Diputatuen kontseiluak 2026ko irailaren 22ko bileran onartutako gaiak

JASANGARRITASUN DEPARTAMENTUA

• Kontratazio espediente hau onestea: Gipuzkoako itsasbazterreko hondartzak garbitzeko zerbitzuak.

ZAINKETA ETA GIZARTE POLITIKETAKO DEPARTAMENTUA

• Imsersorekin sinatu beharreko hitzarmena onestea, haren informazio-sistemaren eta Autonomiarako eta Mendekotasunaren Arretarako Sistemaren informazio-sistemaren arteko elkarreragingarritasuna ahalbidetzeko prozedura ezarri eta arautzeko.
• Urterokoen doikuntza onestea obra kontratu honetan: Donostiako Txara I egoitza-zentroa eraberritzeko Proiektuko obrak.
• Kontratazio espediente honetan atzera egitea eta espediente berri bat onestea: autismoaren espektroko nahasmendua (AEN) duten helduentzako eguneko zentroko zerbitzua, Pasaiako Eskalantegi kalean.
• Onestea egoitza-zentroan plazen ituntzea handitzea erakunde honekin: Casa Hospital San Juan de Dios, Donostiako Errondo Gure Etxea zentroan.
• Udal eta mankomunitateekin formalizatutako Etxeko Laguntza Zerbitzua finantzatzeko hitzarmenen luzapena onestea.

GOBERNANTZA DEPARTAMENTUA

• 2026ko uztailaren 7ko erabakiaren III. eta VI. eranskinetan antzemandako akatsak zuzentzea: 2023ko, 2024ko, 2025eko eta 2026ko enplegu publikoaren eskaintzetan sartutako plazak oposizio-lehiaketa bidez eskuratzeko hautaketa-prozesuen deialdiak onetsi zituen erabakiaren eranskinetakoak.

MUGIKORTASUNEKO, TURISMOKO ETA LURRALDE ANTOLAKETAKO DEPARTAMENTUA

• Dirulaguntza hauen oinarri arautzaileak eta 2026ko deialdia onestea: Gabonetako turismoa dinamizatzekoak.

OGASUN ETA FINANTZA DEPARTAMENTUA

• 2/2026 Foru Dekretu Arauemailea, irailaren 22koa, Ekialde Ertaineko Krisiari Erantzuteko Plan Integralaren esparruan zenbait zerga-neurri hartzen dituena.
• Konpromiso kredituen sorrera Bide Azpiegituretako eta Lurralde Estrategiako Departamentuan.
• Konpromiso kredituen transferentzia Zainketa eta Gizarte Politiketako Departamentuan.

BIDE AZPIEGITURETAKO ETA LURRALDE ESTRATEGIAKO DEPARTAMENTUA

• Kontratazio espediente hau onestea: Gipuzkoako Foru Aldundiaren Andia ekitaldi aretoa, Donostiako Andia kalean dagoena, birgaitzeko proiektuak eta beste azterlan tekniko osagarri batzuk idazteko eta obrak zuzentzeko zerbitzuak.
• Gipuzkoako Urak SArekin sinatu beharreko hitzarmena onestea, proiektu honetako obrak egiteko eta finantzatzeko: GI-2131 errepidean Ikaztegietako zeharbidean trafikoa baretzekoa.

LURRALDE OREKA BERDEKO DEPARTAMENTUA

• Hitzarmen hau onestea: Euskal Autonomia Erkidegoko Administrazio Orokorrarekin sinatu beharrekoa, "Gipuzkoako Lurralde Historikoko ustiategien titularrei aholkularitza" proiektua batera finantzatzeko.

KULTURA, LANKIDETZA, GAZTERIA ETA KIROL DEPARTAMENTUA

• Gipuzkoako Mendizale Federazioari dirulaguntza bat zuzenean ematea.
• Oarsoaldea, SAri dirulaguntza bat zuzenean ematea.
• Izendapen honen oinarri arautzaileak eta 2027ko deialdia onestea: Gipuzkoako etorkizuneko kirolariena.