Programatutako bidalketa: 2022

Etorkizuneko ni maitea. Hainbat urte edo, hobe esan, hamarkadako aldea dago gu bion artean, eta gauza bakar bat eskatzen dizut: ez zaitez aldatu.

Eta aldatzen bazara, izan dadila hobetzeko. Batzuetan, zientzia fikziozko filmak ikusten ditudanean, etorkizuna nolakoa izango ote den pentsatzen dut. Pentsatzen dut ez dela kotxe hegalaririk egongo, baina espero dut 150 urtera arte gazte izanez bizitzea guztiz naturala izango dela.

Espero dut elkarrekin hartzen ditugun erabakiek zoriontsu egingo gaituztela. Eta espero dut Jaime eta Goizane zaintzen jarraituko duzula, eta Iratxek zure ondoan jarraituko duela.

Besarkada bat, Patxi. Gaurko Patxi.

2018ko urriaren 1ean idatzia

Gehiago biziko gara, hobeto bizi gaitezen ikertzen ari gara

2031n, Gipuzkoako biztanleen %46,5 55 urtetik gorakoak izango dira. Ia erdiak. Horregatik, Gipuzkoako Foru Aldundiak erabaki du aurrea hartzea etorkizunari, Etorkizuna Eraikiz ekimenaren baitan, eta Adinberri egitasmoa sortu du, Zahartze Osasuntsurako Estrategia Gipuzkoan.

Nola irudikatzen duzu zeure burua 30 edo 40 urte barru? Nolako bizi kalitatea izango duzu? Etxean jarraituko duzu bizitzen? Zer espero duzu?

Idatz iezaiozu gaur zeure buruari esan nahi diozuna

  • Gutun hau publikoa izatea nahi dut: