Atzealdea

Udako ikastaroaren ondorioa: Gipuzkoa saiakuntza politikoa. Etorkizuna Eraikiz

 

Udako ikastaroaren ondorioa: Gipuzkoa saiakuntza politikoa. Etorkizuna Eraikiz

Gobernantza

Etorkizuna Eraikiz guztira 200 pertsona inguru bildu dituen UPV/EHUren uda ikastaroan gobernantza irekiaren oihartzuna eta etorkizuna aztertzeko balio izan duen adibide ukigarri eta praktikoa izan da.

Gipuzkoako ahaldun nagusi Markel Olanok ikastaroaren hasieran azaldu duenez, foru ekimenaren helburua politika publikoak administrazio publikoaren eta gizartearen arteko lankidetzaren bitartez eraikitzea da. Herritarrek politikarekiko sentitzen duten ezaxola gainditzeko eta XXI. mendeko gizarteak aurrean jarri dizkigun erronkei guztion artean aurre egiteko garaia da, hala, etorkizuneko sektoreen alde eginda; esaterako, zibersegurtasuna edo zahartze osasungarria, eta egiazko enpresa inguruneetan esperimentatuta, kontziliazioaren eta langileek enpresan izan dezaketen parte hartzearen arloetan, esaterako.

Jardunaldian, besteak beste, Minnesotako Unibertsitateko katedradun John Bryson-ek hartu du parte; haren arabera, “gobernantza eta lankidetzako lidergoa guztion ongia bilatzeko bide eraginkorrak dira”.

St Mary Unibertsitateko katedradun Karen Sanders-ek honako hau azpimarratu du: “herritarrekin elkarrizketa bat sortzeko, sinesgarri izan eta lotura emozional bat sortu behar da, eta entzuten eta erantzuten jakin”.

Etorkizuna Eraikiz ekimenak 20.000 gipuzkoarren baino gehiagoren parte hartzea izan du gobernantza berriaren esparruan garaturiko jardueretan, eta beste 4000 pertsonarena Gipuzkoako Foru Aldundiaren ekimenak artikulatzen dituen esperientzia pilotuen bidez.