri dauden zerrendak exekutatuz: 
  
  - Laburpen zerrendan, faktura guztiak deskarga daitezke, erroreak dituztenak eta errorerik gabeak identifikatu daitezke, baita errore kodea ikusi ere, besteak beste.
  - Erroreak dituzten fakturen zerrendan, erroreak dituzten fakturak bakarrik deskargatzen dira.
  - BEZerako zerrendan, hondo gorriarekin nabarmentzen dira erroreekin jaso diren fakturak.

Orobat, posible da faktura baten erroreak, kodea eta deskribapena bistaratzea, zerrenda deskargatu beharrik gabe. Horretarako, eskuineko aldean dagoen botoia sakatu behar da:
 

Klikatutakoan, erroreari buruzko informazioa bistaratzen da:
 

Zergadunari gogorarazten zaio bere erantzukizuna dela jaulkitako fakturetan jasanarazi diren kuotak behar bezala aitortuta egotea, eta ez duela axolik “.xml” fitxategia errefusatu den edo ez edo zuzendu gabeko erroreak dituen.

Harrerako eta kontsolidazioko erroreen zerrenda TicketBAIren webgunean kontsulta daiteke, dokumentazioaren atalean, «TicketBAI altako fitxategiaren balioztapenen eta erroreen zerrendan»:

https://www.gipuzkoa.eus/eu/web/ogasuna/ticketbai/dokumentazioa-eta-araudia
 

Gogoan izan jasotzen den fitxategiak oharrak dituenean, sistemak softwarera bidaltzen duen erantzun mezuan oharraren kodea adierazten dela.

Oharrak fitxategietan detektatzen diren gorabeherak dira. Gorabehera horiek, errore teknikoekin lotuak normalean, ez dute akatsik eragiten jasotako fitxategian, eta, beraz, fitxategi horiek zerga ondorioetarako kontabilizatzen dira, baina beharrezkoa da horiek eragiten dituen kausa aztertu eta zuzentzea, etorkizuneko bidalketetan berriro gerta ez daitezen.

Hurrengo taulan erakusten da zer ekintza egin behar den ohar kode bakoitza zuzentzeko:
 

Zuzendu Zerbitzua REST zerbitzuen bitartez eskaintzen da, eta Zerga Administrazio honi informazioa denbora errealean emateko erabiltzen da, alta emateko edo baliogabetzeko fitxategiak errefusatu direnean edo erroreekin jaso direnean. 

Zehazki, aukera ematen du honako fitxategiak bidaltzeko (Zuzendu fitxategiak):

1. Konponketa fitxategiak (errefusatuak izan direnean): harrerako balioztapen jakin batzuk ez gainditzeagatik errefusatu den alta edo baliogabetze fitxategian bidali behar zen informazioa jasotzen dute.
2. Aldaketa fitxategiak (erroreekin jaso direnean): errore abisuekin (hau da, kontsolidazioko balioztapenak gainditu gabe) jaso den alta fitxategi batean edo alta zuzentzeko fitxategi batean bidali behar zen informazioa jasotzen dute.

Gogoan izan behar da errorea nolakoa den (harrerakoa edo kontsolidaziokoa) eta zein izaera duen, zuzentzeko modua desberdina izango dela eta kasu bakoitza baloratu behar dela.
 

ZuzenduBAI zerbitzuak aukera ematen du zergapekoek bidalitako eta Zerga Administrazio honek onartutako TicketBAI fitxategietako zenbait eduki aldatzeko edo editatzeko. 

Jaulkitako fakturen kontsulten ingurunetik sartu daiteke zuzenean bertara, GipuzkoakoAtariaren bitartez. Bidalitako TicketBAI fitxategi bakoitzaren datuetara sartzean, goi eskuinaldean «Faktura ZuzenduBairekin editatu» aukera aktibatzen da.
 

Gogoan izan behar da errorea nolakoa den (harrerakoa edo kontsolidaziokoa) eta zein izaera duen, zuzentzeko modua desberdina izango dela eta kasu bakoitza baloratu behar dela.

ZuzenduBAI zerbitzuarekin posible da TicketBAI fitxategian bidalitako edukietako batzuk aldatzea, bai eta kontsolidazio errore batzuk zuzentzea ere. 

Gogoan izan, errore bakoitzerako, komeni dela baloratzea  zein jarduketa egin behar den izaeraren arabera. Errorearen arrazoia Fakturazio Erregelamenduaren arabera faktura zuzentzailea egitera behartzen dutenetako bat bada, faktura zuzentzailea jaulki beharko da.

Aintzat hartu honako hauek ezin direla egin:

-    Fakturaren zenbateko osoa aldatu.
-    Banakapenak sortu edo kendu.
-    Lerroak gehitu edo ezabatu.
-    Hartzaileak gehitu edo ezabatu.

Aldatu daitezkeen eremuak honako hauek dira:

Zuzenketak egin behar dira, haien berri izan bezain pronto.

Jokatzeko era desberdina izango da gainditu ez den balioztapenaren arabera, hurrengo taulan ikus daitekeen bezala:

Taulan adierazitako akatsak zuzentzeko, ez da faktura zuzentzailerik egin behar. 

Beraz, jarduteko modua honako hau izango da:

• Errorea ziurtagiriarekin lotuta badago (001, 006 eta 007 erroreak), zuzendu egin beharko da eta fitxategia berriro bidali. Zuzendu zerbitzua ez da erabili behar.
• Errorea fitxategiaren tamainarekin edo eskemako  erroreekin lotuta badago, Zuzendu Zerbitzuaren bidez konpondu beharko dira, konponketa fitxategi bat bidaliz eta barruan informazio zuzena jasoz. 

Bidalitako fitxategia behar beste aldiz zuzendu beharko da, harrerako balioztapenak ez gainditzeak ekarritako errefusak irauten duen bitartean.

Fitxategia onartutakoan, sistemak egiaztatuko du kontsolidazioko errorerik duen edo ez. Errore horiek geroago zuzendu beharko dira.

Goiko taulan adierazitako erroreak, errefusa dakartenak, ezin dira ZuzenduBAI zerbitzuarekin zuzendu.

1. adibidea: Harrerako erroreak.

Altako fitxategi jakin bat errefusatu egiten da errore hau izateagatik:

• 001 errorea: Igorlearen ziurtagiriak homologatuta egon behar du, errebokatu gabe eta iraungi gabe (hilabete baino gehiago).

Zuzentzeko, fitxategia bidali beharko da berriro, igorlearen ziurtagiria balioduna dela eta indarrean dagoela ziurtatuz.

Bigarren bidalketa horretan, sistemak abisatzen du errore hau duela:

• 002 errorea: Fitxategiak XSD eskema bete behar du

Bigarren errore hori zuzentzeko, konponketa fitxategi bat bidali beharko da Zuzendu zerbitzuaren bidez.
 

Errorearen izaera aztertu behar da. Egin beharreko jarduera horren araberakoa izango da, taula honetan ikus daitekeen bezala:

• Fakturazio erregelamenduaren arabera, faktura zuzentzaile baten bidez zuzendu behar diren elementuekin zer ikusia duen errore bat bada, faktura zuzentzaile bat egin beharko da, ordeztutako fakturak akatsak dituen ala ez kontuan hartu gabe. 
  Ordeztutako fakturak kontsolidazioko erroreak baditu, gomendatzen da faktura zuzentzailea ordezpen faktura bat izatea, eta «oinarri zuzendua» eta «kuota zuzendua» eremuetan 0 jarri beharko da.
• Bestelako erroreen kasuan, Zuzendu edo ZuzenduBAI zerbitzua erabiliz zuzendu ahal izango dira. Zuzendu zerbitzurik ezin bada erabili edo errorea ezin bada zuzendu ZuzenduBAI zerbitzuarekin, faktura zuzentzailea egin ahal izango da. Aurreko kasuan bezala, faktura zuzentzailea ordezpen faktura izatea gomendatzen da, eta «oinarri zuzendua» eta «kuota zuzendua» eremuetan 0 jarri beharko da.

1. adibidea: 5015 errorea eta 5016 errorea

TicketBAI fitxategian xehetasun lerroei buruzko informazio hau jaso da: 

Gainera, eragiketaren banakapenean fitxategiak zehazten du eragiketak zergari lotuta eta ez-salbuetsita daudela, honela:

Zenbateko osoa 4,10 € da.

Kontsolidazioko errore hauek identifikatu dira:

5015 errorea: Lerroetako zenbateko osoa ez dator bat adierazitako fakturaren zenbateko osoarekin

5016 errorea: Subjektua eta Salbuetsi gabea eremuetan adierazitako zenbatekoen batura ez dator bat xehetasun lerroetan jasotakoarekin. Balioztapen hau ez da aplikatuko erregimen gakoetako bat 03, 05, 06 edo 09 denean, Faktura zuzentzailea «I» motakoa denean edo Faktura mota R2 edo R3 denean

• Errorea faktura zuzentzaile batekin zuzendu behar bada,  jasanarazitako kuota gaizki zehaztu delako esate baterako (eragiketak lotuta eta salbuetsita egon beharko lirateke), faktura zuzentzaile hori egin beharko da. 
  Gogoan izan: gomendatzen da faktura zuzentzaile hori ordezpen faktura bat izatea, eta bertan adierazi behar da oinarri eta kuota zuzenduak 0 € direla, zuzendu beharreko fakturak kontsolidazioko erroreak dituelako.
• Lerroak ez badira ondo informatu (lerroaren zenbateko osoa ez da ongi adierazi, baina horrek ez dio eragiten ez banakapenei ez fakturaren zenbateko osoari), Zuzendu edo ZuzenduBAI zerbitzuaren bidez zuzendu ahal izango da. Kasu horretan, ez litzateke islatuko «BEZaren zerrenda»ren Excel fitxategian. 

2. adibidea: 1153 errorea

TicketBAI fitxategian informazio hau jaso da hartzaileari buruz:

IDDestinatario: IFZ: A0000000A

Errore hau identifikatu da:

1153 errorea: Hartzailearen IFZk formatu okerra du.

Kasu honetan, errorea zuzentzeko faktura zuzentzaile bat egin beharko da, hala ezartzen baitu 15.2 artikuluan fakturazio obligazioak arautzen dituen Erregelamenduak, 8/2013 Foru Dekretuaren bidez onetsiak. Honako hau dio zehazki: “1. Faktura zuzentzailea egin beharko da jatorrizko fakturak 6. edo 7. artikuluetan ezarritako baldintzetako bat betetzen ez duenean, (…)".

Faktura zuzentzaile horretan, “IDDestinatario” eremua bete beharko da, ordeztutako fakturan adierazitako IFZ jarriz.

Geroago, beste faktura bat egin beharko da eta bertan hartzailearen IFZ zuzena jarriko da.
 

Hona hemen erroreen deskribapena:

5015 Lerroetako zenbateko osoen baturak bat etorri behar du adierazitako fakturaren zenbateko osoarekin 

5016 Lotua eta Salbuetsi gabea banakapenean adierazitako zenbatekoen batura ez dator bat xehetasun lerroetan jasotakoarekin. Balioztapen hau ez da aplikatuko erregimen gakoetako bat 03, 05, 06 edo 09 denean, Faktura zuzentzailea «I» motakoa denean edo faktura mota R2 edo R3 denean

5017 Lotu gabea edo Salbuetsia  banakapenetan adierazitako zenbatekoak ez datoz bat xehetasun lerroetan jasotakoarekin. Balioztapen hau ez da aplikatuko erregimen gakoetako bat 03, 05, 06 edo 09 denean

5018 Lerroetako batean kalkulatutako BEZak bat etorri behar du onartutako tasa batekin.

5arekin hasten diren errore guztiek kontuan hartzen dute xehetasun lerroetako informazioa. Garrantzi handikoa da xehetasun lerroetan honako hauen berri ematea:

1. "Zenbateko unitarioa" BEZik gabe, 
   aplikatu den "Deskontua", EUROTAN beti (ez %-tan) eta BEZik gabe
   lerroaren «Zenbatekoa osoa», BEZa barne
2. Lerroetako informazioak koherentzia izan behar du Fakturaren banakapenean jarri denarekin
3. Lerroen baturak bat etorri behar du fakturaren zenbateko osoarekin 

Gomendatzen da softwareak onartzen dituen dezimal guztiak betetzea, kontuan hartuta TicketBAI sistemak gehienez 8 dezimal onartzen dituela "Kantitatea" eta "Zenbateko unitarioa" eremuetan. Ez da komeni lerro gehigarriak erabiltzea biribiltzeko.
Maiz gerta daiteke errore horietako bi faktura berean agertzea. Hauek izaten dira arrazoi ohikoenak:

5016 eta 5017 erroreak detektatze aldera, kalkulu batzuk egiten dira xehetasun lerroetan adierazitako datuekin, lerro bakoitzari dagokion zerga oinarria eta BEZ kuota ezagutzeko. Kalkulatutako zerga oinarri eta BEZ kuota horiek banakapenetan informatutakoekin alderatzen dira, emandako datuak zuzenak direla egiaztatzeko. Alderaketa hori 2 bloketan egiten da.

• Alde batetik, BEZ kuota 0 eman duten datu kalkulatuak multzokatzen dira, eta BEZ kuota 0 duten edo kuotarik gabeak diren banakapen hauen baturekin alderatzen dira: % 0 tasa, Lotua eta salbuetsia, Salbuetsi gabea, eta SPIa duen eragiketa lotua. Bi blokeetako zenbatekoak desberdinak badira, 5017 errorea gertatzen da.
• Bestalde batetik, BEZ kuota 0 eman ez duten datu kalkulatuak multzokatzen dira, eta 0 zerga tasarik ez duten «lotua eta salbuetsi gabea» banakapenen baturekin alderatzen dira. Aipatutako zifra ez den BEZ kuota bat dutenak dira horiek. Bi blokeetako zenbatekoak desberdinak badira, 5016 errorea gertatzen da. 
   

Faktura horiek zuzentzeko, bi aukera daude:

• Faktura zuzentzailea egitea, zeina nahitaezkoa baita Fakturazio Erregelamenduak hala ezartzen duen kasuetan. Gogoan izan: gomendatzen da faktura zuzentzaile hori ordezpen faktura bat izatea, eta bertan adieraztea oinarri eta kuota zuzenduak 0 € direla, zuzendu beharreko fakturak kontsolidazio erroreak dituelako.
• Zuzendu sistema erabiltzea:
  
  REST zerbitzuak.
  
  ZuzenduBAI: Gipuzkoatariko "Fakturen kontsulta" ataletik sartzen da. ZuzenduBAI erabiliz gero, gogoratu ezin dela ez fakturaren zenbateko osoa aldatu, ez banakapenak gehitu edo kendu, ez eta lerroak gehitu edo ezabatu ere; aldiz, aldagarriak dira honako eremuak: prezio unitarioa, deskontua, lerroaren zenbateko osoa, edo zerga oinarria, kuotaren zenbatekoa eta eremu bakoitzaren zenbateko osoa.

Errorea zuzendutakoan (dela Zuzendu sistemaren bidez, dela faktura zuzentzailearen bidez), egindakoa islatuta geratzen da Gipuzkoataritik deskarga daitezkeen zerrendetan. Informazio gehiago behar izanez gero, komeni da kontsultatzea jaulkitako fakturen fitxategiak kontsultatu eta deskargatzeko gida azkarra, webgunean eskuragarri dagoena, edo, bestela, dagokion galderan begiratzea.

Hurrengo adibidean erakusten diren xehetasun lerroak ez dira behar bezala bete. Izan ere, zenbateko osoa BEZik GABE adierazi da, BEZarekin behar zuenean, hau da:

Onartzen bada jaulkitako eta bezeroari emandako faktura zuzena dela eta datu okerrak Zerga Administrazio honetara bidalitako XML fitxategian bakarrik agertzen direla, aldaketa hori Zuzendu edo ZuzenduBAI sistemaren bidez egin liteke. Bestela, faktura zuzentzaile bat egin beharko da (nahitaezkoa Fakturazio Erregelamenduak hala ezartzen duenean).

Errorearen deskribapena hau da: "Hartzailearen IFZk formatu okerra du".

Hartzailearen IFZk behar den formatua ez duenean gertatzen da, dela IFZ hori ez delako existitzen, dela kalkulatutako letra okerra delako.
Maiz egiten den errorea dugu hau. Gertatu ohi da faktura sinplifikatu baten berri eman beharrean, faktura oso bat informatzen denean gezurrezko bezeroak erabilita, hau da, balio ez duten bezeroak sartuz, esate baterako, "00000000T – HAINBAT BEZERO", "A00000000 – Azken kontsumitzailea" edo "111111H – TPV bezeroa".

Errorea nola konpondu zehazteko, begiratu behar da jaulkitako eta entregatutako fakturan agertzen den IFZ zuzena den eta Zerga Administrazio honetara bidalitako XML fitxategian bakarrik informatu den gaizki, edo, aldiz, jaulkitako eta entregatutako fakturan IFZ hori okerra den:

• Lehenengo kasuan, errorea Zuzendu sistemaren bidez konpondu daiteke (Zuzendu Aldatu bat eginez datu zuzenekin) edo hartzailearen IFZ eremua aldatu daiteke ZuzenduBAI erabiliz (Gipuzkoatariko «Fakturen Kontsulta» aukeran dago eskuragarri zerbitzua).
• Bigarren kasuan, faktura zuzentzailea egin beharko da (baita Fakturazio Erregelamenduak hala ezartzen duen kasuetan ere). Gogoan izan: gomendatzen da faktura zuzentzaile hori ordezpen faktura bat izatea, eta bertan adieraztea oinarri eta kuota zuzenduak 0 € direla, zuzendu beharreko fakturak kontsolidazio erroreak dituelako. 
   

Gorago deskribatutako kasuan (faktura sinplifikatua, faktura oso gisa gaizki informatu dena gezurrezko bezero batekin), errorea zuzentzeko ezin da ZuzenduBAI zerbitzua erabili, zerbitzu horrek ez baitu uzten hartzailearen datuei buruzko eremuak ezabatzen.

Errorea zuzendutakoan (dela Zuzendu sistemaren bidez, dela faktura zuzentzailearen bidez), egindakoa islatuta geratzen da Gipuzkoataritik deskarga daitezkeen zerrendetan. Informazio gehiago behar izanez gero, komeni da kontsultatzea jaulkitako fakturen fitxategiak kontsultatu eta deskargatzeko gida azkarra, webgunean eskuragarri dagoena, edo, bestela, dagokion galderan begiratzea. 
 

Errorearen deskribapena honako hau da: "jaulkitzaile horrentzat badago faktura bat serie, zenbaki eta jaulkipen urte hori duena".

Errore hori saihesteko, komeni da ekitaldi berean ez errepikatzea fakturaren seriea eta zenbakia. Fakturak zenbakitzeko sekuentziak jarraitua izan behar du.

Errore hau ohikoa izaten da fakturak hainbat gailutatik egiten dituzten jaulkitzaileengan, eta, hura gerta ez dadin, beharrezkoa da gailuak konfiguratzea horietako bakoitzak serie desberdinetan fakturatu dezan. 

Errorea zuzentzeko, faktura zuzentzailea egin behar da. Gogoan izan: gomendatzen da faktura zuzentzaile hori ordezpen faktura bat izatea, eta bertan adieraztea oinarri eta kuota zuzenduak 0 € direla, zuzendu beharreko fakturak kontsolidazio erroreak dituelako.
 

Errorearen deskribapena hau da: “008 errorea sinadura egiaztatzean“.

Errendimendu arrazoiengatik, sinaduraren baliozkotasuna modu aleatorioan hautatzen diren faktura batzuetan soilik egiaztatzen da. Horregatik, 008 errorea modu periodikoan gertatzen da (hau da, zergadun batek sinadura bera izan dezake faktura guztietan, eta, hala ere, erroreak haietako batzuei bakarrik eragingo die, sinaduraren baliozkotasuna egiaztatu zaienei, alegia). 

Errorea zuzentzeko, eta sinadura behar bezala konfiguratu ondoren, ZuzenduBAI zerbitzura joan behar da eta fitxategia berriro bidali, ezein eremurik aldatu gabe.

Errorea zuzendutakoan (dela Zuzendu sistemaren bidez, dela faktura zuzentzailearen bidez), egindakoa islatuta geratzen da Gipuzkoataritik deskarga daitezkeen zerrendetan. Informazio gehiago behar izanez gero, komeni da kontsultatzea jaulkitako fakturen fitxategiak kontsultatu eta deskargatzeko gida azkarra, webgunean eskuragarri dagoena, edo, bestela, dagokion galderan begiratzea. 
 

Errorearen deskribapena honako hau da: "IDType 03 denean, Herrialdearen Kodearen balioa ES izan daiteke soilik".

Errore hori gertatzen da hartzailea IFZ batekin edo beste dokumentu mota batekin (IDType) identifikatuko den behar bezala kodetu ez denean. 
Jarraian, XMLren datuen egitura laburbiltzen da (521/2020 Foru Aginduaren 1. eranskinean jasotako eskema), eta, zehazki, hartzailearen identifikazioari dagokion zatia:

Ondorioztatzen denez, IFZ eta IDOtro eremuak derrigorrezkoak dira, eta baztertzaileak elkarren artean, hartzaile bat badago. Beraz:

• IFZ bat izanez gero, "IDOtro" eremua ez da bete behar (ez eta, beraz, "CódigoPais", "IDType" eta "ID" eremuak ere). 
• Aldiz, IFZrik ez badago, "IDOtro" eremua bete behar da, eta herrialdearen kodea Espainia baino ez da izango pasaporte bat bada.
   

Errorea ZUZENDU sistemaren bidez konpondu daiteke:

• Zuzendu zerbitzua (REST zerbitzuak).
• ZuzenduBAI: Gipuzkoatariko "Fakturen kontsulta" ataletik sartzen da. 
   

Errorearen deskribapena honako hau da: “ID eremuaren balioa okerra da. IFZ-BEZ datuak zuzena izan behar du adierazitako herrialderako. Brexitaren kontrola“.

Balioztapen honen bidez ziurtatu nahi da IFZ-BEZ eremuan sartutako informazioak formatu zuzena duela adierazitako herrialderako. BREXITa izan zenetik, haren ondoren egindako eragiketak BEZari dagokionez ongi informatzen direla ere egiaztatzen du:

• Eragiketa data 2021-01-01a baino lehenagokoa bada, IFZ-BEZ zenbakiak GB letrekin hasi behar du (letra horiek XI badira, zenbakia errefusatzen da, Ipar Irlandari dagokion kodeketa baita, BREXITa izan baino lehen ez zegoena).
• Eragiketa data 2021/01/01a edo geroagokoa bada eta 2021/01/31 edo lehenagokoa, GB edo XI letrekin hasi daiteke.
• Data 2022-01-01a edo geroagokoa bada, ezin da egon GB letrekin hasten den IFZ-BEZik, eta XI kodea baino ez da onartzen (Ipar Irlanda).
   

Errorea zuzentzeko, eta onartuta jaulkitako eta bezeroari entregatutako faktura zuzena dela eta errorea Zerga Administrazio honetara bidalitako TicketBai XML fitxategian bakarrik dagoela, Zuzendu sistema erabili daiteke:

• Zuzendu zerbitzua (REST zerbitzuak).
• ZuzenduBAI: Gipuzkoatariko "Fakturen kontsulta" ataletik sartzen da. Bertan posible da aldatzea bai kodeketa bai dokumentu mota.

Errorea zuzendutakoan, egindakoa islatuta geratzen da Gipuzkoataritik deskarga daitezkeen zerrendetan. Informazio gehiago behar izanez gero, komeni da kontsultatzea jaulkitako fakturen fitxategiak kontsultatu eta deskargatzeko gida azkarra, webgunean eskuragarri dagoena, edo, bestela, dagokion galderan begiratzea. 

Errorearen deskribapena honako hau da: “Fakturaren araberako banakapena hartzailea nazionala denean edo kontraparterik ez dagoenean bakarrik onartzen da“.

Errore hau gertatu ohi da behar bezala kodetzen ez denean banakapena fakturarena den (hartzailea "nazionala" denean soilik onartzen da) edo eragiketarena den (hartzailea "nazionala" ez denean); hau da, errorea gertatzen da hartzailea "nazionala" ez izanik ere, "Eragiketa motaren banakapena" informatu beharrean "Fakturaren banakapena" informatzen denean eta "nazional" baten tratamendua ematen zaionean.

Jarraian, XMLren datuen egitura laburbiltzen da (521/2020 Foru Aginduaren 1. eranskinean jasotako eskema), eta, zehazki, banakapen motari dagokion zatia:

"Fakturaren banakapena" eta "Eragiketa motaren banakapena" eremuak baztertzaileak dira: kontrapartea ez bada nazionala, "Eragiketa motaren banakapena" eremua bete behar da, eta, gainera, zerbitzu prestazio bat edo ondasun entrega bat den adierazi behar da.
Errorea ZUZENDU sistemaren bidez konpondu daiteke:

• Zuzendu zerbitzua (REST zerbitzuak).
• ZuzenduBAI: Gipuzkoatariko "Fakturen kontsulta" ataletik sartzen da. ZuzenduBAI erabiliz gero, gogoratu ezin dela ez fakturaren zenbateko osoa aldatu, ez banakapenak gehitu edo kendu, ez eta lerroak gehitu edo ezabatu ere.
   

Errorea zuzendutakoan (dela Zuzendu sistemaren bidez, dela faktura zuzentzailearen bidez), egindakoa islatuta geratzen da Gipuzkoataritik deskarga daitezkeen zerrendetan. Informazio gehiago behar izanez gero, komeni da kontsultatzea jaulkitako fakturen fitxategiak kontsultatu eta deskargatzeko gida azkarra, webgunean eskuragarri dagoena, edo, bestela, dagokion galderan begiratzea.

TicketBAI Atariko FAKTUREN KONTSULTA aplikazioan informazio diferentea dakarten hiru fitxategi deskargatzeko aukera dago (fitxategi bakoitzaren eduki espezifikoari buruzko laguntza lortzeko, komeni da TicketBAI Gipuzkoaren webgunean eskuragarri dagoen gida azkarra irakurtzea, "Prestakuntza materiala" atalean):

Erroreekin iritsitako fakturak, Zuzendu edo ZuzenduBAI zerbitzuarekin aldatuak:

TBAI-0001 faktura erroreekin jaso zen. Errorea Zuzendu edo ZuzenduBAI zerbitzuarekin konpondu zen:

BEZerako zerrenda

«Jatorria» eremuan adierazten da fitxategia Zuzendu edo ZuzenduBAI zerbitzutik jaso dela. Zerrenda honetatik ezin da egiaztatu jatorrizko fitxategia erroreekin jaso zen ala ez.
 

Laburpen zerrenda

«Jatorria» eremuan adierazten da fitxategia Zuzendu edo ZuzenduBAI zerbitzutik jaso dela. Zerrenda honetatik ezin da egiaztatu jatorrizko fitxategia erroreekin jaso zen ala ez.

Erroreen zerrenda

Faktura Zuzendu edo ZuzenduBAI zerbitzuaren bidez aldatu denez, dagoeneko ez da ageri erroreak dituzten fakturen zerrendan.

Erroreekin iritsitako fakturak, faktura zuzentzailearen bidez zuzendu direnak.

PRUEBA-0003 faktura erroreekin jaso zen. Errorea zuzentzeko, ordezpen faktura zuzentzaile bat jaulki zen:

BEZerako zerrenda

 

Ikusten da erroreekin iritsitako fakturak hondo gorria duela eta, akatsak dituenez, ez dela datu kuantitatiborik jasotzen. Hirugarren zutabean faktura zuzentzaile bat dagoela ohartarazten da.

Hurrengo bi lerroetan faktura zuzentzailearen informazioa jasotzen da.

Laburpen zerrenda

 

Ikusten da laburpen zerrendan faktura zuzenduaren errore kodea kontsulta daitekeela, baita faktura horren datu kuantitatiboak ere. Gainera, faktura zuzentzaileari buruzko informazioa ere jasotzen da.

Erroreen zerrenda

 

Zerrendan erroreekin bidalitako faktura ageri da, eta zuzenduta dagoela zehazten da.

TicketBAIk ez du aldatzen Fakturazio Erregelamenduari buruzko otsailaren 26ko 8/2013 Foru Dekretuak dioena. Erregelamendu horren 11. artikuluaren arabera, «faktura zuzentzailea egin beharko da jatorrizko fakturak 6. edo 7. artikuluetan ezarritako baldintzetako bat betetzen ez duenean, (….)».

Hortaz, errorearen izaerak esaten digu faktura zuzentzailea egin behar den ala ez, eta, beraz, Zuzendu zerbitzuaren erabilera faktura zuzentzailea egitea nahitaezkoa ez den kasuetara mugatu behar da.
 

Bai kuota zuzendua eta bai zerga oinarri zuzendua 0 balioarekin informatu behar dira.

Kontsolidazio errore bat zuzentzeko faktura zuzentzaile bat egin behar den kasuetan, onena da faktura zuzentzaileak ordezkoak izatea (BEZaren kalkuluak egiteko) eta faktura horietarako adierazitakoaren arabera jaulkitzea horiek;  faktura horien berezitasun bakarra da «oinarri zuzendua» eta «kuota zuzendua» 0 izango direla.

1. adibidea: Zerga oinarria murriztea

1/202X faktura, 1.000 euroko zerga oinarria eta 210 euroko kuota duena, kontsolidazioko erroeekin jaso da eta zuzendu egingo da. Zuzenketa horretan 200 euro murriztu behar da zerga oinarria, geroago izandako deskontu batengatik.

Ordezpenak 800 €-ko zerga oinarria eta 168 €-ko kuota dituen faktura zuzentzaile bat egitea ekarriko luke. Faktura horretan adieraziko da «zerga oinarri zuzendua» eta «kuota zuzendua» 0 €-koak direla. 

TicketBAI fitxategian informazio hau jaso beharko da:

• Faktura zenbakia: Rx/202X
• Faktura mota: R1
• Zuzenketa mota: S
• Zuzenketaren zenbatekoa:  bi eremu gehiago beteko dira, eta «oinarri zuzendua» eta «kuota zuzendua» 0 izango dira.
• Zenbateko osoa: amaierako zenbateko balioduna, hau da, 968 €. 
• BEZaren banakapena: «zerga oinarria» 800 €-koa da eta «kuota jasanarazia» 168 €-koa.
   

2. adibidea: Zerga oinarria handitzea

3/202X faktura, 1.000 euroko zerga oinarria eta 210 euroko kuota dituena, kontsolidazio erroreekin jaso da eta zuzendu egin behar da. Zuzenketa horretan 200 euro handitu behar da zerga oinarria, zuzenbideko akats oinarridun baten ondorioz.

Ordezpenak 1.200 €-ko zerga oinarria eta 252 €-ko kuota dituen faktura zuzentzaile bat egitea ekarriko luke. Faktura horretan adieraziko da «zerga oinarri zuzendua» eta «kuota zuzendua» 0 €-koak direla.

TicketBAI fitxategian informazio hau jaso beharko da:

• Faktura zenbakia: Rx/202X
• Faktura mota: R1
• Zuzenketa mota: S
• Zuzenketaren zenbatekoa:  bi eremu gehiago beteko dira, eta «oinarri zuzendua» eta «kuota zuzendua» 0 izango dira.
• Zenbateko osoa: amaierako zenbateko balioduna, hau da, 1.452 €. 
• BEZaren banakapena: «zerga oinarria» 1.200 €-koa da eta «kuota jasanarazia» 252 €-koa.
   

3. adibidea: Zerga oinarria murriztea, ordainketa ezagatik

5/202X faktura, zeinaren zerga oinarria 1.000 €-koa baita eta 210 €-ko kuota baitu, kontsolidazio erroreekin jaso da, eta zuzendu egingo da ordainketa ezagatik, jasanarazitako kuota osorik ezabatuz.

Ordezpenak 1.000 €-ko zerga oinarria eta 0 €-ko kuota dituen faktura zuzentzaile bat egitea ekarriko luke. Faktura horretan adieraziko da «zerga oinarri zuzendua» eta «kuota zuzendua» 0 €-koak direla.

TicketBAI fitxategian informazio hau jaso beharko da:

• Faktura zenbakia: RX/202X
• Faktura mota: R3
• Zuzenketa mota: S
• Zuzenketaren zenbatekoa:  bi eremu gehiago beteko dira, eta «oinarri zuzendua» eta «kuota zuzendua» 0 izango dira.
• Zenbateko osoa: amaierako zenbateko balioduna, hau da, 1.000 €. 
• BEZaren banakapena: «zerga oinarria» 1.000 €-koa da eta «kuota jasanarazia» 0 €-koa.
   

Jatorrizko faktura kontsolidazio erroreekin jaso bada, hura zuzentzeko ez da gomendatzen faktura zuzentzaile bat egitea diferentziengatik, jaulkitzen den faktura zuzentzaileak jatorrizko fakturaren errore berberak dituenean izan ezik.

Bi kasuetan 0 adierazi beharko da.

Errorea gertatu bada Fakturazio Erregelamenduko 6. artikuluan ezarritako elementuetako bat aldatzera behartzen du arrazoietako batengatik (hau da, nahitaez faktura zuzentzaile bat egitea eskatzen duen elementuren bat), faktura zuzentzaile bat egin beharko da. 

Halaber, faktura zuzentzailea egin ahal izango da zuzendutako fakturaren TicketBAI fitxategia errore mezuarekin jaso bada eta errore horiek faktura zuzentzaileen bidez zuzendu behar badira.
 

Faktura zuzenduaren fitxategia ez badago TicketBAI sisteman, zergapekoa ez zegoelako horretara behartuta faktura egin zenean, eta, ondoren, faktura horren faktura zuzentzaile bat egiten bada, faktura zuzentzaileari buruzko informazioa TicketBAI bidez bidali beharko da.

Zuzendutako fakturaren fitxategia errefusatuta badago harrerako erroreren bat identifikatu zelako, ez da gomendatzen faktura zuzentzailerik egitea, errefusa ekarri duen errorea zuzendu arte.
 

Zerga helbidea Gipuzkoan izan eta jarduera ekonomiko bat egiten duten EEAEek nahitaez bete behar dute TiketBAI obligazioa.

• 1. adibidea: Zerga egoitza Gipuzkoan duen EEAEa, erkide bat Gipuzkoan eta beste bat Bizkaian duena: Gipuzkoan bete behar du TicketBAI obligazioa.
• 2. adibidea: Zerga egoitza Gipuzkoan duen EEAEa, bi erkide bizkaitar dituena: Gipuzkoan bete behar du TicketBAI obligazioa.
• 3. adibidea: Zerga egoitza Bizkaia duen EEAEa, bi erkide gipuzkoar dituena: ez du TicketBAI obligaziorik Gipuzkoan.
   

Kenkarien muga ondasun erkidego bakoitzeko aplikatzen da, ez erkide bakoitzeko.

• EEAE bateko partaide diren zergadunak, jarduera indibidualik egiten ez dutenak:  araudiak TicketBAI kenkariari buruz ezarritako mugaren gainean, ondasun erkidegoan duten partaidetza portzentaje bera dagokie. 
  
  Adibidez: Kenkariaren muga: 5.000 euro. Errentak esleitzeko araubidean erkide bati dagokion portzentajea % 50 bada, TicktBAI kenkariagatik errenta zergan aplikatuko zaion gehieneko muga 2.500 izango da.
   
• EEAE bateko partaide diren zergadunak, nork bere aldetik jarduera indibidual bat egiten dutenak:  muga bat dute EEAEagatik eta beste bat jarduera indibidualarengatik. 
  
  Adibidez: Bi muga dituzte: 5.000 euro, jarduera indibiduala TicketBAI obligaziora egokitzeko egindako inbertsioagatik, eta 5.000 euro, EEAEk egindako inbertsioagatik. Azken zenbateko horretatik, gainera, zergadunari zati bat dagokio entitatean duen partaidetza portzentajearen arabera. 
   
• Partaide anitzeko EEAEa: EEAEk egiten duen inbertsioa edozein dela ere, beren PFEZaren aitorpenean partaideek bakarrik kendu dezaketen zenbatekoa entitatean duten partaidetza portzentajeari dagokiona izango da.
  
  Adibidez: inbertsioa 10.000 eurokoa bada eta partaidetza portzentajea  % 10ekoa, partaidetza guztientzako kenkari muga bateratua 5.000 eurokoa izango da, eta partaideak 500 euro kendu ahal izango ditu TicketBAI kenkariagatik.

Eredua banakakoa da beti, eta, beraz, erkide bakoitzak aurkeztu behar du.

Erretiro adina hurbil egoteagatik TicketBAI obligaziotik salbuesteari buruz galdera hauetako 18.2 atalean ezarritakoa berdin aplikatuko zaie sozietate zibilei, nortasun juridikoa izan ala ez, jaraunspen onartugabeei, ondasun erkideei eta Gipuzkoako Lurralde Historikoko Zergen Foru Arau Orokorraren 35. artikuluko 3. apartatuan aipatzen diren gainerako entitateei, baldin eta errentak esleitzeko araubidean tributaten badute eta baldintza hauek betetzen badituzte:

• 2021eko abenduaren 31n, EEAEa jarduera ekonomikoak egiten aritzea. 
• Bertako bazkide, erkide edo partaideetako inor ez egotea behartuta Administrazioarekiko harremanetan bitarteko elektronikoak erabiltzera elkargo bateko kide izateko obligazioa dakarren jarduera profesional bat egiteagatik. 
• Bazkide, erkide edo partaide guztiek 60 urte baino gehiago izatea 2021eko abenduaren 31n. 
• EEAEak ez kontratatzea 2021ean besteren konturako langilerik. Jardueraren titularrarekin ahaidetasun harreman bat duten pertsonek harekin lan egiten badute eta autonomo laguntzaile gisa ageri badaitezke ordenamenduaren beste adar batzuetan, langiletzat hartuko dira baldin eta titularrak jardueraren gastu gisa sartu badu ordaindu dien soldata bere errenta aitorpenetan.
   

TicketBAI Ataria atariko Fakturen Kontsulta aplikazioan hiru aukera sartu dira: 

1. “Laburpen zerrenda”. Fitxategi bat sortzen du1, Foru Ogasunean jaso diren fitxategiak kudeatu ahal izateko oinarrizko informazioa, egon daitezkeen akatsak eta fakturak baliogabetu edo zuzendu egin diren jasotzen duena. 
2. “BEZarako zerrenda”. Fitxategi bat sortzen du1, BEZaren aitorpenak egiteko informazio erabilgarria jasotzen duena. 
3. “Erroredun fakturen zerrenda”. Fitxategi bat sortzen du1, akatsak dituzten jasotako fitxategiak jasotzen dituena. 
   
   Azken zerrenda hori bereziki garrantzitsua da, informazio eguneratua ematen baitu akatsak dituzten fitxategiekin egin beharreko ekintzaren inguruan: 
   
   a. Ordezteko faktura zuzentzaile bat egitea2. 
   b. ZUZENDU fitxategi bat bidaliz aldatzea. 
   
   Akastun fakturen informazioak aukera ematen du hauek bereizteko: 
   - Akatsak zituzten fakturak, haiekin hau egin denean: 
   •    Baliogabetu 
   •    Faktura zuzentzaile baten bidez zuzendu 
   - Akatsak dituzten fakturak, oraindik zergadunak horiekin ekintzarik egin ez duenean 

Zergadunaren erantzukizuna da igorritako fakturetan jasanarazitako kuotak behar bezala aitortzea, “Xml” fitxategia atzera bota bada edo zuzentzeke dauden akatsak baditu ere. 

https://www.gipuzkoa.eus/es/web/ogasuna/ticketbai/consulta-facturas