Menu nagusira joan Eduki nagusira joan

Dantzagunea

Gipuzkoako Dantzagunea

Dantzaren sorkuntza eta formazio prozesuak sustatzeko eta laguntzeko Gipuzkoako Foru Aldundiaren zerbitzua.

Gipuzkoako Dantzagunean mota guztietako dantzek dute lekua, eta dantzaren jardunean diharduten elkarte, konpainia eta eragileei laguntzeko zerbitzuak ematen dira: dantza-aretoak lagatzea, Gipuzkoako areto-sarearekin koordinatzea, etengabeko formazio-jarduerak, aholkularitza, eta dantzaren sustapena helburu duten deialdi eta diru-laguntzen berri ematea. Beste dantzarako gune eta antzeko zentroekin elkarlanean aritzen da Gipuzkoako Dantzagunea.

Gipuzkoako Dantzagunea 2009 urtean sortu zen Gipuzkoako Foru Aldundiaren eskutik eta Artelekun izan zuen lehen haztokia. 2014tik Errenteriako Niessen eraikinean dauka egoitza. Kulturaren Euskal Planak dantzaren alorreko lan-lerro nagusitzat jo zuen herrialde bakoitzean dantzarako baliabideen gune eta erreferente nagusi izango zen dantza-etxe bat, Dantzagune bat, ezartzea.

Intereseko estekak

Egutegia
Aretoa eskatu
Deialdiak
Dokumentuak

Azken Albisteak

Soul Dance tailerra, Liloren eskutik

Freestyle Lab-ek (Unity Proiektuarekin lankidetzan) Soul Dance tailerra antolatu du Dantzagunean. Irakasle gonbidatua Lucía López Bueno (Lilo) dantzari eta koreografoa da. Tailerra apirilaren 15ean izango da, 18:00etatik 20:00etara. Ezinbestekoa da aurretiaz izena ematea eta prezioa 15 eurokoa da.

Dancehall eta Heels tailerrak, Dantzagunean

Freestyle Lab proiektuak (Unity elkartearekin lankidetzan) Dancehall eta Heels tailerra antolatu du Dantzagunean. Apirilaren 27an izango da, 16:00etatik 17:15etara (Dancehall, Lara) eta 17:15etatik 18:39etara (Heels, Maria). Lara eta Maria dantzariek gidatuko dituzte saioak.

"El encuentro", Ioseba Yerroren ikerketa laborategia

Ioseba Yerro dantzari, pedagogo eta koreografoak "El encuentro" ikerketa laborategia eskainiko du Dantzagunean, Dantzazeko dantzariekin batera. Publiko orokorra gonbidatu nahi dugu martxoaren 25, 26 eta 27an parte hartu dezan, 10:00etatik 14:00etara. Doako jarduera da eta ez da dantzarekin lotutako inolako esperientziarik behar.

Albiste guztiak ikusi