Departamentua
Bide Azpiegituretako Departamentuaren eginkizunak eta jarduera esparruak honako hauek dira: errepide sarea planifikatu eta eraikitzea, eta Lurraldeko azpiegitura sarea kontserbatu eta ustiatzea.
Hainbat helburu nagusi ditu departamentuak legealdi honetarako: Gipuzkoako biribilgunea amaitzea; Lurraldea zeharkatzen duten ibilgailu astunei ordainsaria eskatzeko sistema berria martxan jartzea (N-1, Etzegarate); errepideen mantentzea optimizatzea; autobideko sarbideak eta errepideen sarea hobetzea; eta BIDEGI foru sozietatearen eredua indartu eta sustatzea erabiltzaileen kudeaketak errazteko konponbide teknologikoak abian jarriz.
Esteka interesgarriak
Aurrekontuen kontu saila
Bide Azpiegiturak departamentuaren jarduketa estrategiko nahiz operatiboa aurrera eramateko 2019ko aurrekontua:
82.359.213,68 €Kudeaketa Plan Estrategikoaren Kontu ematea
Taldea
Aintzane Oiarbide
Bide Azpiegituretako Foru Diputatua
Errenterian jaioa, 1964an.
Filosofia eta letretan lizentziatua (Euskal Filologia)
Errenteriar jaiotzez baina Bergaran bizi naiz azken 20 urteotan. Filosofia eta letretan lizentziaduna naiz Deustuko Unibertsitatetik (Euskal Filologian). Nire ibilbide profesionala komunikazioaren eta komunikabideen inguruan izan da: filmeen bikoizketan, telebistako programen gidoilari, produktore eta zuzendari izan naiz urte luzez besteak beste. Komunikazioarekin batera politika da nire beste pasioa. 2007tik 2015 bitarte Gipuzkoako Batzar nagusietan batzarkide izan naiz eta Bide Azpiegitura batzordeko EAJ-ren bozeramale, eta azken lau urteotan Bergarako zinegotzi. Gaur egun, hain zuzen ere, Bide Azpiegitura Diputatua naiz Gipuzkoako Foru Aldundian.
Irakurri CV osoaAlorretako zuzendariak
- Errepideak:
- Silvia Perez
- Kudeaketa eta Plangintza:
- Mikel Uribetxebarria
Zuzendaritzak
Errepideetako Zuzendaritza Nagusia
Zuzendaritza honen zeregin nagusia Gipuzkoako Errepide Sarea eraikitzea da, gizartearen beharrei modu eraginkorrean erantzuteko.
Kudeaketa eta Plangintza Zuzendaritza Nagusia
Arlo honek Gipuzkoako Errepide Sarearen planifikazioa eta eraikita dauden errepideen kudeaketa ditu ardatz.