Irekita dago Anton Abbadia sarirako hautagaiak aurkezteko epea
Euskararen erabilera sustatzeko alorrean nabarmendutako pertsona edo erakundeei ematen die saria Gipuzkoako Foru Aldundiak eta hautagaiak aurkezteko epea 2020ko irailaren 17an bukatuko da.
- 284
Anton Abbadia saria banatzen den 21. aldia izango da aurtengoa. Urtez urte, euskararen erabilera babestu, sustatu edo hedatzeko lanetan aritu diren hainbat pertsona eta erakunde saritu ditu Gipuzkoako Foru Aldundiak. Saria jasotzeko hautagaiak aurkeztu daitezke, gutxienez bi erakunde edo elkartek batera hautagai bakarra babestu eta aurkezten badute. Horretarako epea 2020ko irailaren 17an bukatuko da. Sari banaketa ekitaldia 2020ko abenduaren 2an izango da.
Albiste honen bukaeran daude Anton Abbadia saria arautzen duten oinarriak eta hautagaiak aurkezteko eredua.
Orain arte saritutakoak
- Arantxa Urretabizkaia - 2019
- Ahotsak.eus - 2018
- Ibon Sarasola - 2017
- Moriarti Produkzioak - 2016
- Kike Amonarriz - 2015
- Ixa taldea - 2013
- Mintzalagun ekimena - 2011
- Joxerra Garzia - 2009
- Imanol Urbieta - 2007
- Juanba Berasategi - 2006
- Armiarma - Literatura sarean - 2005
- Tinko Euskara Elkartea - 2004
- Elay taldea - 2003
- Juan Zelaka - 2002
- Dionisio Amundarain - 2001
- Ttakun elkartea - 2000
- Karmele Esnal - 1999
- Antton Olariaga - 1998
- Arrasate Euskaldun Dezagun - 1997
- Arantzazuko Egutegia - 1996