Pirinio Atlantikoetako Departamentuaren eta Gipuzkoako Foru Aldundiaren arteko Mugaz Gaindiko Lankidetza hitzarmena 2025-2028

Akordioak lankidetza esparru berri bat finkatzen du 2028ra arte

Abenduaren 31ko 315 zenbakiko EAOn Lurralde Koordinaziorako Idazkaritza Nagusiaren 2025eko abenduaren 30eko Ebazpena argitaratu da, Pirinio Atlantikoetako Departamentuaren eta Gipuzkoako Foru Aldundiaren (Espainiako Erresuma) arteko 2025-2028ko mugaz gaindiko lankidetza-hitzarmena argitaratzen duena. Hitzarmen hori 2025eko urriaren 22an sinatu zen.

Mota horretako bosgarren hitzarmena da 2005 urtetik, eta jarraipena ematen dio mugaren bi aldeetako lurraldeen arteko lankidetza estuko ia bi hamarkadari.

Esparru instituzional hori lankidetza-ekintzetan oinarritzen da, Pirinioen bi aldeetako mugako herriei mesede egingo dieten interes komuneko proiektuak garatzeko helburuarekin.

Honako gai hauek landuko dira batez ere:
>>Gizarte-politikak: haurren babesaren, mendekotasunaren arretaren, autonomiaren eta zahartzearen arloko lankidetza indartzen da. Gainera, mugaz gaindiko laneratze-programei esker, pertsonen aukerak hobetuko dira mugaren bi aldeetan, enplegu-espazio komun bat sortuz.
>>Mugaz gaindiko gobernantza eta herritartasuna: elkarteen sarea (IDEIAK programa) eta euskararen sustapena bultzatuko dira, eta larrialdietan lankidetzan jarraituko da ALERT proiektuaren bidez.
>>Lurralde konektagarritasuna eta –irisgarritasuna: bizikleta bidezko mugikortasunerako mugaz gaindiko sare bat sortzen jarraituko da.
>>Toki- eta lurralde-kohesioa eta garapen iraunkorra: datuen eta informazio kartografikoaren ustiapen partekatua, berrikuntza sozialeko ekimenak bultzatzea eta natura ondarearen balorizazioa sustatuko dira, Talaia Bidea bidezidorrari balioa emateko eta antzeko jarduerekin.