Kirol Zerbitzuaren xedea

Gipuzkoako Foru Aldundiko kiroletako zuzendaritza gara, Gipuzkoako pertsonei eta komunitateei jarduera fisikoa errazten diegu, honek ekartzen dituen onurak guztiengana helarazteko. 
Kirol eragileak saretuz eta zeharkakotasuna sustatuz garatuko da gure jarduna, emakume eta gizonen arteko berdintasuna eta aktibo izateko zailtasunak dituzten populazio taldeak lehenetsiko ditugula. 

Kirol Zerbitzuaren ikuspegia

Pertsona guztiontzako eta eremu guztietan jarduera fisikoa egitea aukera erraza da Gipuzkoan. Gizarteak kultura fisikoaren garrantzia barneratu du eta alor guztietako jarduera fisikoaren aukerak era koordinatuan garatzen dira. 
Gipuzkoako Foru Aldundia erreferentea eta erraztatzailea da. Aktibo izateko politiken norabidea era berritzailean zehazten du, edozein eragileren bidelagun izanik.