Atzealdea

Ordutegi malgutasuna: kontziliatzeko zenbait formula

 

Ordutegi malgutasuna: kontziliatzeko zenbait formula

Berdintasuna eta Kontziliazioa

Ordutegi malgutasunerako formula asko eta asko daudenez, ia-ia enpresa orok jo dezake horietakoren batera.

Dokumentu honetan enpresek ordutegi malgutasunera begira segitu ditzaketen bideak azaltzen dira, bakoitzeko abantaila eta eragozpenekin batera. Gainera, neurri horietako bakoitzera jo duen enpresen lagina ere aurkezten da.

$azpititulua.getData()

 

Ordutegi malgutasunerako formula asko eta asko daudenez, ia-ia enpresa orok jo dezake horietako neurriren batera, bakoitzaren antolaketa ereduari ondoen egokitzen zaionera alegia. Irismen txikieneko formulek denborak egunean bertan konpentsatzeko beste aukerarik ez dute ematen, eta irismen handienekoek, aldiz, ahalbidetzen dute orduak egun jakin batetik harago metatzeko eta ordu edo egun oso bidez, are epe luzeagoz, konpentsatzeko. Formularik hedatuena murriztaileena da, hau da, egunean bertan konpentsatzea ezartzen duena, eta aukera eskuzabalenak, berriz, ordu-bankuarena esaterako, oso gutxi zabalduta daude. Azken neurri hau oso positiboa da, zeren eta enpresei aukera ematen baitie lanean sor daitezkeen beharrei aparteko orduetara jotzeke zein langileei aparteko ahaleginik eskatzeke erantzuteko.

Ordutegi malguei esker, enplegatuek bere interes pertsonal eta familiarren arabera kudea dezakete denbora; horrek motibazioa indartzen, errendimendua handitzen eta laneko giroa hobetzen du. Ikuspegi zabalago batez, hiri handietan ordutegiak mailakatzeak pertsonak zerbitzuetan ordu desberdinetan banatzea ahalbidetzen du (eskoletan, dendetan, eta abarretan), eta horrek ondorio positibo erantsi bat dauka, toki horietarako desplazamenduak hobetzeari dagokionez.

Oporrak aukeratzeko malgutasunak, ikasturtean edo eskolako ordutegian zehar lan ordutegiko malgutasuna izateak bezalaxe, oso eragin positiboa du seme-alabak dauzkaten familietan. Lanaldi jarraituek eta konprimituek, bazkaltzeko denbora murrizteak eta txanda aldatzeko erraztasunek ere aukera ematen dute arratsaldean, hau da, seme-alabez arduratu behar dugun unean, etxean egoteko.