Enplegagarritasun handia Lanbide Heziketan, baina emakumeen presentzia txikia ziklo industrialetan

EAEko Lanbide Heziketa enplegura bideratutako prestakuntza gisa finkatzen da: ikasketak amaitu eta 18 hilabetera, % 83,2ak lan egiten du (2022) eta goranzko profilarekin (2010-2022).

Enplegagarritasuna txikixeagoa da emakumeen artean (% 80,8), laneratze handieneko zikloetan presentzia txikiagoa dutelako:

-Emakumeak ikasketak amaitu dituzten ikasleen % 39,3 dira, baina industria-zikloetan (okupazio-tasa handienarekin) presentzia % 10,4ra murrizten da.
-Aldiz, gizonen erdiak baino gehiagok industria-zikloren bat egiten du (% 54,3), erabakigarria izanik enplegagarritasun globalaren ratio hobean.
-Emakumeak gehiengoa dira Osasunean (% 77,8), eta horren enplegagarritasun handiak (% 82,6) emakumeen emaitza orokorra hobetzen du.

Erronkak: emakumeen presentzia handitzea eta generoaren araberako parte-hartzea orekatzea (industria-maskulinoa, osasuna-femeninoa).