Ekitaldia
Sagar Uzta, Astigarragan
2022/09/25 11:00 - 13:30
Sagardoarekin lotura hertsia duen udalerria da Astigarraga; izan ere, Hernanirekin batera sagardoaren "hiriburutzat" dute askok.
Hala, egun horretan Astigarragara bertaratzen direnek lehendabiziko sagar-muztioa probatzeko eta edari hori nola egiten den gertu-gertutik ikusteko abagunea izango dute. Sagarra prentsatzeko lanak hasi berri dira, eta horregatik, hain zuzen, fruta hori izango da eguneko protagonista nagusia.
Egitarauaren barruan honako jarduera hauek nabarmendu behar dira: produktu desberdinen (bertako sagarrak, sagardoa eta sagar-gozokia, esaterako) erakusketa eta salmenta eta hainbat erakustaldi.