ESTREINALDIA: "Moor krad", Ertza Bilbon abenduaren 9an
Azken ukituak ematen ari zaio Asier Zabaleta Gipuzkoako Dantzagunean prestatutako lanari. Pertsona guztiok dugun eta erakutsi nahi ez dugun itzala gaitzat hartuta sortu bere azken ikuskizuna Ertza konpainiak.
- 930
- Data: abenduaren 9a, ostirala
- Tokia: Arriaga antzokia, Bilbo
- Ordua: 19:30
- Prezioa: 18€ sarrerak erosi
- Donostian urtarrilaren 28an, Gazteszena aretoan
MOOR KRAD
MOOR KRAD ikuskizunak argitara atera nahi du gu guztiok gordetzen dugun itzal hori. Bizitzan zehar, hainbat arrazoi ezberdinengatik ezkutatzen ditugun gure alderdiez osaturiko itzala. Gure izaerako zati bat ez balitz bezala, izaera horren gela ilunenean izkutatzen goazelarik.
Lur zati honetan bizi diren pertsonaiek badakite alde ilun bat dutela eta honek aldi berean beraien izaera osatzen duela. Horregatik ez dituzte beraien kontraesanak ezkutatzen eta benetan diren bezala agertzen dira besteon begietara. Ez dute beldurrik, izan ere beldurra, aurretik ezarritako arauen kontra jokatzen dugunean soilik azaltzen bait da.
MOOR KRAD-en ez da gezurrik, ez moral bikoitzik, ez eta bizitza paralelorik… Hemen dena argitara ateratzen da. Ikusten duzun zerbait ez bada zure gustukoa, ez begiratu; eta oraindik ere ezegonkortasuna sortzen badu zugan, agian bizkar gainean daramazun zaku horretan bilatu beharko zenituzke arrazoiak.
Puruak jaiotzen bagara ere, gure izaerako ze alderdiak botako ditugun zakura erabakitzen pasatzen dugu gure haurtzaroa eta gaztaroaren parte haundi bat; eta gainontzekoa berriz, zaku hori nola hustu asmatu ezinik.
Informazioa: Ertza