Atzealdea

2020ko Enplegu Publikorako Eskaintza Hezkuntzan: izena emateko epea zabalik

1.148 plaza eskaintzen dira, Bigarren Hezkuntzako Irakasleen zein Lanbide Heziketako Irakasle Teknikoen kidegoetarako

2020·03·09


Eusko Jaurlaritzaren Hezkuntza Sailak 2020ko Enplegu Publikorako eskaintza deialdia egin du. Zehazki, honako postuak eskainiko dira:

  • Bigarren Hezkuntzako Irakasleen kidegoa: 1.021 plaza
  • Lanbide Heziketako Irakasle Teknikoen kidegoa: 127 plaza

Hezkuntza Sailak eskaintzen dituen 1.148 plaza horien banaketa, kidegoen araberakoa eta espezialitateen araberakoa da. Hautagaiek kontuan izan beharreko egutegia honakoa da:

  • Otsailaren 28tik martxoaren 18ra (biak barne): izen-emateak egiteko epea.
  • Apirilaren 29tik maiatzaren 11ra: izangaiek programazio didaktikoa aurkez dezaten epea.
  • Apirilaren 29tik maiatzaren 11ra: izangaiek merezimenduak aurkez ditzaten epea.
  • Lehen proba, ekainaren 20an.

Lehen proba gainditzen duten izangaiak bigarren fasera pasatuko dira. Epaimahaiaren aurrean programazio didaktikoa aurkeztu eta defendatu beharko dute.

Hautaketa-prozedura honi buruzko informazio guztia Hezkuntza Sailaren webgunean dago eskura: www.euskadi.eus/hezkuntza