Ba al dakizu urte gehiago bizitzeaz gain, hobeto bizi ahalko ditugula?
Aurkitu gehiago Etorkizuna Eraikiz gunean
Etorkizuna Eraikiz gunera joanProiektua
Adinberri ekimenaren bidez, Gipuzkoako Foru Aldundiaren helburua da martxan jartzea zahartze osasuntsurako eta adinekoan arreta integralerako eredu berri bat. Gaurko eta biharko erantzuna da.
Zahartzearen arreta guztiz berritzaile bat bermatuko duen estrategia bat, sektore soziosanitarioko enpresa, erakunde eta instituzio guztiak bilduko dituena, pertsonengan oinarritutako arretarik berri eta eraginkorrena eskaintzeko.
Iraultza zahartzearen arreta ereduan
Ezaugarri hauetako zentro bat aukera ezin hobea da arreta soziosanitarioan diharduten eragileen arteko lankidetza eta koordinazioa hobetzeko, eta ahalik eta etekinik handiena ateratzeko Gipuzkoak alor honetan duen berrikuntza eta espezializazio ahalmenari.
Horretarako, harremanetan jarriko ditu alor honetan lan egiten duten industria, unibertsitateak eta berrikuntza eragileak, esperimentazio errealeko ingurune bat eskaintzeko Pasaiako zentroari.
55 urte baino gehiagoko pertsonak
2017 35%
Gehiago biziko gara, hobeto bizi gaitezen ikertzen ari gara
2031n, Gipuzkoako biztanleen %46,5 55 urtetik gorakoak izango dira. Ia erdiak. Horregatik, Gipuzkoako Foru Aldundiak erabaki du aurrea hartzea etorkizunari, Etorkizuna Eraikiz ekimenaren baitan, eta Adinberri egitasmoa sortu du, Zahartze Osasuntsurako Estrategia Gipuzkoan.
Nola irudikatzen duzu zeure burua 30 edo 40 urte barru? Nolako bizi kalitatea izango duzu? Etxean jarraituko duzu bizitzen? Zer espero duzu?
Berrikuntza
Gipuzkoaren berrikuntza ahalmena zahartze osasuntsuaren zerbitzura
Adinberrik lankidetzan oinarritutako ingurune ireki bat izan nahi du, helburua izanik ikertzea, esperimentatzea eta proiektu nahiz zerbitzu berriak probatzea, ahalik eta gehien luzatzeko hainbat esparrutan zahartzaro osasuntsua Gipuzkoan.
Etorkizuneko etxea
“Smart” irtenbideak, adineko pertsonak ahalik eta gehien bizi daitezen etxean, ahalik eta modurik autonomoenean, beren kabuz, haien ingurunea egokituz soluzio berrietara.
Etxebizitza egokituak, domotika eta segurtasun adimenduan, co-housing…
Pertsona ardatz duen arreta
Berrikuntza bultzatzea mendekotasun egoeran dauden adinekoei eskaintzen zaizkien zaintzan eta arretan. Hala nola Etxean Bizi, uztartu egiten dituena gizarte arreta, osasun arreta, ekintza boluntarioa eta gertutasun zerbitzuetako eta ingurune komunitarioko beste ekintza batzuk.
Eguneroko bizitza kudeatzea, laguntza etxean, prebentzioa eta ohitura osasuntsuak, laguntza teknikoak, formakuntza eta entrenamendua, errehabilitazioa…
Adinarekin adeitsuak diren inguruneak
Adinekoen eguneroko bizitzari mesede egingo dioten espazio eta ingurune publikoak sortzea, hirian nahiz landa eremuan.
Garraio egokitua, ingurune lagunkoia, “mikro” logistika, azken miliako irisgarritasuna, mugikortasuna eta orientazioa…
Baliozko zahartzea
Adinekoak gizartean parte hartzera bultzatuko dituzten ekimenak sortzea. Bereziki, boluntarioentzako eta denbora libreko programen bidez.
Gizarte partaidetzaren eta okupazioaren kudeaketa, ikaskuntza sistemak, lan arloan laguntzeko sistemak, belaunaldi arteko integrazioa, mentoring…
Zahartze aktiboa
Zahartze aktiboa eta produktu nahiz zerbitzu berriak sustatzen dituen lurralde erakargarri bat sortzea.
Turismo egokitua, turismo digitala, edukien kudeaketa, entrenamendu fisikoa eta kognitiboa, sare sozialak…
Zahartze osasuntsua
Gipuzkoak elikaduraren arloan duen ahalmenaz baliatzea elikagai osasuntsu berriak sortzeko, adineko pertsonek erraz manipulatu eta erabiliko dituztenak. Gainera, elikadurarekin lotutako on-line zerbitzuak eta aurrez aurrekoak (tokiko merkataritza) sortzea.
Zentroa
Europako erreferentzia zahartzearen arretan
Adinberri zentroaren lehen harria 2019ko maiatzean jarriko da. Zentro berri horrek uztartuko ditu adineko pertsonen arreta (egoitza bat, eguneko zentro bat eta babespeko apartamentuak) eta ikerketa, Gipuzkoako espezializazio maila hobetzeko zahartzeari lotutako produktu, zerbitzu eta soluzioetan nahiz osasun arloko teknologietan.
Helburuak
- Adinekoen zaintzan berritzailea izango den egoitza bat sortzea.
- "Etxean ez bada, etxean bezala” ereduari bultzada ematea.
- Erreferente izatea adinekoen ongizate eta osasunaren prebentzioan, zaintzan eta sustapenean.
- Eskualdean integratuko den zaintza ekosistema bat sortzea, beste eskualde batzuetara esportatzeko modukoa.
- Eragile izatea Pasaiako Badiaren Biziberritze Planean.
Zerbitzuak
- Adineko pertsonen egoitza (120 plaza).
- 21 babespeko apartamentu.
- Eguneko zentroa.
- I+G+b eta zahartzeari buruzko formakuntza.
- Pasaiako Oinarrizko Gizarte Zerbitzuen bulegoak.
- Beste erabilera komunitario batzuk.
- Plaza eta berdeguneak aire zabalean.
- Aparkalekua.