Programatutako bidalketa: 2031

Etorkizuneko ni maitea:

Zu ezagutzeko irrikaz nago, baina oraindik beste 15 urtez itxaron beharko dut. Denbora tarte horretan milaka gauza gerta daitezke. Azken 15 urteetan, adibidez, nire lehen lana lortu dut, egungoa; maitemindu egin naiz, baita ezkondu ere, eta hiru seme-alaba izan ditut. Ez da gutxi!

Eta hemendik 15 urtera? Bada, ez dakit. Horrexegatik idatzi dizut. Argi utzi nahi dizut zugan konfiantza osoa dudala. Edozeri aurre egiteko adina ausardia duzu. Eta eguneroko gauzez gozatzeko gaitasuna. Ziur nago gure izenean oso ondo erabakitzen jakin duzula.

Eskerrik asko. Miren.

2018ko urriaren 1ean idatzia

Gehiago biziko gara, hobeto bizi gaitezen ikertzen ari gara

2031n, Gipuzkoako biztanleen %46,5 55 urtetik gorakoak izango dira. Ia erdiak. Horregatik, Gipuzkoako Foru Aldundiak erabaki du aurrea hartzea etorkizunari, Etorkizuna Eraikiz ekimenaren baitan, eta Adinberri egitasmoa sortu du, Zahartze Osasuntsurako Estrategia Gipuzkoan.

Nola irudikatzen duzu zeure burua 30 edo 40 urte barru? Nolako bizi kalitatea izango duzu? Etxean jarraituko duzu bizitzen? Zer espero duzu?

Idatz iezaiozu gaur zeure buruari esan nahi diozuna

  • Gutun hau publikoa izatea nahi dut: