Albisteak

Gipuzkoak ekosistema ekintzaile sendo eta finkatua du, lankidetza publiko-pribatuan oinarritzen da eta 2025ean 330 enpresa-ekimen baino gehiago izan ditu. Gipuzkoako Foru Aldundiak, Multiverse Computing-ek eta Málaga Tech-ek esperientziak partekatu eta lankidetzako aukerak aztertu dituzte ekintzailetza teknologikoaren eta teknologia kuantikoen arloan.

Idiazabalgo enpresa nazioarteko liderra da sektore eolikorako errodamendu handien diseinuan eta fabrikazioan, eta Orkestrak Euskadiko Txapeldun Ezkutu izendatu du aste honetan. Aintzatespen horrek Laulagun Gipuzkoako industria-eredua hobekien ordezkatzen duten enpresen artean kokatzen du: berritzailea, nazioartekotua, kalitatezko enplegua sortzen duena eta lurraldean errotuta dagoena.

Proiektuak aurrera egin du teknologia benetako baldintzetan baliozkotzeko azken asteotan Amezketa eta Abaltzisketan egindako probekin. Herritarrak, tokiko enpresak eta eragile teknologikoak elkarlanean ari dira garraio-eredu jasangarria, autonomoa eta udalerri txikietara egokitua lortzeko.

Eider Mendoza Gipuzkoako diputatu nagusiaren hitzetan, "teknologia kuantikoa industrian integratzeak aukera handia ematen du enpresen lehiakortasuna eta lidergoa indartzeko". Gipuzkoako Foru Aldundiak teknologia kuantikoko proiektu pilotuen aldeko apustua egiten jarraituko du enpresa-sarean 2026an, 1,5 milioi euroko laguntzekin.

Eider Mendoza diputatu nagusiak zuzenean ezagutu du Fagor Automationen negozio-lerro berria: Smart Encoder Systems (SES), zehaztasun-teknologiaren eta aukera global berrietara irekitzearen aldeko apustua.

Ekonomia Sustapeneko eta Proiektu Estrategikoetako diputatuak, Unai Anduezak, berdinik gabeko garapen teknologiko hau bisitatu du Tolosan, Estatu Batuetako paperaren sektoreko bezero batentzat diseinatua. Cut Size makina gai da segundo bakoitzeko lau folio pakete ere ekoizteko; hala, efizientzia eta produktibitate estandar berria ezarri du nazioartean.

Eider Mendoza diputatu nagusiak eta Unai Andueza diputatuak sendotu egin dute Kanadan Gipuzkoaren berrikuntza-ekosistemaren proiekzio globala, bai eta deep tech delakoaren garapen europarra gidatzeko apustu estrategikoa ere. CDL Donostiak azelerazio teknologikoko munduko foro nagusietako batean parte hartzeak eta Multiverse Computing-en arrakasta-kasuak agerian uzten dute lurraldeak gaitasuna duela ezagutza aurreratua nazioarteko inpaktuko enpresak izan daitezen.

DistriQ Quebec-eko berrikuntza kuantikoaren gune nagusia bisitatzeak lankidetza-aukera berriak sendotzen ditu teknologia kuantikoetan erreferente global izatera deitutako bi lurraldeen artean. Eider Mendoza Gipuzkoako diputatu nagusia eta Unai Andueza Ekonomia Sustapeneko eta Proiektu Estrategikoetako diputatua eremu kuantikoan lankidetza estrategikoak bultzatzeko misio instituzional baten buru dira Kanadan.

Bi egunez, diputatu nagusiak Quebec-eko berrikuntza kuantikoko gune nagusia bisitatuko du, Torontoko CDL nazioarteko topaketan parte hartuko du eta Multiverse Computing-en hedapena ezagutuko du. Albaolarekin batera, Kanadako Gobernuarekin eta Labradorreko parlamentariekin elkartuko da, San Juan ontzia Kanadara joateko bidaiari buruz hitz egiteko.

MUBILek bere hazkunde-estrategia aurkeztu du lehen urteurrenean, eta sektoreko enpresen hazkundera bideratutako eraikin berri baten sorrera iragarri du; 7,5 milioi euroko inbertsioa izango duena. Eider Mendozak adierazi du zentroa martxan jartzeak "aurreikuspen guztiak" gainditu dituela, eta ziurtatu du instalazio berriek "industriaren eta ekonomia berriaren sorkuntzaren zerbitzura dagoen ahalmen eraldatzailea" handituko dutela.

Ordezkaritza Gipuzkoako Ganberak, Foru Aldundiak eta lurraldeko 20 enpresak osatzen dute, eta Casablanca eta Tangerren jarraitzen du, harreman estrategikoak eginez eta Renault eta Irizar trakzio enpresak bisitatuz.

Ordezkaritza Casablanca eta Tanger-Kenitran izango da apirilaren 27tik 30era bitartean, Marokoko industria polo nagusietako bi, Gipuzkoako enpresentzat negozio aukerak sustatzeko. Zenbait sektoretako Gipuzkoako 20 enpresak hartzen dute parte, Gipuzkoako Foru Aldundiko eta Gipuzkoako Ganberako ordezkariekin batera.

Ekitaldian ikasleak, enpresak eta ekosistemako eragileak elkartu dira MUBIL Centerren, mugikortasunaren arloan talentua bultzatzeko. Euskadi guztiko Formula Student eta MotoStudent taldeek beren gaitasun teknikoak eta profesionalak aurkeztu dizkiete sektoreko enpresei. Eider Mendozak ekimen horien garrantzia azpimarratu du, kalitatezko enplegua eta ongizatea sortzeaz gain, lurraldeko indarguneetan oinarritutako balio handiko sektoreak sustatzen dituztelako eta gazteei ateak irekitzen dizkietelako.

Diputatu nagusia lurraldeko enpresa nagusiekin elkartu da gaur, arlo horretako enpresen nazioarteko erronkak eta lehiakortasuna aztertzeko. Gipuzkoak ordezkaritza zabala du WindEurope Europako azoka eoliko handienean: lurraldeko 13 enpresa daude sektoreko erakusleiho nagusian.

"Ezarri eta Inzu bezalako enpresa eta talde sendoak ezinbestekoak dira Gipuzkoaren lehiakortasun eta egonkortasunerako", azpimarratu du Eider Mendoza diputatu nagusiak. Aldundiak Gipuzkoako ekonomiaren eragile diren enpresengandik gertu egoteko eta haiekin batera lan egiteko konpromisoa berretsi du.

Eider Mendoza diputatu nagusia buru izan duen lan topaketan, bertatik bertara ezagutu dute osasunaren arloan teknologia kuantikoak aplikatzeko ekimen honen garapena.

Imanol Pradales Lehendakariak eta Eider Mendoza Gipuzkoako diputatu nagusiak inauguratu dute Europa hegoaldean erreferente den hitzordu honen 5. edizioa. Aurtengoan, 110 enpresak parte hartzen dute, eta gero eta profil industrialagoa eta nazioartekoagoa dute. Lehendakariak mugikortasun jasangarriaren industriaren euskal sektorearen sendotasunean konfiantza izateko eta aukera-unea aprobetxatzeko eskatu du.

Elkarri lotutako bost laborategiek fabrika aurreratu baten ziklo osoa erreproduzitzen dute, profesionalen prestakuntza benetako baldintzetan sustatzeko. Danobaten dBOT robota doitasun handiko soluzio aurreratua da, robotikan orain arte ikusi gabeko teknologia integratzen duena, eta robotikan esperimentatzeko eta ikasteko erreferentziazko gune gisa kokatzen da.

Europako hegoaldeko mugikortasun jasangarriari buruzko azoka profesionalak gero eta parte-hartze handiagoa du; halaber, haren industria profila indartu egin du, eskaintza anitzagoa eta espezializatuagoarekin

Planak 32 milioi euroko aurrekontua du eta 39 laguntza lerro ditu, eta helburua da Gipuzkoako enpresa sarearen lehiakortasuna indartzea egungo erronka ekonomiko eta geopolitikoen aurrean. Planak zazpi jarduera eremu ditu enpresei eraldaketa teknologikoan, hazkundean edo kanpo proiekzioan laguntzeko, besteak beste.