Mugikortasuna, Turismoa eta Lurralde Antolaketa
Departamentua
Mugikortasuneko Zuzendaritza Nagusiak helburu hauek ditu: mugikortasun jasangarria, garraio publikoaren erabilera eta intermodalitatea sustatzea. Kohesioa indartzen du; eta, ondorioz, aukera-berdintasuna. Horrez gain, hiriarteko autobus-zerbitzua optimizatzearen eta modernizatzearen alde lan egiten dugu, gutxieneko kalitate-estandarrak ezarriz eta Lurraldebusen bezeroentzako informazio eta arreta zerbitzu integrala sortuz. Era berean, Foru Sareko garraiobideak sustatzea dugu helburu, lurraldearen komunikaziorako eta loturarako funtsezko elementu jasangarria baita.
Bestalde, Lurralde Antolaketako Zuzendaritza Nagusiaren jardun eremuan lurraldearen antolaketa eta kohesioa sartzen dira, eta Pasaiako badia pixkanaka berroneratzea lortzeko konpromisoa. Hirigintzari dagokionez, hirigintza-plangintza eta lurralde-informazioa sustatzeko eta gainbegiratzeko helburua dugu. Lurraldea sustatzeaz eta lurzorua eta ondarea kudeatzeaz ere arduratzen gara; halaber, Foru Aldundiaren eraikinen eraikuntzaz, birgaitzeaz eta kudeaketa teknikoaz.
Turismo Zuzendaritzaren asmoa da Gipuzkoa erreferente turistiko bihurtzea Euskadin, sortzen zaizkigun erronkei aurre egiteko eta turismo-eredu erresiliente, moderno eta lehiakor bat sortzeko politiken, ekintzen eta lidergo partekatuaren bidez. Turismo-eredu jasangarri eta orekatu bat, enplegua sortuko duena eta herrialdeko ekonomian eragin positiboa izango duena.
Aurrekontu partida
Mugikortasuna, Turismoa eta Lurralde Antolaketa, 2026an , bere jardun estrategiko zein operatiborako, urteko aurrekontu hau izango du:
Aurrekontua
104.499.388,59 €
Exekutatua
% 57,51
Intereseko estekak
-
Mugikortasuna
-
Lurraldebus
-
Takografo digitala
-
Gidarien Gaitasun Agiria (GGA)
-
Oarsoaldeko proiektu aldatua
-
Turismo zuzendaritza
-
Gipuzkoa Turismoa
-
Gipuzkoako Behatoki Turistikoa
-
Lurralde Antolaketa
-
Pasaiako badiaren biziberritzea
-
Gipuzkoa 1:5000
-
Gipuzkoako hirigintzako plangintzaren erregistroa
-
Lurralde Plan Partzialen berrikuspenak
Azahara Domínguez
Mugikortasuneko, Turismoko eta Lurralde Antolaketako Diputatua
Irunen jaio nintzen 1990ean. Lurraldebus da urtean erabiltzaile gehien dituen foru zerbitzua, eta hazten jarraitzea nahi dugu. Horregatik, egunero zerbitzu hobea eskaintzeko lan egiten dut, zure beharretara egokitzen diren linea eta ordutegiekin, Gipuzkoan zehar mugitzeko autoaren beharrik izan ez dezazun. Gainera, turismo orekatu baten alde egiten dut, gure lurraldea eta bertan bizi garenok zainduko dituena eta eskualde guztietako milaka familiarentzat aberastasun-iturri izango dena. Eta pertsona guztiak kontuan hartuko dituen eta klima-aldaketa edo landaguneetako despopulazioa bezalako erronkei erantzuteko gai izango den hirigintza-plangintza baten alde egiten dut. Horrela, guztiok gure bizitza garatzeko aukera berdinak izango ditugun Gipuzkoa eraiki dezakegu.
Zuzendaritzak
Ruben Dario
Mugikortasuneko eta Garraio Publikoko zuzendaria
Zuzendaritza honen helburua da gure lurraldeko mugikortasuna antolatzea eta planifikatzea, garraio publikoari lehentasuna emanez.
Zuzendaritzaren webguneak
Lore Suárez
Lurralde Antolaketako zuzendaria
Zuzendaritza honek hainbat helburu nagusi ditu; lurraldearen antolakuntza eta kohesioa, hirigintza planen sustapen eta gainbegiratzea, lurraldearen sustapena, lurzoruaren kudeaketa eta Aldundiaren ondare higiezinaren kudeaketa.
Departamentuko aktualitatea
2026/10/05
Azahara Domínguez diputatuak jakinarazi duenez, 100.000 euroko dirulaguntza honen helburua da garai hauetan herrietako dinamismo ekonomikoa sustatzea.
2026/10/02
Azahara Domínguez diputatuak jakinarazi duenez, Ziztu eta Donostia-Leioa elkarteekin egin zen bezala, Unibide Elkartea eta Martxan bidaiariak erakundeak diruz lagunduko ditu. Bi erakunde horiek Goierriko eta Urola Garaiko ikasleak, batetik, eta Urola Kostako eta Urola Erdiko ikasleak, bestetik, Debagoieneko unibertsitate-campusetara lotuko dituzte, pertsona horien joan-etorrien kostua MUGIrekin bidaiatuz gero izango luketenaren antzekoa izan dadin.
2026/09/30
Azahara Domínguez diputatuak jakinarazi duenez, urriaren 13tik, asteartea, Donostia eta Tolosa zuzenean lotzen dituen lineak zerbitzu berri bat izango du astelehenetik ostiralera, 22:10ean abiatuko dena Donostiako Askatasunaren Etorbidetik.