ZINETIKA 2021: bideo-dantza Donostian, Bilbon eta Iruñean urriaren 22tik 31ra

Besteak beste, Lorand Janosek bideo-dantza tailerra emango du urriaren 22an, eta Gipuzkoako Dantzaguneko koordinatzaile den Sofia Alforja izango da lehian ariko diren 23 lanak saritzeko epaimahaiko kideetako bat.

Zinetika jaialdiak 23 filmeko programazio zinematografikoa izango du bere VI. edizioan, hiru ataletan banatuta: Hautaketa Ofiziala, Open Screen eta Zinetiks.

Gainera, Nafarroako Gobernuko Kultura Zuzendaritza Nagusiak bultzatutako DNA programaren jarduera biltzen duen dokumentala programatuko da. Konfinamendua, errutina, bideojokoak, geometria, bereizkeria, denboraren iragaitea, arkitektura, poesia-ekintza, topaketa, esperimentazioa… bezalako gaiak jorratzen dituzten obrak dira eta hainbat herrialdetakoak dira, besteak beste: Argentina, Estatu Batuak, Frantzia, Ekuador, Brasil, Errusia, Britainia Handia, Herbehereak, Australia edo Espainia.

Teresa Morales, Sofía Alforja eta Lorand Janos arituko dira epaimahaian.

Informazioa: Zinetika