Atzealdea Gaztematika 2019an: hautatutako hainbat artikulu
2019/12/18
2019an Haur, nerabe eta gazteen arloko profesionalei eskainitako atalean (GAZTEMATIKA) argitaratu ditugun artikulu interesgarrietako batzuk aukeratu ditugu.
Horiek irakurri gabe geratu bazinen, orain duzu aukera:
Azaroaren 21ean, Gipuzkoako Haur, Nerabe eta Gazteen Sustapenerako Sarearen (Gaztematika) Foro Politikoa izan zen jardunaldi batean, Donostiako Aquarium-en. Bertan, lurraldeko 80 bat arduradun politiko eta tekniko bildu ziren.
EHUko soziologo eta irakaslea seme-alaben irudiak sare sozialetan partekatzeko fenomenoari buruz mintzatu da. “Seme-alaben arrasto digitala sortzen ari gara sharenting-a praktikatzean”
Gipuzkoako Foru Aldundiko Gazteria Zuzendaritzak, azaroaren 20an Haurren eta Nerabeen Eskubideen Nazioarteko eguna dela baliatuz, sentsibilizazio-kanpaina bat martxan jarri du. Honen helburua da gogoraraztea adinez txikiek beren intimitatea eta identitatea babestuta izateko eskubidea dutela eta gurasoek, seme-alaben irudiak eremu digitalean zabaldu baino lehen, horiek babestu behar dituztela.
Ekimenak emakumeak sexu-arloan ahalduntzeko helburua du
Kultura, Lankidetza, Gazteria eta Kirol Departamentuko diputatu Denis Itxasok legealdi honetan Departamentuak eta horren barruan, Gazteria Zuzendaritzak zein proiektu estrategikori helduko dien aurkeztu du.
Dagoeneko martxan dira Gazteak Auzolanean programaren 2019ko deialdian aukeratutako 2 proiektuak.
Egitasmo honen helburu nagusia da gazteen eta hizkuntza gutxituen arteko harremana eta erlazio horri buruzko hausnarketa bultzatzea.
Ikasturte honetako lema da: “Hazi, hezi, ekin. Zatoz gurekin!” (haurtxokoak) “Hemen, gu geu gara. Zatoz gurekin!” (gaztelekuak)
Pasa den ikasturtean, Gaztematikaren 10. plana garatu dugu, amaitu berria den legegintzaldiko laugarrena eta azkena. Horregatik, legegintzaldi honen laburpena aurkeztu nahi dizuegu, lau urte hauetan emandako aurrerapausoak nabarmenduz.
Haur, nerabe eta gazteria arloko profesionalentzako argitaratutako BERRI guztiak ikusteko: GAZTEMATIKA
Urteko azken egun hauetan, bide batez, eskerrak eman nahi dizkizuegu Gaztematika Sarearen izenean bidean lagundu diguzuen pertsona eta erakunde guztioi.
Egun hauek ondo pasa, urtarrilean berriro hemen izango gara indarrak berrituta, haur, nerabe eta gazteei buruzko informazioa zabaltzen…
Gabon Zoriontsuak eta Urte Berri On!