Gipuzkoak LGTBI+ influencers fam trip bat hartu du, Basquetourrek antolatutako The LGBT+ Travel Symposium 2025 egitasmoaren baitan
Gipuzkoak LGTBI+ influencers fam trip bat hartu du, Basquetourrek antolatutako The LGBT+ Travel Symposium 2025 egitasmoaren baitan
Gipuzkoak LGTBI+ influencers fam trip bat hartu du, Basquetourrek antolatutako The LGBT+ Travel Symposium 2025 egitasmoaren baitan
Mugikortasuneko, Turismoko eta Lurralde Antolaketako diputatuak 14 laguneko talde bat hartu du, gaurtik aurrera Gipuzkoako hainbat baliabide turistiko ezagutzeko aukera izan dutenak, hala nola Balenciaga museoa eta Txakolin dastaketa Getarian, flysch-a, Ordiziako merkatua, Ondarre gaztandegia eta Goierriko sagardotegi batean izandako esperientzia.
Azahara Domínguez diputatua fam tripa osatzen duten 14 influencerrekin
2025eko maiatzaren 7tik 9ra, The LGBT+ Travel Symposium nazioarteko topaketa izango da Euskadin, aniztasunarekin, inklusioarekin eta berrikuntzarekin konpromisoa duten turismo-sektoreko profesionalak, helmugak eta enpresak bilduko dituena. Testuinguru horretan, Gipuzkoak LGTBI+ arloko nazioarteko 14 influencer hartu ditu astelehen honetatik aurrera, eta Gipuzkoako Foru Aldundiko Mugikortasuneko, Turismoko eta Lurralde Antolaketako Departamentuak antolatutako fam trip esklusibo batean parte hartuko dute. Azahara Domínguez diputatuak harrera egin dio taldeari. Diputatuak Gehitu elkarteak Donostian duen egoitzan haiekin tarte bat partekatzeko aukera izan du, elkarte horretako ordezkariek ere parte hartu duten topaketa batean.
Bidaia honen helburua Gipuzkoako erakargarri turistiko nagusietako batzuk erakustea da. Horrela, taldeak Balenciaga museoaz eta Getariako Txakolin dastaketaz gozatzeko aukera izango du, baita Zumaiako Flyscha ezagutzeko, Ordiziako merkatua eta Ondarre gaztandegia bisitatzeko eta Goierriko sagardotegi baten esperientzia ezagutzeko ere.
"LGTBI+ turismoa segmentu estrategikoa eta balio handikoa da turismo-garapenerako. Gainera, turismo mota honek Gipuzkoa lurralde moderno, abegikor eta errespetuaren eta aniztasunaren balioekin lerrokatuta kokatzen laguntzen du ", nabarmendu du Azahara Domínguez diputatuak.
Audientzia orokorra
Diputatuak azaldu duenez, 14 eduki sortzaile espezializatu horien presentziak "Gipuzkoaren irudia audientzia guztiei proiektatzea ahalbidetuko du, helmuga inklusibo eta jasangarri gisa duen posizionamendua indartuz". Bere argitalpen, bideo eta kontakizun pertsonalen bidez, balio handiko edukia sortuko da, beste bidaiari batzuk lurraldea ezagutzera bultzatuko dituena.
"Gipuzkoak aniztasuna ospatzen duen, kulturen arteko zubiak eraikitzen dituen eta gizarte irekiago eta kohesionatuago bati laguntzen dion turismoaren aldeko apustua egiten du. Aldundiak gure izaera abegikorra eta errespetuzkoa ezagutarazteko eta kalitate handiko bisitariengana hurbiltzeko aukera emango diguten ekimenak babestuko ditu ", amaitu du diputatuak.
3813