Emakume baten aurkako eraso bakoitza gizarte osoaren aurkako kolpea da. Indarkeria matxista ez da arazo indibiduala. Zerbait oker dagoenaren erakusle da. Beraz, irtenbidea bilatzea guztion zeregina da.
Ezin dugu indarkeriaren zama biktimen gain erortzen utzi. Gure babesa, bakarrik ez daudela, sentiarazi behar diegu.
Indarkeria matxista mota guztiek gizarte osoa kolpatzen eta makurrarazten (umiltzen) dute, eta ezin ditugu onartu.
Azaroaren 25a Emakumeen Aurkako Indarkeriari Aurre Egiteko Nazioarteko Eguna da..
Gipuzkoa osoarekin batera, egiozu aurre indarkeria matxistari eta parte har ezazu egun horretarako antolatu ditugun ekitaldietan.
Denok bat
Azaroren 25ean Donostian, Aldundiaren Jauregiaren aurrean, elkarretaratuko gara babesa adierazteko indarkeria matxistari aurre egiten dioten emakumeei.
Deskargatu ezazu #DenokZu maskara eta etor zaitez. Sare sozialetan ere parte har dezakezu, maskara jantzita selfie bat argitaratuz. Horretarako erabili #IndarkeriaMatxista #DenokZu eta @OrainGipuzkoa. Eta nahi izanez gero, egun horretarako bakarrik bada ere, zure profileko irudi gisa jar dezakezu.
Ezin baduzu etorri, azaldu zure konpromisoa indarkeria matxistarik gabeko gizarte aske baten alde, #DenokZu irudia jarriz Facebookeko eta Twitterreko profileko irudi gisa.