Global Training: nazioarteko lan-esperientzia bat izateko aukera

500 gaztek jaso dituzte atzerrian praktikak egiteko Eusko Jaurlaritzaren (SPRI) Global Training bekak. Unibertsitateko edo goi-mailako LHko ikasketak dituzten euskal gazteei nazioarteko lan-esperientzia bat izateko aukera ematea da helburua.

Praktikak 55 herrialdetako lehen mailako 330 enpresa eta erakundetan baino gehiagotan egingo dituzte (Fraunhofer Institutua, Microsoft, Harvard Medical School, NBE Emakumeak…).

Edizio honetako erakunde laguntzaileak dira Ikaslan-AFM, Novia Salcedo Fundazioa, Hetel-Confebask-Adegi, Donostiako Sustapena, UPV-EHU, Deustu eta Mondragon unibertsitateak eta Euskal Ganberak.