Edukira joan
EU
Buscar
 

Kultura Mezenasgo Berria

Obari fiskala kulturaren finantziazioan

2008tik jasan dugun krisiak kalte larria eragin du Gipuzkoako kultura sektorean, hein handi batean dirulaguntza publikoen  mendean dagoen sektore horretan. Gure inguruneko beste herrialde batzuetan ez bezala, bereziki kultura anglosaxoikoetan, Gipuzkoan zaila da kultura proiektuak finantzatuko dituzten ekimen pribatuak aurkitzea. Arazoa are larriagoa da kultura proiektu aitorturik eta ibilbide luzerik ez duten kultura ekimenen kasuan. Hori dela eta, uste dugunez, finantziazio kulturala ezin da soilik administrazio publikoen aurrekontuen mendean egon. Horren haritik, finantziazio pribatuaren inplikazio eta presentzia handiagoa lortzea helburu duten hainbat ekimen jarri dira abian; bereziki, META micromezenasgo sistema berria eta Gipuzkoako mezenasgoari buruzko liburu zuria, mezenasgo mota berria gauzatzea xede duena. Hala Gipuzkoako finantza publikoen egoera ekonomikoagatik nola gipuzkoar gizartearen maila sozioekonomiko eta kulturalagatik edo asoziazionismoaren ratio handiagatik, Gipuzkoa lurralde egokia da kultura mezenasgoarentzat  pizgarri handiagoak izango diren neurriak martxan jartzeko.

Proiektuak kultura finantzatzeko molde berriak sustatuko ditu Gipuzkoa Europako lurralde garatuenen mailan jartzeko kultura produkzioari eta ekimen pribatuaren inplikazioari dagokionean.