Ekonomia Sustapena eta Proiektu Estrategikoak
Departamentua
Ekonomia Sustapena, Turismo eta Landa Inguruneko Departamentuak bi helburu nagusi ditu: Gipuzkoako ekonomiaren garapena bultzatzea eta inguru naturalak babestu eta zaintzea. Horretarako, berrikuntza eta ekonomiaren sustapenera bideratutako egitasmoak bultzatzen ditu sektore guztietan, baita lehen sektorean ere. Gainera, basoen eta naturaren kontserbazio eta kudeaketa bermatzen jarduten du. Betiere, udalerri txikien bizitza eta zerbitzuak sustatzea ahaztu gabe.
Aurrekontu partida
Ekonomia Sustapena eta Proiektu Estrategikoak, 2024an , bere jardun estrategiko zein operatiborako, urteko aurrekontu hau izango du:
Aurrekontua
72.756.180,83 €
Exekutatua
% 8,36
Ane Insausti
Ekonomia Sustapeneko eta Proiektu Estrategikoetako Diputatua
Donostiarra (1984) eta bertako Tecnun-en telekomunikazio ingenieritza ikasitakoa. Euskara eta gazteleraz gain, ingelesez eta alemanez ere ongi moldatzen naiz. Municheko Unibertsitate Teknikoan Erasmus seihilekoa egin ondotik, Elangen-eko Fraunhofer Institut-en karrera amaierako proiektua egin nuen eta Nurembergeko Siemens-en bost urtez aritu nintzen proiektu internazionaletan lan eginez. Shanghaiko CEIBS-en burutu nituen MBA ikasketak, Chicagoko Northwestern Unibertsitatean azken hilabeteak osatuz. Inditex-en Arteixoko egoitzan sei urtez aritu nintzen Distribuzio arloan proiektu estrategikoak bultzatzen, 2020an Gipuzkoara Mubil fundazioko zuzendari lanetan aritzeko erronka onartu aurretik. Ildo honi jarraituz, Gipuzkoako Foru Aldundian Sustapen Ekonomiko eta Proiektu Estrategikoen diputatu bezala hasi naiz legealdi honetan.
Zuzendaritzak
Unai Andueza
Ekonomia Sustapeneko zuzendaria
Arlo honek gure lurraldeko sektore ezberdinen sustapen ekonomikoan eta enpresa lehiakortasunean jarduten du, ezagutza, garapen eta ekintzailetzaren bidez.
Jon Gurruchaga
Berrikuntzako eta Internazionalizazioko zuzendaria
Zuzendaritza honen ardatza Gipuzkoako enpresen berrikuntza sustatzea da, teknologia berriei eta Informazioaren Gizarteari arreta berezia eskainiz.
Zuzendaritzaren webguneak
Koldo Peciña
Proiektu Estrategikoetako zuzendaria
Zuzendaritza honen helburua, zibersegurtasun, zahartzaro osasuntsu, mugikortasun adimenduna eta iraunkorra, gastronomia digitala edota euskal ikus entzunezkoen sormeneko lurralde estrategiak bultzatzea da.
Departamentuko aktualitatea
2024/04/11
Europa hegoaldeko mugikortasun jasangarriak hitzordua du MUBIL Mobility Expon
· 105 enpresa erakusketarik Ficobako hiru pabiloiak beteko dituzte · Conference Arean mahai-inguruak eta hitzaldiak antolatuko dira, mugikortasunaren munduan puri-purian dauden gaiei buruzkoak · Azokarekin batera, bilera logistikoak egingo dituzte AEDIVEk, Direbús-ek, Euskadiko Mugikortasun eta Logistika Klusterrak eta Hidrogenoaren Euskal Korridoreak · Azokaren laugarren edizioa apirilaren 17an eta 18an izango da
2024/03/14
Salto Systems-en “enpresa-kultura” eta “hazkunderako gaitasuna” nabarmendu ditu Diputatu Nagusiak
Eider Mendoza enpresako lan-taldearekin bildu da, Adegiren eskutik antolatutako Gipuzkoako sektore ekonomiko ezberdinetako konpainia adierazgarrien bisita errondaren barruan.
2024/03/08
Eider Mendozak Ondarreta altzari enpresa bisitatu du, 2023ko Diseinuko Sari Nazionala
Gipuzkoako sektore ezberdinetako konpainia esanguratsuen errealitatea ezagutzen ari da diputatu nagusia, Adegiren eskutik antolatutako agenda ekonomiko batean