Talentu eskasia: 11.000 lanpostu IKT profiletan (Euskadi)

IKT profilen eskaria hazi egin da azken urteotan; baina arlo horretako prestakuntza eta graduatutako pertsonak ez dira behar adina handitu, eta horrek talentu-defizita eragin du: Espainian IKT sektorean dauden lanpostu hutsak 120.400 direla kalkulatzen da, eta 11.000 EAEri dagozkiola.

Bi faktorek azaltzen dute egoera hau: sektorearen hiper-espezializazioari erantzuteko unibertsitate-sistemaren malgutasunik eza eta IKT ikasle nahikorik eza (ezjakintasuna? interesik eza?), batez besteko ordainsaria handiagoa izan arren.

Lanpostu huts gehien softwarearen garapenean (40.000), sistemetan eta hardwarean (25.000) eta zibersegurtasunean (24.000) daude.