Izen-ematea

Zozketarako izen-ematea

Banaka edo taldeka (gehinez ere hiru lagun) egin daitezke izen-emateak, eta zozketan parte hartzeko bi bide daude:

• Internet bidez
• Kanpainan parte hartzen duten bulegoetan aurkeztuz

Programan lekua lortzeko aukera-berdintasuna ziurtatzearren, inprimaki bakarra onartuko da eskatzaile bakoitzeko. Inprimaki bat baino gehiago iristen bada, eskaera deuseztatu egingo da.

Zozketan parte hartzeko onartutakoen izenak, eskaera aurkezteko izendatutako tokietan eta Interneten kontsultatu ahal izango dira.  Erreklamazioak egiteko aukera emango da (data zehaztu gabe).

Ahalik eta gazte gehienek Gazte Oporraldietan parte hartzeko aukera izan dezaten, plazak esleitzerakoan lehentasuna emango zaie aurreko urteetan parte hartu ez zutenei.

Zozketa

Lekuak zozketa publikoaren bidez eta notarioaren aurrean esleituko dira. Emaitzak jakinaraziko dira kanpainan parte hartu duten bulegoetan eta Interneten.

Behin betiko izen-ematea

Izena emateko behin betiko epea bukatu denean, zozketan plaza lortu duen norbaitek izenik ematen ez badu, plaza horri uko egin diola ulertuko dugu.

Zozketan plaza lortu dutenek behin betiko izen ematea egin behar dute (data zehaztu gabe). Emailez edo etxean postaz jasoko duten ordainagirian jarritako kuota ordaindu behar dute, eta, gainera, izen ematea gauzatzeko eskatzen diren agiriak ere adieraziko dira.

Prezioan sarturik daude

• Joan-etorriak
• Jardueretako materiala
• Ostatua
• Asegurua

   

Behin betiko izen-ematea nola egin

• Online: Behin betiko izen-ematea on line egiteko identifikazio elektronikoa behar da (B@kQ...). Gure web orrian aurkituko duzu aktibatzeko beharrezkoa den informazioa
• Paperean: Gipuzkoako Foru Aldundiko Udako Programen Bulegoan (Anoeta 28, Donostia).

Haur, Nerabe eta Gazteen Sustapen Zerbitzuak programa honetako alderdi batzuk aldatzeko ahalmena du, horien ordez antzeko ezaugarriak dituzten beste batzuk jarriz.