Atzealdea Queer it up! ikastaroa
2019/06/10
“Queer it up! - including Sexual Orientation and Gender Identity and Expresion in Youth Work Practice”, Mollinan (Malaga) izango da, irailaren 23tik 28ra, gazteria-esparruko langileentzat, gazteria-politiken arduradunentzat, boluntario-laneko proiektuen tutoreentzat eta gazteekin lan egiten duten guztientzat.
Erasmus+: Gazteak Ekinean programaren Espainiako Agentzia Nazionalak antolatu du, LGTBI+ kolektiboan trebatuta ez daudenekin sexu-orientazioa eta identitatearen eta generoaren adierazpena lantzeko.
Egun horietan 25 parte-hartzaileek beren lanean sexu-orientazioaren eta identitatearen eta generoaren adierazpenaren ikuspegia txertatzeko behar dituzten gaitasunak lortuko dituzte.
Gainera, Erasmus+: Gazteak Ekinean programa erabiltzen ikasiko dute, LGTBI+ eskubideak, giza eskubideak eta berdintasuna sustatzen dituzten proiektuak burutzeko.
LGTBI+ gazteekin lan egiteak dituen berariazkotasunak eta erronkak aztertuko dira, gazte horiek zein zailtasuni aurre egin behar dieten eta profesionalek beren hazkuntzan nola lagundu diezaieketen ikusiz.
EPEA: Uztailaren 21a arte Salto-Youth plataformaren webgunean
Iturria: ErasmusPlus Injve