Atzealdea

Donostiako Giza Eskubideen Zinemaldiko gazte-epaimahaian parte hartzeko izen-ematea zabalik

Martxoaren 31 arte egongo da zabalik deialdia, eta 18-30 urte bitarteko gazteek izena eman dezakezue

2020·02·05


 

Gazte Epaimahaia 18 eta 30 urte arteko 150 gaztek osatuko dute. Apirilaren 23 eta 30 bitartean egingo den Giza Eskubideen Zinemaldiaren 18. edizioaren baitan Nazioarteko Lehiaketan film labur onenari saria emateko ardura izango dute.

Gazte Epaimahaian kide izateko www.zinemaetagizaeskubideak.eus webgunean izena eman behar da. Epea martxoaren 31ra arte irekita dago. Apirilaren 1ean izena eman duten guztien artean zozketa egingo da gazte-epaimahaia osatzeko.

Aurreko urtetan bezala, Gazte Epaimahaian parte hartzeak aukera ematen du unibertsitateko ECTS kredituak jasotzeko. Era horretan, Gazte Epaimahaian parte hartuko duten Euskal Herriko Unibertsitateko (UPV/EHU), Mondragon Unibertsitateko Ikus-entzunezko gradukoek eta Deustuko Unibertsitateko ikasleek ECTS kredituak izango dituzte. Horretaz gain, epaimahaikide-lana egingo duten gazteei bi abonamendu emango zaizkie Donostiako Fantasiazko eta Beldurrezko Zinemaren 30. Asteko Victoria Eugenia Antzokiko saioetarako.

Informazio gehiago: www.zinemaetagizaeskubideak.eus