Berriak
Europar Batzordeak 2019-2027 aldirako ezagutarazi duen Gazteriaren Estrategia Berriaren barruan, ezinbesteko jarduera-ildo batzuk markatu dira, #YouthGoals (Gazteriaren Helburuak) izendatuak. Hauen oinarria da Erasmus+en Gazteak Ekinean programari esker harremanetan jarritako gazteen eta gazteria-politiken arduradunen arteko elkarrizketa egituratua.
2019/02/19
Helburu edo jarduera-ildo horiek honakoak dira:
1.- Europar Batasuna gazteekin konektatzea; horretarako, Europar proiektuaren kide izateko sentimendua bultzatuko da gazteen artean, konfiantza berreskuratu eta parte-hartzea handitzeko.
2.- Genero guztien arteko berdintasuna: generoa aintzat hartzen duten ikuspegiak eta parekidetasuna ziurtatzea.
3.- Gizarte barneratzaileak: gazte guztiak gizartean barnera daitezen ahalbidetu eta bermatzea.
4.- Informazioa eta elkarrizketa konstruktiboa: gazteek konfiantzako informazioa eskura dezaten ziurtatzea, informazio modu kritikoan ebaluatzeko duten gaitasuna sendotzea eta elkarrizketa konstruktibo batean parte hartzea.
5.- Osasun mentala eta ongizatea: gizarte-ongizate hobea lortzea eta osasun mentaleko arazoen estigmatizazioa deuseztatzea.
6.- Landako gazteak sustatzea, beren ahalmena landa-inguruneetan garatzeko aukera emango dieten baldintzak sortuz.
7.- Guztientzako kalitatezko enplegua: lan-merkatuan sartzeko aukerak bermatzea, kalitatezko enplegura iristeko.
8.- Kalitatezko ikaskuntza: ikaskuntza-modu desberdinak integratu eta hobetzea, gazteak etengabe aldatzen ari den bizitza baten erronketarako prestatuz.
9.- Guztientzako espazioak eta parte-hartzea: parte-hartze eta autonomia demokratikoa indartzea, bai eta gazteei beraientzako espazioak eskaintzea ere.
10.- Europa berdea eta iraunkorra: gazte guztiak ingurumen-eragileak, beren eguneroko bizitzan ingurumen- eta iraunkortasun-jarrerak aplikatzeko heziak eta gaituak, diren gizartea lortzea.
11.- Europar Programak eta gazte-erakundeak: gazte guztiek Europako gazte-erakundeetara eta gazteria-programetara iristeko aukera berdinak izan ditzatela bermatzea, europar balioetan eta identitatean oinarritutako gizarte bat eratuz.