Diputatuen kontseiluak 2025eko azaroaren 18ko bileran onartutako gaiak

JASANGARRITASUN DEPARTAMENTUA

• Proiektu hau onestea: Villabona-Irura bizikleta eta oinezkoentzako bidea eraikitzeko obren proiektu aldatua (I-3 ibilbidea: Donostia-Beasain).
• Kontratazio espediente hau aldatzea: Villabona-Irura bizikleta eta oinezkoentzako bidea (I-3 ibilbidea: Donostia-Beasain) eraikitzeko proiektu aldatuaren obrak.

ZAINKETA ETA GIZARTE POLITIKETAKO DEPARTAMENTUA

• Zuzentzea Urretxuko Udalaren alde emandako dirulaguntza zuzena "Pasionistak" eraikina eraberritzeko.
• Zerbitzu kontratu honen hirugarren aldaketa onestea: Lasarte-Oriako Atsobakar adineko pertsonentzako egoitza handitzeko proiektuaren exekuzio-proiektua eta beste hainbat agiri tekniko osagarri idaztekoa eta obra zuzendaritza eramatekoa.
• Zerbitzu kontratazio espediente hau onestea: Autismoaren espektroko nahasmendua (AEN) duten helduentzako eguneko zentroko zerbitzua Pasaiako Eskalantegi kalean. Aldez aurreko tramitazioa.
• Adinekoentzako egoitza zentroetan plaza berriak hitzartzeko oinarri arautzaile espezifikoak eta 2025eko bigarren deialdia onestea.

GOBERNANTZA DEPARTAMENTUA

• 2025eko enplegu publikoko eskaintza onestea.
• Aldatzea 2023ko enplegu publikoko eskaintza.

MUGIKORTASUNEKO, TURISMOKO ETA LURRALDE ANTOLAKETAKO DEPARTAMENTUA

• Zarauzko Udalarekin sinatutako errentamendu-kontratua aldez aurretik suntsiaraztea, Bide Azpiegiturak eta Lurralde Estrategiako Departamentutik desatxikitzea eta Jasangarritasun Departamentuari atxikitzea Zarautzen Bidezainen Etxea deritzon biltegia.
• Hiru pabilioi-industrial erostea Astigarragako Troia Ibilbidea, 22an Bide Azpiegituretako eta Lurralde Estrategiako Departamentuaren baliabideetako makineria-parkerako.

OGASUN ETA FINANTZA DEPARTAMENTUA

• Ordainketa kredituen transferentzia egitea Diputatu Nagusiaren Alorrean.
• Konpromiso kredituak sortzea Ekonomia Sustapeneko eta Proiektu Estrategikoetako Departamentuan.

BIDE AZPIEGITURETAKO ETA LURRALDE ESTRATEGIAKO DEPARTAMENTUA

• Onestea Partzuergoaren Akordioa  eta Lankidetzako Barne Akordioa 23-EU-TG-SCALE (SCALE) proiekturako.
• Gipuzkoako Foru Aldundiaren Errepide Sarean Adunako Erribera bidea sartzea, Agaramunde baserriaren inguruko biribilgunetik (GI-3022 errepidearen hasiera) amaierara arte (GI-3021 errepidearekiko elkargunean, Oria ibaiaren gaineko zubiaren iparraldeko estriboan).
• Irungo Udalarekin sinatu beharreko hitzarmena onestea, AP-8 autobidean Arbes-Oinaurre lotunea osatzeko eta bide sistemarekin lotzeko Proiektua idazteko.

LURRALDE OREKA BERDEKO DEPARTAMENTUA

• 18/2025 Foru Dekretua, azaroaren 18koa, Nekazaritzako eta Lurralde Orekako zuzendari nagusiaren kargu-uztea xedatzekoa.
• 19/2025 Foru Dekretua, azaroaren 18koa, Nekazaritzako eta Lurralde Orekako zuzendari nagusi izendatzekoa.
• 20/2025 Foru Dekretua, azaroaren 18koa, Mendietako eta Natura Ondareko zuzendari nagusiaren kargu-uztea xedatzekoa.
• 21/2025 Foru Dekretua, azaroaren 18koa, Mendietako eta Natura Ondareko zuzendari nagusi izendatzekoa.