Gipuzkoako Foru Aldundiak asteartean bukatuko ditu San Josepen zarataren aurkako pantailak jartzeko lanak

Gipuzkoako Foru Aldundiak Arrasateko San Josepe auzoan pantaila akustikoak instalatzeko obren azken faseari ekingo dio dagoeneko eta bihar amaituko du pantaila lerroaren instalazioa. Azken lanak amaituta, datorren asteartean bi erreietan trafikoa normaltasunez berrezarriko dela aurreikusten da.

Horrela, eta plangintzaren arabera, bihar, abenduak 19, pantaila akustikoen lerroaren instalazioa amaituko da, eta abenduaren 20an, larunbata, metalezko hesia jarrita amaituko dira lanak. Ordutik aurrera, astelehenean, obra-hesiak kenduko dira, eta abenduaren 23an, asteartea, zirkulazioko bi erreiak gaituta geratuko direla aurreikusten da, eta obren tartean trafikoa normaltasunera itzuliko da.

Jarduketa hau Aldundiaren Zarataren aurkako Ekintza Planaren barruan kokatzen da, eta auzoko baldintza akustikoak nabarmen hobetzea ahalbidetuko du, 400 pertsona ingururi eraginez, egindako neurketen arabera.