Edukira joan
Menua ireki EU
Buscar
 

Bizilagun sarea

Bizilagun Sarea herritarren eta bizilagunen artean elkartasun sareak sortzeko esperimentazio-proiektu bat da

Bizilagun Sarea herritarren eta bizilagunen artean elkartasun sareak sortzeko esperimentazio-proiektu bat da; inguruko adinekoen nahiz adineko ez direnen ahultasun eta zaurgarritasun egoerak detektatzen laguntzeko eta behar gehiena dutenei laguntzeko elkartasun sareak.

Gipuzkoan, gizarte zerbitzuak beti egon izan dira lotuta irabazi asmorik gabeko erakundeekin eta boluntariotzarekin. Sektore publikoaren eta hirugarren sektorearen arteko lankidetza estua da gizarte zerbitzuen eredu gipuzkoarraren ezaugarria.

Gipuzkoa solidarioa da. Hamaika aldiz erakutsi du hori. Auzolanak sustrai sakonak ditu oraindik ere Gipuzkoako gizartean. Hala eta guztiz ere, populazioaren zahartzearen, krisi ekonomikoaren, ongizate estatuak jasaten duen presioaren eta boluntarioen profil aldaketen ondorioz (denbora librea, prestakuntza, boluntario erakundeekin duten lotura… ), aldatzen ari da jarduera solidario edo boluntarioaren papera ere.

Eredu horren iraunkortasuna bermatzeko eta boluntario gehiagorengana zabaltzeko, bost esperientzia pilotu jarri dira martxan lurraldeko lau eskualdetan, hurbileko solidaritate eta boluntariotza formula berriak sustatzeko asmoz: adinekoak, bazterketa arriskuan dauden pertsonak, landa eremuan bizi direnak…