Estatistikak

Esku-hartze txostenak egitea eta erregistratzea

Aldundiaren suhiltzaile zerbitzuak bere 35 urteko historian zehar egin dituen jarduera operatibo guztia geratu da aipatu esku-hartze zerbitzua bukatzean egiten diren parte eta txosten horietan islaturik, hortaz egindako esku-hartze guztien eta bakoitzaren erregistro dokumental garrantzizko bat badelarik.

Esku-hartze txostenek Gipuzkoako lurraldean gertatzen diren larrialdi garrantzitsuenen alderdiak eta ezaugarriak biltzen dituzte, baita haietaz arduratuz suhiltzaileek egindako lanari buruzkoen datu nagusiak ere.

Esku-hartzeen txostenetan jasotzen diren datuen barruan, jarraian datozen horiek sartzen dira:

• Ezbehar mota eta jarduera (sutea, salbamendua, laguntza teknikoa, prebentzioa …)
• Ezbeharra gertatu den lekuari eta kokapenari buruzko datuak (zein ordutan hasi den, eragina nozitu duen ondarea, kaltetutako azalera, jatorriaren kausa izan litekeena, hedapenaren bitartekoa, erabilitako eragile itzaltzaileak…)
• Itzalketan edo gertakarien ebazpenean inplikatutako suhiltzaile etxeak
• Haietaz arduratzeko zein etxeetatik eta zer suhiltzaile kopurua lekualdatu den
• Arduradunak/esku-hartzeetako agintariak eta partaide guztien zerrenda
• Lanean emandako denbora eta gertakariaren nahiz baliabideen desplazamendu guztien ordutegia (abisua jaso den ordua, suhiltzaileen etxetik irtendako eta lekura iritsitako orduak, lekuan egindako lanen orduak, laguntza taldeen edo ondorengo lanen denbora, itzulerako eta etxera iristeko ordutegia…)
• Gertakariak eragindako biktimak, adinez eta sexuz bereizirik (zaurituta erreskatatuak edo libratuak, intoxikatuak, hildakoak, suhiltzaile zaurituak…)
• Itzalketan edo jardueran erabilitako baliabide materialak
• Larrialdian parte hartu duten kolaboratzaileen zerbitzuak (ertzaintza, osasun arlokoak, udaltzaintza, beste suhiltzaile zerbitzuak, teknikarien zerbitzuak…)
• Ikerketari buruzko datuak eta beste txosten teknikoak

Nola partikularrek hala enpresek eska diezaiokete Gipuzkoako Foru Aldundiari Suhiltzaileen Zerbitzuko suhiltzaileen ardurazkoa izan den edozein larrialdiren batean esku hartu izanaren txostena.

Gipuzkoako suhiltzaileen ardurazkoak izan diren larrialdiak

Gipuzkoan 4.500 larrialdi inguru gertatzen dira urtean, suhiltzaile zerbitzu bien arteko baten esku-hartzea behar dutenak.

Bai Gipuzkoako Aldundiaren zerbitzuak eta bai Donostiako Udalaren zerbitzuak gaur egun antzeko zifrak dituzte urtean zehar egindako esku-hartze kopuruari dagokionean, bakoitzak urtean gutxi gorabehera 1.800-2.440 esku-hartze izaten dituelarik, batez beste.

Mende honen hasieratik bi Suhiltzaile Zerbitzuren artean bakoitzak bere ardurazko izan dituen larrialdien garapena hau izan da:

Aldundiaren Suhiltzaile Zerbitzuaren esku-hartzeen historia eta garapena

Aldundiaren zerbitzuaren jarduera operatiboak goranzko garapena agertzen du esku-hartzeetan edo biztanleriari eskainitako larrialdi zerbitzuetan.

Aldundiaren zerbitzua suhiltzaile etxeak irekiz eta lurralde osoan kokalekuak hartuz garatzen jardun den neurrian, pixkanaka hedatu egin da bere lan talde profesionala eta bere zerbitzuen katalogoa, gutxi gorabehera urtean batez beste 2.000 esku-hartze baino apur bat gehiagora iritsi arte.