Marokorako misioak benetako aukerak ikusten ditu Gipuzkoako enpresentzat funtsezko sektoreetan.

Gipuzkoako Ganbera eta Gipuzkoako Foru Aldundia Gipuzkoako 20 enpresekin batera Marokon egiten ari diren misio estrategikoak aurrera jarraitzen du agenda trinko bat oinarri duela, eta horri esker, herrialde horrek nazioartekotzeko helmuga gisa duen potentziala bertatik bertara ezagutzen ari da.

Lehenengo egunetan, Casablancan eta Tangerren, ordezkaritzak bilera instituzionalak, enpresa-harremanak eta enpresa traktoreetara bisitak uztartu ditu, eta horrek ikuspegi zuzena eman die Marokoko ekosistema industrialari eta hura garatzeko aukerei buruz.

Casablancan bilera bat izan dute Marokoko Enpresen Konfederazio Orokorrarekin eta Ibilgailuen Industria eta Merkataritzarako Marokoko Elkartearekin, eta Espainiako Ganbera eta Ekonomia eta Merkataritza Bulegoan Espainiako Enbaxadako Ekonomia eta Merkataritza kontseilariarekin eta Marokoko finantza eta erakunde sareko ordezkariekin elkartu dira.

Tangerren Gipuzkoako ordezkariak erreferentziako industrien instalazioak ikustera joan dira, hala nola STELLANTIS eta RENAULT, eta bilerak egin dituzte Espainiako Tangerreko Ganberarekin eta Inbertsioen Eskualde Zentroarekin; horrela, herrialdeko industria polo dinamikoenetakoa zuzen-zuzenean ezagutzeko aukera izan dute.

Casablancan, halaber, GIMAS elkartea bisitatu dute, Marokoko aeronautikaren eta espazioaren sektorea biltzen duen elkartea, bai eta IRIZAR lantegia ere, nazioartean zabalduta dauden sektore estrategikoekiko eta enpresekiko harremana indartuz.

Aukerak sektoreka

Misioa Marokoko ekonomiaren zenbait sektore estrategikotan aukerak daudela egiaztatzen ari da. Automobilgintzan, Maroko esportaziora bideratutako polo industrial gisa finkatzen ari da; hornidura-kate egituratua du eta osagaien, automatizazioaren eta industria-zerbitzuen eskari handia. Aeronautikan, kluster espezializatuen garapenak eta nazioarteko talde handiak egoteak aukerak sortzen ditu aero egituretan, kableetan eta doitasunezko mekanizazioan. Elikagaien arloan, barne-eskariaren hazkundeak industrializazioa eta prozesu-makinen eta soluzioen beharra bultzatzen ditu. Bestalde, ehungintzak posizionamendu sendoa du ekoizpenean, malgua eta azkarra baita, Europara bideratua, eta aukerak eskaintzen ditu makinerian eta digitalizazioan.

Gipuzkoako enpresak sartzeko bideak

Gipuzkoako enpresak hiru eremutan ari dira aukerak aurkitzen nagusiki: automobilgintzan, non herrialdeko polo industrial nagusien hornidura kateetan integratzen baitira; ekipamendu ondasunetan, industriarako makineriarekin, automatizazioarekin eta ingeniaritzarekin; eta erdi-manufakturetan, tokiko industriarako eta hedatzen ari diren proiektuetarako material metalikoak, plastikoak eta kimikoak hornitzen baitituzte.

Lankidetza-ekosistema eta partnerrak

Misioa Marokoko erakunde eta enpresa ekosistemarekiko harremana indartzen ari da, besteak beste, CGEM, AMICA, GIMAS eta Eskualdeko Inbertsio Zentroaren bidez, bai eta Casablancako Merkataritza Ganberen eta Ekonomia eta Merkataritza Bulegoaren bidez ere. Era berean, herrialdean jada ezarrita dauden Gipuzkoako enpresekin esperientziak partekatzen ari dira, eta horrek merkatuan sartzeko eta finkatzeko estrategiak kontrastatzen laguntzen du.

Azken jardunaldia eta misioaren amaiera

Misioa bihar amaituko da Casablancan azken jardunaldiarekin, eta bilerak egingo dira Garrigues eta Kanpezu enpresekin. Horrela, ordezkaritzak bukatutzat emango du benetako merkatu aukerak baliozkotzea eta epe ertainean enpresa harremanak lotzeko bidean aurrera egitea ahalbidetzen duen agenda, estrategia, bazkideen hautaketa eta nazioartekotzearen ikuspegi progresiboa eskatzen duen ingurune batean.