Zarauzko eta Oiartzungo ordainlekuek hainbat bide berritu eta teknologia berriaz hornituak ireki dituzte gaur

Zarautz Ekialdeko eta Oiartzungo kobrantza geltokien berritzeak aurrera jarraitzen du, eta berritutako bideetan hainbat proba egin ondoren, gaur ireki dira. Zehazki, Zarautzen dagoeneko zabalik dago zabalera berezia duen sarbidea, eta Oiartzunen, berriz, berritutako bi bide ireki dira.

Bi kasuetan, markesinak eta igarobideak ordeztu dira eta arku berriak jarri dira. Erabiltzaileak bide horietatik ibil daitezke Abiatu eta Via-T gailuak erabiliz, gelditu beharrik gabe. Era berean, telefono mugikorraren, erloju adimendunaren edo banku txartelaren bidez kontakturik gabe ordaintzea onartzeko prest daude bide berriak, eta eskudirutan ordaindu ahal izateko makina bat dute. Bide berriek matrikula irakurtzeko kamerak eta sentsoreak dituzte, ibilgailu mota bereizteko, bai eta erabiltzailearen eta operadorearen arteko komunikazio-mekanismo bat ere.

Estazio martxan mantenduz egin dira lanak. Behin hiru bide horiek irekita – bat Zarautzen eta bi Oiartzunen –, bi ordainlekuak berritzeko lanekin jarraituko dute. Helburua da geratzen diren faseak amaituta egotea, eta, beraz, estazio berrituak urte amaieran martxan egon ahal izatea.

Bidegi 7,5 milioi euroko inbertsioa egiten ari da bi kobrantza estazio horiek berritzeko. Berezitasun gisa, nabarmendu behar da Zarauzkoan bi bide itzulgarriak izango direla, eta Oiartzunen, berriz, geltokiko kontrol zentroa egokituko dela.