SORTUTAKOAK TRADIZIONALA 12: DEIALDIA

Gipuzkoako Dantzaguneak Sortutakoak Tradizionala programaren 12. edizioa jarri du martxan, Gipuzkoan euskal dantzaren alorrean ikerketa, garapena, sorkuntza eta irakaskuntza-materialen sorkuntza sustatzeko. Deialdi honen bidez bi proiektu hautatuko dira, eta eskaerak aurkezteko epea 2026ko irailaren 30eko 14:00etan amaituko da.

Proiektuak bi lan-ildo hauetako batean koka daitezke:

Ikerketa: euskal dantzaren alorrean ikerketa, dokumentazio, berregite, egokitze edo sormen lanak.
Material didaktikoa: euskal dantza irakasteko eta transmititzeko material pedagogikoa sortzeko eta garatzeko egitasmoak.

Deialdi honetara honako pertsona eta entitate hauek aurkez daitezke:

Dirulaguntza: 4.000 euro (+ BEZ / - PFEZ) hautatutako proiektu bakoitzeko. Ordainketa bakarrean egingo da 2026ko urrian, faktura aurkeztu ondoren.
Egonaldia eta lan-aretoak: urtebeteko epean, gehienez 3 asteko egonaldia Errenteriako Niessen eraikineko Dantzaguneko dantza-aretoetan (egunean gehienez 4 orduz, astelehenetik ostiralera).
Ikerketarako eta dokumentaziorako babesa: Dantzan-en egoitzan ikerketa-egonaldia egiteko aukera, Eresbil Euskal Musikaren Artxiboko dantza-liburutegira sarbidea eta Dantzaguneko lantaldearen aholkularitza teknikoa.

Epe muga: 2026ko irailaren 30a, 14:00ak baino lehen.
Formatu eta lekua: Dokumentazio guztia PDF bakar batean bidali behar da helbide honetara: sortutakoak.dantzagunea@gmail.com (Mezuaren gaia: Sortutakoak Tradizionala 12).

Bidalitako PDF bakarrean honako atal hauek jaso behar dira:

Eskatzailearen datu pertsonalak (izen-deiturak, posta helbidea, telefonoa, emaila).
Proiektuko parte-hartzaileen curriculum vitae-ak.
Proiektuaren laburpena edo hasierako ideia.
Ikerketaren edo lanaren lan-ildoak.
Proiektuaren definizio osoa (planteamendua, motibazioa, iturriak, etab.).
Proiektua ulertzeko bestelako informazio edo euskarri osagarriak.
Aurrekontu xehatua.
Gipuzkoako Dantzagunearekin duen lotura edo garatzeko motibazioa.