Atzealdea

Kontziliazioa Iberdrolaren enpresa estrategia modura

 

Kontziliazioa Iberdrolaren enpresa estrategia modura

Berdintasuna eta Kontziliazioa

Arancha Zotes-en hiltzaldia

Iberdrolak bere profesionalen arteko egiazko aukera berdintasunaren aldeko apustua egiten du.

Iberdrolak bere profesionalen arteko egiazko aukera berdintasunaren aldeko apustua egiten

du. Administrazio Kontseiluak eta Batzorde Eragileak badute konpromiso bat Berdintasun

eta Kontziliazio gaiari dagokionez. 2007an, lanaldi jarraitua ezarri zuten enpresan,

eta 2009an, Gizarte eta Enpresa Ordezkariek Berdintasun Plan bat osatu eta onartu zuten,

Hitzarmen Kolektiboan txertatu zutena. Iberdrolak kontziliazio neurri berritzaileak ditu, eta horiek

kultura aldaketa nabarmena ekarri dute. Horren lekuko ditugu lanaldi jarraitua, lanaldi

trinkoa eta amatasunarekin eta aitatasunarekin lotutako politikak. Neurri oldarkor eta berritzaile

horiek beste batzuekin osatzen dira; hala nola langile taldekoen seme-alabentzako

kanpaldiak, bestelako familia ekimen batzuk, mendekotasunarentzako laguntzak, enpresako

langileentzako garraioak, etab. Horiek guztiek egoera hobetzen dute; horregatik, legediaren

aurretik doaz. Zalantzarik ez da neurri horiek errentagarriak direla guztientzat; izan

ere, kontziliazioa bultzatzen dute, ekoizpena handitzen dute, laneko absentismoa zein istripu

tasa murrizten dituzte eta laneko giroa hobetzen dute. Iberdrolan dauden berdintasun politiken

artean, hauek dira nabarmentzekoak: berdintasuna aukeraketan eta sustapenean,

merezimendu bidezko garapen profesionala eta berdintasuna ordainsarietan. Era berean,

Iberdrolak jakin badaki zeinen garrantzitsua den erantzunkidetasuna, eta, horregatik, aurrerapausoa

eman du bere langile taldearen lan baldintzak hobetzeko. Erantzunkidetasunak

lotura hertsia dauka kontziliazioarekin, biek baitakarte garrantzi bera ematea premia profesionalei,

pertsonalei eta familiako premiei. Bada Berdintasun Planaren Jarraipen Batzorde

bat, neurri horiei eusteko eta horiei jarraipena egiteko. Era berean, Berdintasun Planaren

baitan, Protokolo bat dago, jazarpen kasuei aurrea hartzeko eta horrelakoetan egoki jarduteko

baliagarria dena; eta genero indarkeria jasaten duten biktima langileentzako hainbat

neurri ere badaude.

Dokumentazioa