Dantzan

2021. urteko jarduerak

Herria: Gipuzkoa

Web orria: https://dantzan.eus

E-posta: dantzari@dantzan.com

Dantzan

Dantzaren, eta bereziki, dantzaren komunikazioaren eremuan sortu zen Dantzan elkartea 2002. urtean, eta dantzaren hedapena eta sustapenean dihardu ordutik.

Gaur egun euskal dantzaren inguruko informazioa, albisteak, bideoak, agenda eta bestelakoak sareratzen dituen dantzan.eus webguneaz gain, dantzaren lotutako beste zenbait jarduera burutzen dira elkarte honetatik, besteak beste:

• Euskal dantza irakasleen formaziorako jarduerak antolatu eta eskaintzen ditugu Gipuzkoako Foru Aldundiaren Dantzan Ikasi programaren bidez.
• Gipuzkoako Dantzagunearen kudeaketan parte hartzen dugu Dantzaz elkartearekin eta Eragin enpresarekin batera osatzen dugun Ondare2.0 Aldi Baterako Enpresa Elkartearen bidez.
• Euskal dantzaren artxibora begira lanean dihardugu eta dagoeneko euskal dantzaren milatik gora bideo-zinta digitalizatu eta dokumentatu ditugu.
• Ondare immateriala inbentariatzeko lanetan euskal dantzen fitxak egiten parte hartu dugu.
• Euskal dantza eta kultura tradizionalaren inguruko hitzaldiak etaeskaintzen ditugu.
• Hainbat dantza ekitaldiren antolaketa eta kudeaketan parte hartzen dugu, hala nola Gipuzkoako Urrezko Dominaren ezpata-dantza Gipuzkoako Diputazioaren eskariz eta Ikerfolk elkartearekin elkarlanean edo Gaztemundu Dantzan programa, Eusko Jaurlaritzaren enkarguz, besteak beste.
• Dantzarekin lotutako aholkularitza eta sustapena lanak bideratzen ditugu, bai erakunde publiko zein pribatuentzat, zein kultur elkarte edo dantza taldeentzat: generoa eta berdintasuna, sentsibilizazioa, formazioa, komunikazioa...
• Dantzaren inguruko informazio eta dokumentazio zerbitzua eskaintzen dugu, bai emailez, bai telefonoz (943 53 04 40), bai Eibarren (Ubitxa 16 behea) dugun bulego nagusian.