Diputatuen kontseiluak 2026ko otsailaren 10eko bileran onartutako gaiak

DIPUTATU NAGUSIAREN ALORRA

• Dirulaguntza hauen 2026ko deialdia onestea: Giza Eskubideen eta Kultura Demokratikoaren Zuzendaritza Nagusiak kudeatutako programetakoak.

JASANGARRITASUN DEPARTAMENTUA

• Proiektu hau onestea: Idiazabal-Segura bidegorria argiztatzeko obrak (Gipuzkoako Bizikleta Bideen Lurralde Plan Sektorialaren 03 040F TARTEA).
• Dirulaguntza hauen oinarri arautzaileak eta 2026ko deialdia onestea: udalei eta hondakinak kudeatzen dituzten mankomunitateei zuzendutakoak, sakabanatutako zaborren pilaketa fokuak prebenitzen eta zuzentzen lagunduko duten jarduketak egiteko.
• Dirulaguntza hauen oinarri arautzaileak eta 2026ko deialdia onestea: irabazi-asmorik gabeko elkarteei zuzendutakoak, 2030 Agendaren garapen jasangarriko helburuak lortzen laguntzen duten proiektuak gauzatzeko.

ZAINKETA ETA GIZARTE POLITIKETAKO DEPARTAMENTUA

• Proiektu hau onestea: Txara II eraikineko lehen solairua partzialki eraberritzeko obrak gauzatzeko proiektu aldatua, bulego erabilerara egokitzeko.
• Kontratu honen aldaketa onestea: Txara II eraikineko lehen solairua partzialki eraberrituz bulego erabilerara egokitzeko proiektuaren obrak.

GOBERNANTZA DEPARTAMENTUA

• Letraduen hautaketa prozesuko (OP2020/05) plazen kopurua handitzea onetsi zuen 2025eko abenduaren 9ko erabakiaren aurka jarritako aukerako berraztertze errekurtsoa ez onartzea.

MUGIKORTASUNEKO, TURISMOKO ETA LURRALDE ANTOLAKETAKO DEPARTAMENTUA

• Gipuzkoako Garraioaren Lurralde Agintaritzarekin sinatu beharreko hitzarmena onestea, Gipuzkoako Lurralde Historikoko hiriarteko garraio publikoko zerbitzuetan BARIK eta BAT txartelen elkarreragingarritasuna ezartzeko.
• Enkante publiko bidez besterentzea Los Alcázares (Murtzia) udalerriko Torre del Rame antolamendu-sektorean dauden H-1 eta H-3 partzelak.

OGASUN ETA FINANTZA DEPARTAMENTUA

• Ogasun eta Finantza Departamentuaren datu eta dokumentuen tratamendurako zerbitzuaren kontratazio-espedientea onetsi zuen 2025eko abenduaren 23ko erabakiaren aurka jarritako aukerako berraztertze-errekurtsoa ez onartzea.

LURRALDE OREKA BERDEKO DEPARTAMENTUA

• Aldatzea Gipuzkoako Lurralde Historikoko baserritar misto profesionalentzako dirulaguntzen 2.1.a) oinarri arautzailea.