Atzealdea Hasi dira Gipuzkoako Foru Aldundiaren udako programak!
2019/07/01
Haurrak eta gazteak protagonista izan ziren Donostiako autobus-geltokian, bertatik irten baitziren hurrengo egunetan programak garatuko diren instalazio desberdinetarako 17 autobusak.
Irten baino lehen, senideek aukera izan zuten begiraleei azken orduko oharrak eta jarraibideak emateko.
Aurten, foru-erakundeak 310 plaza eskaini ditu lurraldeko 7 eta 13 urte bitarteko haurrentzako UDALEKUAK programan, eta beste 123 plaza 14 eta 17 urte arteko gazte gipuzkoarrentzat. Bi programek aisia eta abenturako ekintzak dituzte, eta beren helburua da era aberasgarri batean udan astialdiaz gozatzen laguntzea.
Egonaldi desberdinetan egunez egun gertatzen dena ikusi nahi dutenentzat gune bat prestatu da gipuzkoangazte.eus webgunean; bertara haurrek eta gazteek burutzen dituzten ekintzen argazkiak igoko dira.