Hasiera - Dantzagunea - Gipuzkoako Foru Aldundia

Gipuzkoako Dantzagunea

Dantzaren sektorea sustatzeko Gipuzkoako Foru Aldundiaren zerbitzua.

DANTZAGUNEA Gipuzkoako Foru Aldundiak eta Errenteriako Udalak babestutako zerbitzu bat da, dantzaren sektorea sustatzeko jaio zena. Errenterian du kokalekua, eta bertan egoitza artistikoak bideratzeko eskuragarri ditugu dantza-aretoak. Sorkuntza, ikerketa, prestakuntza eta komunitatea sendotzeko lan egiten dugu. Horretarako, lurraldeko hainbat erakunde eta ekimenekin elkarlanean aritzen gara. Horietako batzuek, Donostiako Musika eta Dantza Eskola edo Errenteriako Herri Arte Eskola kasu, espazioen erabileran eta dinamizazioan parte hartzen dute bereziki.

Tokiko eta eskualdeko beste sare eta erakunde batzuk, hala nola Gertu Kultura, Gazteszena, Tabakalera, Karrikan, Atalak Sarea, Cruceiros Paraíso, Aterpean edo Sorburu, proiektuetan, dantza transmisio eta zabalkunde jardueretan, baita sorkuntza eta prozesu koreografikoen laguntza programetan ere parte hartzen dute.

Intereseko estekak

Izena

Abizenak

Posta elektronikoko helbidea Beharrezkoa

Azken Albisteak

2026/08/17

Sabrina Gargamo koreografoak ‘State of Alert’ antzerki fisiko eta dantza garaikideko tailerra emango du irailaren 7tik 10era Dantzagunean

Dantzaguneak ikasturte berriari hasiera indartsua emango dio irailaren hasieran, nazioarteko prestakuntza profesionalerako deialdi berri batekin. Sabrina Gargamo artista eta koreografoak "State of Alert" tailer intensiboa gidatuko du gure egoitzan, irailaren 7tik 10era bitartean. Dantzariei eta mugimenduaren artista profesionalei zuzendutako topaketa honek antzerki fisikoaren, Flying Low teknikaren eta kapoeiraren arteko bidegurutzeak arakatzea du helburu.