KULTURA ESKOLA: proiektuak prestatzeko formazio martxoaren 21ean

Formazioa Kultura Eskolan dauden artistei edota proiektu bat aurkeztu nahi dutenei zuzenduta dago.

Gipuzkoako Foru Aldundiak, Donostiako Berritzegunearekin lankidetzan, 2 orduko prestakuntza-saioa antolatu du martxoaren 21ean, 14:30ean, Gipuzkoako Foru Aldundiaren Gune aretoan (Gipuzkoa plaza,1,20004, Donostia-San Sebastián, Gipuzkoa), hezkuntza-curriculum berriarekin.

Formazioa Kultura Eskolan dauden artistei edota proiektu bat aurkeztu nahi dutenei zuzenduta dago. Gaur egungo ikaskuntza-prozesuan erabiltzen diren ikasteko egoerak zer diren azalduko zaie bertaratze direnei, Kultura Eskolako hezkuntza-proiektuak oinarri horren arabera prestatzeko. Ikasketa egoeraren adibide bat emango zaie, proiektuak ikastetxeetara aurkeztu ahal ditzaten , curriculumeko jarraibideen arabera.

Artistei kurrikulum berriaren araberako hezkuntza-proiektuak diseinatzen laguntzea da helburua.